If you are not in Kundali Rajyoga dont worry, this yoga will also bring glory
  • Home
  • Astrology
  • જો કુંડળીમાં ન હોય રાજયોગ તો ચિંતા છોડો, આ યોગ પણ અપાવશે યશ-કીર્તિ

જો કુંડળીમાં ન હોય રાજયોગ તો ચિંતા છોડો, આ યોગ પણ અપાવશે યશ-કીર્તિ

 | 10:54 am IST

કોઈ ખુબજ સુખી માણસને જોઈએ એટલે આપણે તરતજ કહીએ છીએ કે આ માણસ કેટલો ભાગ્યશાળી છે. ક્યારેક કહીએ છીએ કે રાજયોગ કુંડળીમાં લઈને આવ્યો છે આ વ્યક્તિ એટલે જ આટલો સુખી છે. જ્યોતિષશાસ્ત્રમાં હજારો યોગ બતાવવામાં આવ્યા છે. જેમાંથી કેટલાક શુભ ફળ આપતાં તો કેટલાક અશુભ ફળ આપતા હોય છે. આજે એવા યોગ વિશે તમને જાણવા મળશે જેના કારણે વ્યક્તિ ધનવાન બને છે. તેના માટે તમારે કોઈ જ્યોતિષિ પાસે જવાની પણ જરૂર નથી. તમે જાતે જ જાણી શકશો કે તમારી કુંડળીમાં આ યોગ છે કે નહીં.

આ પણ વાંચો: શરદ પૂર્ણિમા પર 30 વર્ષે બન્યો ગજકેસરી યોગ, જાણો પૂજા વિધિ અને મહત્વ

ગજકેસરી યોગ
કુંડળીમાં ગુરુ અને ચંદ્રની ખાસ સ્થિતીથી તે બને છે. જ્યારે ગુરુ અને ચંદ્ર જન્મ કુંડળીમાં એકબીજાના સ્થાનમાં એટલે કે પહેલા, ચોથા, સાતમા અથવા તો દસમા સ્થાનમાં હોય તો આ યોગ બને છે. જેની કુંડળીમાં આ યોગ હોય છે તેઓ જ્ઞાની હોય છે અને તેમનામાં વિવેક અને દયાની ભાવના પણ હોય છે. આવા વ્યક્તિઓ સરળતાથી ઉચ્ચ પદ પર પહોંચી જાય છે. મૃત્યુ પછી પણ તેમની કિર્તી યથાવત રહે છે.

સુનફા યોગ
જેની કુંડળીમાં ચંદ્રથી બીજા ઘરમાં કોઈ શુભ ગ્રહ જેવા કે ગુરુ, શુક્ર, બુધ હોય છે ત્યારે આ યોગ બને છે. જેના નસીબમાં આ યોગ હોય છે તેમને પણ નોકરીમાં સારી તકો પ્રાપ્ત થાય છે. ધન સંપત્તિના મામલે પણ તેઓ ભાગ્યશાળી હોય છે. આ સુનફા યોગ બહુ ચર્ચાતો ન હોવાથી તેના વિશે લોકો ઓછું જાણે છે.

શશ યોગ
કુંડળીમાં શનિ જ્યારે પોતાની રાશિ મકર અથવા તો કુંભમાં હોય છે ત્યારે શશ નામનો યોગ બને છે. શનિની ઉચ્ચ રાશિ તુલા છે. શનિ જ્યારે તુલામાં હોય છે ત્યારે પણ આ યોગ બને છે. આ યોગમાં જેનો જન્મ થાય છે તે ધીરે ધીરે સફળતાના પગથિયાં ચડતાં ચડતા આગળ વધતાં જાય છે. આમિર ખાન, શાહરૂખ, કૈટરિના કૈફની કુંડળીમાં પણ આ યોગ છે.જેમની કુંડળીમાં આ યોગ હોય તે જાતકનું વ્યક્તિત્વ ચુંબકીય હોય છે.

માલવ્ય યોગ
વૃષભ, તુલા અથવા મીન રાશિમાં પણ જ્યારે શુક્ર હોય છે ત્યારે માલવ્ય નામનો રાજયોગ બને છે. આ યોગમાં જન્મેલા લોકો સુંદર અને સૌભાગ્યશાળી હોય છે. પ્રસિદ્ધિ તેમની સાથે સાથે ચાલે છે. આવા લોકો જે પણ કામ કરે છે તેમાં તેમનું ભાગ્ય સાથ આપે જ છે. ધન સંપત્તિના મામલે પણ આવા લોકો ભાગ્યશાળી હોય છે.

ભદ્ર યોગ
જ્યારે બુધ પોતાની રાશિ મિથુન અથવા કન્યામાં હોય છે ત્યારે ભદ્ર નામનો રાજયોગ બને છે. આ યોગ જેની કુંડળીમાં હોય છે તે બુદ્ધિમાન અને વ્યવહાર કુશળ હોય છે. તેઓ પોતાના વ્યવહાર અને કુશળતાથી લોકોની પ્રશંસા મેળવે છે.

આ વીડિયો જુઓ: દર્શન કરો વલસાડના પારનેરા ડુંગર પર નિર્મિત મા ચામુંડા ધામના

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandeshની નવી મોબાઇલ એપ્લિકેશન