India - China 5th Corps Commander Level Talks Deferred
  • Home
  • Featured
  • LAC: ચીનની નફ્ફટાઇ, પાંચમા રાઉન્ડની સૈન્ય વાતચીત ટળી ગઇ, કારણ કે…

LAC: ચીનની નફ્ફટાઇ, પાંચમા રાઉન્ડની સૈન્ય વાતચીત ટળી ગઇ, કારણ કે…

 | 7:55 am IST

સરહદ વિવાદને લઇ ભારત અને ચીનની વચ્ચે તણાવ ઓછો થઇ રહ્યો નથી. ચીન પેંગોંગ સો અને દેપસાંગમાં પાછળ હટી રહ્યું નથી. એવામાં બંને દેશોની વચ્ચે થનાર પાંચમી મુલાકાતની વાતચીત પણ હાલ ટાળી દેવામાં આવી છે.

પૂર્વ લદ્દાખમાં ભારત અને ચીનની વચ્ચે તણાવ ઓછો થવાનું નામ લઇ રહ્યું નથી. એક બાજુ પેંગોંગ સો અને દેપસાંગમાં ચીની સૈનિકોના પાછળ હટવાના કોઇ સંકેત મળી રહ્યા નથી બીજીબાજુ ચીન LAC પર અરૂણાચલ પ્રદેશ સુધી સતત પોતાના સૈનિકોની સંખ્યા વધારી રહ્યું છે. એવામાં બંને દેશોની વચ્ચે થનાર સૈન્ય કમાન્ડર સ્તરની વાતચીતને આવતા સપ્તાહ સુધી ટાળી દેવાઇ છે.

ચીનની હરકતોને ધ્યાનમાં રાખતા ભારતે 14 કોર્પ્સ કમાન્ડર લેફ્ટિનેંટ જનરલ હરિંદર સિંહ અને ચીની મેજર જનરલ લુઇ લિનની વચ્ચે 5મા રાઉન્ડની વાતચીત માટે બિલકુલ જોર આપ્યું નથી. બંને દેશોની વચ્ચે પાંચમા રાઉન્ડની આ વાતચીત 30મી જુલાઇ માટે પ્રસ્તાવિત હતી. પરંતુ ચીનના ઇરાદાને જોતા હાલ વાતચીતને ટાળી દેવામાં આવી છે.

‘ચીનના પાછળ ના હટવાના બે કારણો’

અધિકારીઓના મતે પેંગોંગ સો અને દેપસાંગમાં ચીની સૈનિકોની પાછળ ના હટવાના બે કારણો હોઇ શકે છે. પહેલું બંને દેશોની વચ્ચે 14 જુલાઇના રોજ સૈન્ય કમાન્ડર સ્તરની ચોથા રાઉન્ડની વાતચીતમાં ડિસએંગજમેન્ટના જે પ્રપોઝલ પર સહમતિ બની હતી તેને લાગૂ કરવી કે નહીં. તેને લઇ ચીન હજુ પણ દુવિધાની સ્થિતિમાં છે. બીજું ચીન આ વિવાદને ખેંચીને શિયાળા સુધી લઇ જવા માંગે છે.

એરફોર્સ અને નેવી એલર્ટ

સૂત્રોના મતે ભારતીય વાયુસેના શિયાળાની મોસમમાં પણ વાસ્તવિક નિયંત્રણ રેખાને અડીને આવેલા ક્ષેત્રોમાં એલર્ટ રહેશે, તો ભારતીય નૌસેના હિન્દ મહાસાગરમાં આક્રમક પેટ્રોલિંગ કરશે. સૂત્રોએ કહ્યું કે ભારતીય સેના પૂર્વ લદ્દાખમાં લાંબા સમય સુધી ચાલનાર આ ગતિરોધને લઇ વિસ્તૃત તૈયારી કરી રહ્યું છે.

ચીનની સાથે 4 વખત સૈન્ય સ્તરની વાતચીત થઇ

ક્ષેત્રમાં શાંતિ અને સ્થિરતા પુન:સ્થાપિત કરવાના લક્ષ્યથી પૂર્વ લદ્દાખમાં સંઘર્ષવાળી જગ્યાથી સેનાઓની વાપસીને લઇ હજુ સુધી બંને દેશોની સેનાઓના ટોચના સૈન્ય કમાન્ડરોની વચ્ચે ચાર તબક્કાની વાર્તા થઇ ચૂકી છે. ઉલ્લેખનીય છે કે પાંચ જુલાઇના રોજ રાષ્ટ્રીય સુરક્ષા સલાહકાર અજીત ડોભાલ અને ચીનના વિદેશ મંત્રી વાંગ યી એ ટેલીફોન પર લગભગ બે કલાક સુધી પૂર્વ લદ્દાખમાં બંને દેશોની વચ્ચે તણાવને ઓછો કરવા માટે ચર્ચા કરી હતી. બંને પક્ષોએ આ વાર્તા બાદ છ જુલાઇ બાદ પાછળ હટવાની પ્રક્રિયા શરૂ કરી હતી.

આ વીડિયો પણ જુઓ : અયોધ્યામાં રામમંદિરની તડામાર તૈયારી

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandeshની નવી મોબાઇલ એપ્લિકેશન