Know Who is Harish Salve and Why He is Fighting For Kulbhushan
  • Home
  • Featured
  • કુલભૂષણ જાધવનો કેસ લડવા માટે એક રૂપિયો લેનાર વકીલ હરીશ સાલ્વે કોણ?

કુલભૂષણ જાધવનો કેસ લડવા માટે એક રૂપિયો લેનાર વકીલ હરીશ સાલ્વે કોણ?

 | 3:56 pm IST

ઇન્ટરનેશનલ કોર્ટ ઓફ જસ્ટિસમાં સોમવારે કુલભૂષણ જાધવ મામલે સુનાવણી શરૂ થઇ ગઇ છે. અહીં 11 જજની બેંચ દ્વારા કુલભૂષણ જાધવનું ભાગ્ય નક્કી કરવામાં આવશે. આ કેસને લઇને ખાસ વાત એ છે કે ભારત તરફથી આ કેસ સીનિયર એડવોકેટ હરીશ સાલ્વે લડવા જઇ રહ્યા છે અને એમાં પણ આ કેસને લઇને વધુ એક ખાસ વાત એ છે કે કુલભૂષણ જાધવનો આ કેસ લડવા માટે દેશના સૌથી મોંઘા ગણાતા આ હરીશ સાલ્વે એ પોતાની ફી તરીકે માત્ર એક રૂપિયો લેવાની જાહેરાત કરી છે.

હરીશ સાલ્વે એક પ્રખ્યાત વકીલ છે અને તેઓ સુપ્રીમ કોર્ટના સૉલિસિટર રહી ચૂક્યા છે. વર્ષ 2015માં બોલીવુડ સ્ટાર સલમાન ખાને સજા થયા ના કેટલાક કલાકોમાં જ સાલ્વેએ પોતાના તર્કનો ઉપયોગ કરીને જામીન અપાવી દીધા હતા. આ બનાવ બાદ સોશિયલ મીડિયા પર હરીશ સાલ્વે ખૂબજ ટ્રેન્ડ થયા હતા.

22 જૂન 1955ના રોજ મહારાષ્ટ્રમાં જન્મેલા સાલ્વે નાગપુરના રહેવાસી છે. તેમના દાદા પીકે સાલ્વે પણ એક દિગ્ગજ ક્રિમિનલ લોયર હતા. તેમના પિતા એન કે પી સાલ્વે ભારતીય ક્રિકેટ બોર્ડના અધ્યક્ષ રહી ચૂક્યા છે. પોતાના કરિયરના શરૂઆતી દિવસોમાં હરીશ સાલ્વે પોતાની ટેક્સ લોયર નાનીના જૂનિયર તરીકે કામ કરીને કાયદાકીય દાવપેચ સીખી રહ્યા હતા. વર્ષ 1976માં તેમણે દિગ્ગજ એડવોકેટ સોલી સોરાબજીની નીચે પોતાની વકાલાત કરિયરની પ્રેક્ટિસ શરૂ કરી હતી. પછી તેઓ દિલ્હી પહોંચ્યા અને સુપ્રીમ કોર્ટમાં પ્રેક્ટિસ શરૂ કરી હતી.

હિટ એન્ડ રન કેસમાં સલમાન ખાનને જામીન અપાવી

વર્ષ 2015માં હિટ એન્ડ રનમાં કોર્ટ દ્વારા સલમાન ખાનને 5 વર્ષની સજા ફટકારવામાં આવી હતી. સલમાનને કોર્ટથી સીધા ઓર્થર રોડ લઇ જવાની તૈયારી શરૂ કરી દેવામાં આવી હતી. આ સમયગાળા દરમિયાન આ કેસમાં ફિલ્મી ઢબે ટર્નિંગ પોઇન્ટ આવ્યો હત, જેમાં હરીશ સાલ્વે દ્વારા સલમાનનો પક્ષ રજૂ કરવામાં આવ્યો અને સલમાન ખાનને જામની મળી ગયા હતા.

આ મામલે હરીશ સાલ્વેએ કોર્ટમાં પોતાનો તર્ક રજૂ કરતા જણાવ્યું હતું કે ઓર્ડરની કોપી નહીં મળવાથી સલમાન ખાનને જેલ મોકલવો યોગ્ય નથી. તેમના આ તર્કને માન્ય રાખીને કોર્ટ દ્વારા સલમાન ખાનને બે દિવસની જામની આપવામાં આવી હતી.

દેશના સૌથી મોંઘા વકીલમાં ગણતરી થાય છે હરીશ સાલ્વેની

હરીશ સાલ્વેને દેશના સૌથી મોંઘા અને પ્રતિષ્ઠિ વકીલમાં તેમની ગણતરી થાય છે. કેટલીક જગ્યાએ એવું પણ કહેવાય છે કે તેઓ એક વખત કોર્ટમાં હાજરી આપવાના 4.5 લાખ રૂપિયા ફી તરીકે લે છે. જ્યારે કેટલીક જગ્યાએ એવું પણ કહેવાય છે કે તેઓ એક દિવસના 30 લાખ રૂપિયા ચાર્જ કરે છે.

સલમાન ખાનના કેસ સીવાય પણ તેમણે અન્ય ઘણા મોટા અને મહત્વના કેસ લડ્યા છે કે જેમાં વોડાફોન ટેક્સ મામલો, રિલાયન્સ ગેસ વિવાદમાં મુકેશ અંબાણીના પક્ષ તરફથી અને યોગ ગુરુ રામદેવના મામલે દિલ્હી પોલીસના પક્ષ તરીકે તેઓ કોર્ટમાં પોતાના તર્ક રજૂ કરી ચૂક્યા છે.

શું છે કુલભૂષણ જાધવ મામલો?

વર્ષ 2016 કુલભૂષણ જાધવની જાસૂસીના આરોપમાં પાકિસ્તાન દ્વારા ધરપકડ કરવામાં આવી હતી. જ્યારે પછી પાકિસ્તાનની મિલિટ્રી કોર્ટ દ્વારા જાસૂસી અને દેશ વિરોધી ગતિવિધિઓમાં સામેલ થવાના આરોપમાં ફાંસીની સજા ફટકારવામાં આવી હતી.

જ્યારે આ મામલે ભારત સરકારનો દાવો છે કે ભારતીય નેવીમાંથી નિવૃત થયા બાદ ધંધાકીય કામથી ઇરાન ગયા હતા. તે સમયે ઇરાનમાંથી કુલભૂષણ જાધવનું અપહરણ કરવામાં આવ્યું હતું. પાકિસ્તાન જાધવને ફાંસી આપવા ઇચ્છે અને ભારત આ નિર્ણયને અયોગ્ય ગણાવી રહ્યું છે. આ મામલો હવે હેગ સ્થિત ઇન્ટરનેશનલ કોર્ટ ઓફ જસ્ટિસમાં પહોંચી ગયો છે.

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandeshની નવી મોબાઇલ એપ્લિકેશન