જંગલ બૂક : નાનું અને રૂપકડું સનબર્ડ - Sandesh
  • Home
  • Featured
  • જંગલ બૂક : નાનું અને રૂપકડું સનબર્ડ

જંગલ બૂક : નાનું અને રૂપકડું સનબર્ડ

 | 7:22 pm IST

સનબર્ડ તેના નામ જેવું જ રૂપકડું પક્ષી છે. આકાશમાં ઊડતું હોય ત્યારે એમ લાગે કે તેની ખૂલેલી પાંખોમાં જાણે સોનેરી લકીરો હોય તેમ જોનારની આંખને સ્પર્શી અને આકર્ષી જાય છે.

  • સનબર્ડની કુલ ૧૫ જાતિમાં 32 પ્રજાતિ છે.
  • સનબર્ડની મોટાભાગની પ્રજાતિ આફ્રિકા, ભારતના અમુક ભાગોમાં, સાઉથ ઈસ્ટ એશિયા અને નોર્ધન ઓસ્ટ્રેલિયામાં જોવા મળે છે.
  • સનબર્ડનો ખોરાક તેના જેવો જ અલાયદો છે. તેને સૌથી વધુ નેક્ટર(ફૂલો પરનો મીઠો રસ) પસંદ છે. તે સિવાય તે કરોળિયા અને જીવજંતુ પણ ખાય છે.
  • સનબર્ડ એવી જાતિ છે કે જેણે સતત સમય સાથે તેના જીવનની આદતો બદલાવી છે. પહેલાં તે ગીચ જંગલો અને હરિયાળા પ્રદેશોમાં જ જોવા મળતું હતું, જ્યારે આજે તે માણસોના વસવાટની આસપાસ અને ગાર્ડનમાં તેમજ શહેરથી નજીકના વિસ્તારોમાં પણ જોવા મળે છે.
  • સનબર્ડની ઘણી પ્રજાતિ ફળ પણ શોખથી ખાય છે.
  • સનબર્ડની ખાસિયત એ છે કે તે કદમાં નાનું છે, પણ ખૂબ જ ઝડપથી ઊડી શકે છે.
  • સનબર્ડમાં બે પક્ષીનું પ્રતિરૂપ છે : એક તો અમેરિકાના હમિંગ બર્ડ જેવું અને બીજું ઓસ્ટ્રેલિયાના હનિઇટર જેવું. તેની ફૂલો પરથી રસને ચૂસવાની આદત હમિંગ બર્ડને મળતી આવતી છે પણ તે ક્યારેક જ એમ રસ ચૂસે છે.
  • કદમાં નાનું અને અંદાજે 45 ગ્રામના વજન સુધીનું હોય છે. માદા કરતાં નર કદમાં થોડું મોટું લાગે છે.
  • તેને લાંબી અને પાતળી ચાંચ હોય છે જે તેના ખોરાકની આદતને અનુકૂળ આવે તેવી છે.
  • મોટાભાગે સનબર્ડ આફ્રિકા, એશિયા અને ઓસ્ટ્રેલિયામાં જોવા મળે છે. તેમાં પણ મડાગાસ્કર અને ઇજિપ્ત, ચીન, ઈરાન, ન્યૂ જીનિવા, ઇન્ડોનેશિયા સહિતની જગ્યામાં જોવા મળે છે.
  • સનબર્ડ મોટાભાગે જોડકાંમાં અને નાનાં ઝુંડમાં જોવા મળે છે. તે મળતાવડું પક્ષી છે. તે બીજાં પક્ષીઓ સાથે પણ ઊડે છે, ફરે છે.
  • સનબર્ડની માળો બાંધવાની રીત પણ આકર્ષક છે. તેનો માળો પર્સ જેવો બિડાયેલો હોય છે. માદા સનબર્ડ માળો બાંધે છે અને મોટાભાગે ચાર જેટલાં ઈંડાં મૂકે છે.

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandeshની નવી મોબાઇલ એપ્લિકેશન