ભારતમાં છે એશિયાનું સૌથી સ્વચ્છ ગામ, નથી થતો અહીં પ્લાસ્ટિકનો ઉપયોગ

વડા પ્રધાન નરેન્દ્ર મોદીએ થોડા વર્ષો પહેલા સ્વચ્છ ભારત અભિયાનની શરૂઆત કરી હતી. આ મિશન દ્વારા વડા પ્રધાને દેશને સ્વચ્છ બનાવવા માટે એક ઝુંબેશ ચલાવી હતી. આ મિશનની દેશમાં ખૂબ વ્યાપક અસર પડી હતી. પરંતુ તે પછી પણ, દેશમાં એક એવું સ્થળ હતું જ્યાં આ અભિયાનની કોઈ જરૂર નહોતી, આ ગામ પહેલેથી જ સ્વચ્છતાના સંદર્ભમાં એક ઉદાહરણ પૂરું પાડે છે. ગામનું નામ મોલિંનોન્ગ છે અને તે મેઘાલયની પૂર્વ ખાસી હિલ્સમાં સ્થિત છે. ચાલો આજે જાણીએ આ સ્થાનની વિશેષ બાબતો …

ભગવાનનો બગીચો

– આ ગામની સુંદરતાનો અંદાજ એ વાતથી લગાવી શકાય છે કે તેને ભગવાનનો બગીચો કહેવામાં આવે છે. આ ગામ ઘણા વર્ષોથી સ્વચ્છતા માટે પ્રખ્યાત છે.

– આ ગામમાં વૃક્ષોના મૂળથી પુલ બનાવવામાં આવ્યા છે. આ પુલોની સુંદરતા જોવાલાયક છે અને તે ટ્રેકિંગ માટે પણ વિશેષ છે.

પ્લાસ્ટિકનો ઉપયોગ થતો નથી

આ સુંદર ગામમાં પ્લાસ્ટિકનો ઉપયોગ થતો નથી. વાંસથી બનેલા ડસ્ટબીનનો અહીં ઉપયોગ કરવામાં આવે છે. આ ગામમાં લોકો સામાન લઇ જવા માટે કપડાંની બનેલી બેગનો ઉપયોગ કરે છે. અહીંનાં બાળકો પણ સ્વચ્છતાનું વિશેષ ધ્યાન રાખે છે.

સાક્ષરતા દર 100%

આ ગામના બધા લોકો શિક્ષિત છે. આ એક આદર્શ ગામ છે. અહીં લોકો ઝાડ માટે ખાતર બનાવવા માટે ખાડામાં કચરો નાખતા હોય છે.

અહીં બાળકોને માતાની અટક મળે છે

આ ગામ મહિલા સશક્તિકરણનું ઉદાહરણ પણ રજૂ કરે છે. અહીં બાળકોને માતાની અટક મળે છે અને પૈતૃક સંપત્તિ માતા ઘરની સૌથી નાની પુત્રીને આપે છે.

આ ગામના સુંદર ડેસ્ટિનેશન

આ ગામ ધોધ, ટ્રેક, લિવિંગ રુટ બ્રિજ, ડોકી નદી માટે પ્રખ્યાત છે. આ સ્થાનની પ્રાકૃતિક સુંદરતા જોવા લાયક છે. આ ગામમાં ઘણા રંગબેરંગી ફૂલોના બગીચા પણ છે જે સ્થાનની સુંદરતામાં ચાર ચાંદ લગાવે છે.

આ પણ જુઓ : ફ્રીઝનું ઠંડુ પાણી પીઓ છો ચેતી જજો, નહીંતર…

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandesh ની નવી મોબાઇલ એપ્લિકેશન