Kevin Anderson beat defending champion Roger Federer
  • Home
  • Sports
  • નવમી વખત ‘વિમ્બલ્ડન ચેમ્પિયન’ થવાનું ફેડરરનું સપનું એન્ડરસને તોડ્યું !!!

નવમી વખત ‘વિમ્બલ્ડન ચેમ્પિયન’ થવાનું ફેડરરનું સપનું એન્ડરસને તોડ્યું !!!

 | 10:42 am IST

આખરે રોજર ફેડરરનું નવમી વખત વિમ્બલ્ડન ચેમ્પિયન થવાનું સપનું તૂટી ગયું છે. સાઉથ આફ્રિકાના કેવિન એન્ડરસને શાનદાર વાપસી કરતા આઠ વખતના વિમ્બલ્ડન ચેમ્પિયન રોજર ફેડરરને 2-6, 6-7(5), 7-5, 6-4, 13-11થી હરાવીને પુરૂષ સિંગલના સેમીફાઇનલમાં જગ્યા બનાવી લીધી.

આ ખેલાડીએ કમાલની લડત આપી હતી. ફેડરરે પ્રથમ બે સેટ જીતીને લીડ મેળવી લીધી હતી. ગ્રાસ કોર્ટ પર ફેડરરનું પ્રદર્શન શાનદાર હોય છે પરંતુ આ મેચમાં એન્ડરસને તેના 9મી વખત ચેમ્પિયન બનવાનું સ્વપ્ન તોડી દીધું. આ પહેલા બંન્ને ખેલાડીઓ વચ્ચે ચાર મેચ રમાઈ જેમાં એન્ડરસનનો પરાજય થયો હતો. આ સાથે તે 1983 બાદ વિમ્બલ્ડનના સેમીફાઇનલમાં પહોંચનાર પ્રથમ સાઉથ આફ્રિકન ખેલાડી પહોંચી ગયો છે. ત્યારે કેવિન કરન અંતિમ ચારમાં પહોંચ્યો હતો.

પાંચમાં સેટમાં પણ બંન્ને ખેલાડીઓ વચ્ચે ટક્કર જોવા મળી. 11-11 સુધી સ્કોર બરાબર રહ્યો. અહીં ફેડરર ચૂક્યો અને એન્ડરસને તેની સર્વિસ બ્રેક કરીને લીડ મેળવી. ત્યારબાદ પોતાની સર્વિસ જીતીને તેણે પાંચમો અને નિર્ણાયલ સેટ અને મેચ પોતાના નામે કરી લીધો.

8મી પ્રાયોરિટી પ્રાપ્ત 32 વર્ષીય ખેલાડીએ ત્રીજા સેટની 10મી ગેમમાં એક મેચ પોઇન્ટ બચાવ્યો. ત્યારબાદ તેનો આત્મવિશ્વાસ વધતો ગયો અને તે માત્ર 26 મિનિટમાં પ્રથમ સેટ જીતનાર ફેડરર પર હાવી થતો ગયો. તેણે ત્રીજો સેટ જીતીને ફેડરરના વિમ્બલ્ડનમાં સતત 34 સેટ સુધી અજેય રહેવાનો સિલસિલો તોડ્યો. ત્યારબાદ એન્ડરસને ચોથો સેટ પણ જીતી લીધો અને 20 વખતના ગ્રાન્ડસ્લેમ વિજેતાને ઝટકો લાગ્યો.