india-to-participate-in-moscow-talks-with-taliban-at-non-official
  • Home
  • Featured
  • પહેલી વખત ભારત ગેરકાયદેસર રીતે તાલિબાન સાથે કરશે વાત, મોસ્કોમાં મળશે બેઠક

પહેલી વખત ભારત ગેરકાયદેસર રીતે તાલિબાન સાથે કરશે વાત, મોસ્કોમાં મળશે બેઠક

 | 11:04 am IST

રશિયાની રાજધાની મોસ્કોમાં અફઘાનિસ્તાનમાં શાંતિના મુદ્દે શનિવારે વાતચીત થશે. મોસ્કો ફોરમેટ ટોક્સના નામથી થનારી આ બેઠકમાં અફઘાન તાલિબાનના પ્રતિનિધિ હાજર રહેશે. ભારત પણ તેમાં સામેલ થશે.

રશિયાના વિદેશી મંત્રાલયના જણાવ્યા મુજબ વાતચીતમાં અફઘાન તાલિબાનના પ્રતિનિધિ અને ભારતના બે રિટાયર્ડ અધિકારીઓ ઉપસ્થિત રહેશે. આ પહેલી વખત છે કે જ્યારે ભારત તાલિબાન સાથે મંચ પર એક સાથે જોવા મળશે.

રશિયા વિદેશ મંત્રાલયે ગત સપ્તાહે કહ્યું હતું કે, અફઘાનિસ્તાન પર મોસ્કો પ્રારૂપ બેઠક 9 નવેમ્બરે યોજાશે. તેમાં અફઘાન તાલિબાનના પ્રતિનિધિઓ ભાગ લેશે. બેઠકમાં ભારતની ભાગેદારી વિશે પુછતા વિદેશ મંત્રાલયના પ્રવક્તા રવીશ કુમારે કહ્યું કે, અમને ખબર છે કે રશિયા 9 નવેમ્બરે મૉસ્કોમાં અફઘાનિસ્તાનની એક બેઠકની મેજબાની કરી રહ્યું છે.

રશિયા દ્વારા આયોજિત બેઠકમાં શુક્રવારે ભારત પહેલી વખત ગેરકાયદેસર રૂપથી સામેલ થશે અને તાલિબાન સાથે વાતચીત કરશે. અફઘાનિસ્તાન પર રશિયા દ્વારા આયોજિત બેઠકમાં તાલિબાનના પ્રતિનિધિઓ પણ હાજર રહેશે.

રશિયાની સમાચાર એજન્સીના મતે, આ બીજો અવસર છે, જ્યાં રશિયા યુદ્ધથી પ્રભાવિત અફઘાનિસ્તાનમાં શાંતિ કેવી રીતે સ્થાપાય તેના પર વિચાર વિમર્શ કરશે. તે સિવાય વિસ્તારની તમામ શક્તિઓને એક સાથે લાવવાનો પ્રયાસ કરશે.

આ પ્રકારની પહેલી બેઠક આ વર્ષે ચાર સપ્ટેમ્બરે આયોજીત થઇ હતી, પરંતુ છેલ્લા સમયે તેને રદ્દ કરી નાખવામાં આવી હતી. તે સમયે અફઘાન સરકાર બેઠકમાંથી પોતાની પાછીપાની કરી હતી.