lifestyle Your meal will taste twice, follow these small tips
  • Home
  • Featured
  • તમારા ભોજનનો સ્વાદ થઇ જશે બમણો, ફોલો કરો આ નાનકડી ટિપ્સ

તમારા ભોજનનો સ્વાદ થઇ જશે બમણો, ફોલો કરો આ નાનકડી ટિપ્સ

 | 6:13 pm IST

દરેક વ્યક્તિની રસોઈનો સ્વાદ અલગ જ હોય છે. એકસરખી જ વાનગી બનાવતા હોવા છતાં કેટલાક લોકોના હાથમાં એવો જાદુ હોય છે કે તે ખૂબ સ્વાદિષ્ટ બને છે. ભોજન બનાવવું એ બહુ મોટી વાત નથી એવું કેટલાક લોકો કહેતા હોય છે. એ વાત અમુક ઘણી સાચી પણ છે. પરંતુ સારી અને સ્વાદિષ્ટ રસોઈ બનાવવી એ તો એક કળા જ છે. તો અમે તમારા માટે કેટલીક એવી ટિપ્સ લઇને આવ્યા છીએ જેની મદદથછી તમે તમારી રસોઈને સ્વાદિષ્ટ રસોઈ બનાવી શકે છે.

– કેળાને ભીના કપડામાં લપેટીને પ્લાસ્ટિકની કોથળીમાં રાખવાથી ઘણા દિવસ સુધી તાજા રહે છે.

– રતાળું બાફીને તળી લો અને તેને પનીરની જગ્યાએ ઉપયોગમાં લેવાથી વધારે સ્વાદિષ્ટ લાગે છે.

– બટાકાને એકદમ બ્રાઉન રંગના અને કરકરા બેક કરવા હોય તો કાંટાથી કાણાં પાડી બેક કરો.જેથી તે કરકરા થશે.

– વાનગીમાં ડ્રાય હબ્સનો ઉપયોગ કરવો હોય તો તેને ક્રશ કરી લો. તેનાથી વાનગીમાં સુગંધ સારી આવશે.

– કાકડી, સફરજનની છાલને સુકવી ગ્રાઇન્ડ કરી કોથમીરની ચટણી સાથે ભેળવવાથી ચટણી વધુ સ્વાદિષ્ટ અને પૌષ્ટિક બને છે.

– ખાંડ દળતી વખતે તેમા થોડા કોરા ચોખા ઉમેરવાથી તે લચકો થશે નહીં.

– ફુલાવરનું શાક બનાવતી વખતે તેમા લીંબુની છાલ અથવા એક ચમચી ખાંડ નાખવાથી ફુલાવરનું શાક કાળું પડતું નથી.

– દહીંવડા બનાવતી વખતે વડાના ખીરામાં નારિયેળનું છીણ નાખવાથી દહીંવડા ટેસ્ટી લાગે છે.

– ઢોંસા બનાવતા પહેલા તેના મિશ્રણમાં બે મોટી ચમચી બાફેલા ચોખા મિક્સ કરી દો. આનાથી તે તવા પર ચોંટશે નહિં.

– અથાણા પર ફુગ આવતી બચાવવા માટે બરણીમાં થોડા દિવસો માટે થોડી સેકેલી હિંગ મુકી દો.

– વધુ પડતા પાકી ગયેલા ટામેટાને બીજીવાર તાજા કરવા માટે તેને મીઠુ નાખેલા ઠંડા પાણીમાં આખી રાત રહેવા દો.