Jet Airways cut international flights rate by reducing basic rate for ticket
  • Home
  • Business
  • જેટ એરવેઝે આંતરરાષ્ટ્રીય ફ્લાઈટ્સના બેઝીક ભાડામાં કર્યો 30 ટકાનો ઘટાડો

જેટ એરવેઝે આંતરરાષ્ટ્રીય ફ્લાઈટ્સના બેઝીક ભાડામાં કર્યો 30 ટકાનો ઘટાડો

 | 4:40 pm IST

નાણાકીય તરલતાની ખોટને કારણે મુશ્કેલીઓ અનુઊવતી જેટ એરવેઝે એક મોટો નિર્ણય લેતા તેની આંતરરાષ્ટ્રીય ઉડાન માટેના ન્યૂનતમ ભાડામાં 30 ટકાનો ઘટાડો કર્યો છે. ખાનગી એરલાઇન જેટ એરવેઝે બુધવારે તેના નેટવર્કના તમામ ડોમેસ્ટિક અને ઇન્ટરનેશનલ ફ્લાઇટ્સના બેઝ ફેરમાં 30 ટકા સુધીનો ઘટાડો જાહેર કર્યો હતો.

બુધવારથી શરૂ થયેલી આ સાત દિવસની ઓફરનો લાભ બિઝનેસ તેમજ ઇકોનોમી ક્લાસના બૂકિંગ પર તેમજ જેટ એરવેઝની પાર્ટનર એરલાઇન્સ દ્વારા ઓપરેટ થતી કેટલીક કોડ-શેર ફ્લાઇટ્સના બૂકિંગ પર પણ મળશે, તેવી જાહેરાત કરી હતી. જેટ એરવેઝ દ્વારા આ ઓફર 5 ડિસેમ્બર 2018થી 30 સપ્ટેમ્બર 2019ની વચ્ચે બુક કરાવવામાં આવેલી ટિકિટો પર મળશે. ટિકિટમાં આ ભાવ ઘટાડાનો આધાર ડેસ્ટિનેશન પર રહેશે એમ એરલાઇને નિવેદનમાં જણાવ્યું હતું.

જેટ એરવેઝે જણાવ્યું હતું કે, “અમારી સેલ ઓફરના ભાગરૂપે, જેટ એરવેઝ અથવા કોડશેર પાર્ટનર એર ફ્રાન્સ અને રોયલ ડચ એરલાઇન્સ દ્વારા ફ્રાન્સથી ભારતની ફ્લાઇટ્સ પર બિઝનેસ અને ઇકોનોમી કેબિનમાં રિટર્ન ટ્રાવેલ માટે બેઝ ફેરમાં 30 ટકા સુધીનું સ્પેશિયલ ડિસ્કાઉન્ટ મળશે. આવી જ રીતે, સિંગાપોરથી ભારત, ગલ્ફ, SAARC, એમ્સ્ટર્ડેમ, લંડન, માન્ચેસ્ટર અને પેરિસના રૂટ પર જેટ એરવેઝ દ્વારા ઓપરેટ થતી ફ્લાઇટ્સ પર પણ આટલું ડિસ્કાઉન્ટ મળશે. જે પ્રવાસી હોંગકોંગ, સાર્ક, ગલ્ફ, એમ્સ્ટર્ડેમ, લંડન, માન્ચેસ્ટર અને પેરિસથી ભારતનો પ્રવાસ કરતાં હશે તેમને રિટર્ન ટ્રાવેલ પર બિઝનેસ તેમજ ઇકોનોમી બંને ક્લાસના બેઝ ફેરમાં ૨૫ ટકા સુધીનું સ્પેશિયલ ડિસ્કાઉન્ટ મળશે.” બુધવારે BSE પર જેટ એરવેઝનો શેર 5.44 ટકા ઘટીને રૂ.286.90એ બંધ રહ્યો હતો.

જેટ એરવેઝે તાજેતરમાં જ મુંબઈ અને નવી દિલ્હીના તેનાં મુખ્ય કેન્દ્રો પર ડિસેમ્બરની શરૂઆતથી વધુ 65 ફ્લાઇટ્સનો ઉમેરો કરવાની જાહેરાત પણ કરી હતી.