Indian Army Personnel Saved Child In Encounter Site In Kashmir
  • Home
  • Featured
  • આતંકવાદીઓએ દાદાનો લઇ લીધો જીવ, સેનાનાં જવાને બાળકને મોતનાં મુખમાંથી બચાવ્યું

આતંકવાદીઓએ દાદાનો લઇ લીધો જીવ, સેનાનાં જવાને બાળકને મોતનાં મુખમાંથી બચાવ્યું

 | 12:14 pm IST

જમ્મુ-કાશ્મીરનાં સોપોરમાં CRPFની ટીમ પર આતંકવાદી હુમલામાં એક જવાન શહીદ થઈ ગયો છે, જ્યારે એક નાગરિકનું મોત થઈ ગયું છે. આ દરમિયાન એક એવી તસવીર સામે આવી છે જે સૌનાં હ્રદયને સ્પર્શી ગઈ છે. એક જવાન આતંકવાદીઓની ગોળીથી બચાવવા માટે એક બાળકને હાથમાં લઇને તેને સુરક્ષિત સ્થાને લઇ જઇ રહ્યો છે. આ તસવીર અત્યારે ઘણી જ વાયરલ થઈ રહી છે.

બાળકને પોતાને ખોળામાં ઉપાડ્યું, કરી વાત

જવાન આ તસવીરમાં બાળક સાથે વાત પણ કરી રહ્યો છે. બાળકનાં ચહેરાની નિર્દોશતા અને જવાનની તેની સાથે વાત કરતી તસવીર હ્રદયસ્પર્શી છે. ઉલ્લેખનીય છે કે કેટલાક દિવસ પહેલા આતંકવાદીઓએ એક CRPF જવાન અને એક 5 વર્ષનાં બાળકની ગોળી મારીને હત્યા કરી દીધી હતી. વાઘમાનાં બિજબેહરામાં થયેલી આ ઘટનામાં સામેલ આતંકવાદીઓને ગઇકાલે ઠાર કરીને સેનાએ બદલો લીધો હતો.

દાદાનાં મૃતદેહ પર બેઠું હતુ બાળક

તાજેતરમાં સેનાની કાર્યવાહીમાં કાશ્મીરમાં અનેક આતંકવાદીઓને ઠાર કરવામાં આવ્યા છે. જવાનોની કાર્યવાહીથી ગભરાયેલા આતંકવાદીઓ ખીણમાં માસૂમ લોકોને પોતાનું નિશાન બનાવવામાં લાગ્યા છે અને બાળકોને પણ છોડી રહ્યા નથી. બાળકની સેનાનાં જવાન સાથેની તસવીર સાથે એક બીજી દર્દભરી તસવીર પણ વાયરલ થઈ રહી છે જેમાં બાળક પોતાના મૃત્યુ પામેલા દાદાનાં મૃતદેહ પર બેઠું છે.

hiu2t8hc

એન્કાઉન્ટર સાઇટ પર કરૂણતા અને માનવતા

મૃતક નાગરિક 60 વર્ષનાં વૃદ્ધ હતા. જમીન પર તેમનો મૃતદેહ પડ્યો છે, કપડા લોહીથી લથબથ છે અને ત્યાં જ મૃતકનો 3 વર્ષનો પૌત્ર પણ હાજર છે. આ માસૂમ પોતાના દાદાની લાશ પર એ રીતે બેઠો છે કે જાણે ક્યારેક તે દાદાનાં ખોળામાં રમતો હતો. પરંતુ તેના દાદાનું શરીર ગોળીઓથી વિંધાયેલું હતુ અને કપડા લોહીથી ભરેલા હતા. આવામાં ત્યાં રહેલા સેનાનાં જવાને બાળકને ખોળામાં ઉપાડ્યું અને આતંકવાદીઓ સાથે ચાલી રહેલી અથડામણવાળી જગ્યાએથી દૂર લઇ ગયા.

આ વિડીયો પણ જુઓ: જમ્મુ કાશ્મીરના સોપોરમાં આતંકી હુમલો

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandeshની નવી મોબાઇલ એપ્લિકેશન