Kulbhushan Jadhav Case In ICJ
  • Home
  • Featured
  • ICJમાં કુલભુષણ કેસની સુનાવણી શરૂ, પાકિસ્તાનને ખુલ્લુ પાડતા હરીશ સાલ્વે

ICJમાં કુલભુષણ કેસની સુનાવણી શરૂ, પાકિસ્તાનને ખુલ્લુ પાડતા હરીશ સાલ્વે

 | 3:58 pm IST

ભારતીય નાગરીક કુલભૂષણ જાધવ મામલે ઈન્ટરનેશનલ કોર્ટ ઓફ જસ્ટિસ (ICJ)માં સોમવારે અંતિમ સુનાવણી શરૂ થઈ છે. ભારત અને પાકિસ્તાન બંને પોતપોતાની દલીલ કરે છે. આ સુનાવણી ચાર દિવસ સુધી ચાલશે. ભારત તરફથી હરીશ સાલ્વે રજુઆત કરી રહ્યાં છે.

સુનાવણી પહેલા ભારત તરફથી રજૂઆત કરતાં હરીશ સાલ્વેએ કહ્યું કે આઈસીજે પાસથી ન્યાય નહીં મળે તો ન્યાય માટે ક્યાં જઈશું? સાલ્વેએ આઈસીજેમાં એ વાતને પણ આક્રમકતાપૂર્ક રજૂ કરી કે જાધવ નિર્દોષ છે અને પાકિસ્તાને તેમને ખોટી રીતે ફસાયા છે.

હરીશ સાલ્વેએ વિયના સંધિની શરતોની વ્યાખ્યા કરતાં પાકિસ્તાનને ઘેરી રહ્યા છે. સાલ્વે પોતાની દલીલોમાં વિયના સંધિને વિભિન્ન આર્ટિકલ્સનો ઉલ્લેખ કરી રહ્યા છે અને જણાવી રહ્યા છે કે પડોસી દેશ કેવી રીતે તેમના દેશના એક નિદોર્ષ નાગરિકનો જીવ લેવા માંગે છે.

પાકિસ્તાન આવતી કાલે મંગળવાર એટલે કે 19 ફેબ્રઆરીએ પોતાનો પક્ષ રજૂ કરશે. 20 ફેબ્રુઆરીએ બીજા રાઉન્ડમાં પાકિસ્તાન દ્વારા રજૂ કરવામાં આવેલા પક્ષ પર ભારત જવાબ આપશે. પાકિસ્તાનને આ તક 21 ફેબ્રુઆરીએ મળશે. કુલભૂષણ જાધવ ભારતીય નાગરિક છે, પાકિસ્તાનની ઇન્ટેલિજન્સ એજન્સી ISIએ જાધવનું અપહરણ ઈરાનથી કર્યું હતું.

ઉલ્લેખનીય છે કે, 47 વર્ષીય કુલભૂષણ જાધવને પાકિસ્તાનની સૈન્ય કોર્ટે એપ્રિલ 2017માં ફાંસીની સજા સંભળાવી હતી. પાકિસ્તાને તેમની પર ભારત તરફથી જાસૂસી કરવાનો આરોપ લગાવ્યો છે.

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandeshની નવી મોબાઇલ એપ્લિકેશન