in ancient time, small choti kept for the health issues
  • Home
  • Featured
  • ધર્મ નહિં, સ્વાસ્થ્ય સાથે જોડાયેલો છે આવી ચોટી રાખવાનો રિવાજ

ધર્મ નહિં, સ્વાસ્થ્ય સાથે જોડાયેલો છે આવી ચોટી રાખવાનો રિવાજ

 | 3:38 pm IST

ભારતમાં પ્રાંત મુજબ જ્ઞાતિઓ અલગ અલગ છે, અને તેમના રીતરિવાજો પણ અલગ અલગ છે. આ તમામના સેન્ટરમાં હિન્દુ ધર્મ છે. હિન્દુ ધર્મમાં વૈદિક કાળમાં ધર્મ અનુસાર અનેક રિવાજો બનાવવામાં આવ્યા હતા. આ તમામ રિવાજો પાછળ વિજ્ઞાન છે. વિજ્ઞાનના તથ્યોના આધારે આ બાબતો નક્કી કરાઈ હતી. જેમાં બ્રાહ્મણોના વાળ પર બનાવાતી નાનકડી ચોટલી છે. આ ચોટી પણ કેટલાક તથ્યોના આધારે બનાવવામાં આવી હતી. જેને આગળ ચાલીને ધર્મનું રૂપ આપી દેવામાં આવ્યું.

સુશુર્ત સંહિતામાં વર્ણવવામાં આવ્યું છે કે, મસ્તિષ્કની અંદર જ્યાં વાળ કેન્દ્રિત થાય છે, ત્યાં સંપૂર્ણ નાડી તેમજ સંધીઓનું મિલન થાય છે. જેને અધિપતિમર્મ કહેવાય છે. તે સ્થાન પર જો વ્યક્તિને ઈજા પહોંચે છે, તો તેનું મૃત્યુ થઈ જાય છે. સુષુમ્નના મુખ્ય સ્થાનને મસ્તુલિંગ કહેવાય છે.

મનુષ્યના તમામ જ્ઞાનેન્દ્રિયો કાન, નાક, જીભ અને આંખનો સંબંધ હોય છે, અને કામેન્દ્રિયો હાથ, પગ, ગુદા વગેરેનો સંબંધ મસ્તુલિંગ સાથે હોય છે. વ્યક્તિના મસ્તિષ્ક મસ્તુલિંગ જેટલા તાકાતવાર હશે, તેની જ્ઞાનેન્દ્રિયો અને કામેન્દ્રિયો તેટલા જ શક્તિશાળી હતી.

બાળકના જન્મ પહેલા, ત્રીજા, પાંચમા, સાતમા અને નવમા વર્ષના અંતમાં જ્યારે બાળકનું મુંડન સંસ્કાર કરવામાં આવે છે, ત્યારે કપાળના કેન્દ્રમાં ચોટી રાખવામાં આવે છે. જ્યારે કોઈ વ્યક્તિ યજ્ઞોપવિત ધારણ કરે છે, ત્યારે ચોટી રાખવામાં આવે છે. જે સ્થાન પર ચોટી રાખવામાં આવે છે, તે સ્થાનને સહસ્ત્રાર કહેવાય છે. તથા તે સ્થાનની નીચે આત્મા નિવાસ હોય છે, ચોટી રાખવાથી તેમાં ગઠન બંધાય છે.