Madhyapradesh : DGP Purushottam Sharma was beaten up by wife
  • Home
  • Featured
  • Video: DGને બીજી મહિલાની સાથે પત્નીએ પકડયો તો ઢોર માર માર્યો, ગૃહમંત્રીને ફરિયાદ કરી

Video: DGને બીજી મહિલાની સાથે પત્નીએ પકડયો તો ઢોર માર માર્યો, ગૃહમંત્રીને ફરિયાદ કરી

 | 10:04 am IST

મધ્યપ્રદેશમાં સ્પેશ્યલ ડીજી પુરુષોત્તમ શર્મા ફરી વિવાદમાં આવ્યા છે. સિનિયર આઈપીએસ પુરુષોત્તમ શર્માએ પત્નીને માર મારતા એક વીડિયો વાયરલ થયો છે. વાયરલ વીડિયોમાં તેઓ પોતાની પત્નીને નિર્દયતાથી માર મારી રહ્યા છે. પત્નીએ આરોપ મૂકયો છે કે તેમને બીજી મહિલા મિત્ર સાથે પકડયા હતા. ત્યારબાદ ભડકેલા પુરુષોત્તમ શર્મા એ પત્નીને માર માર્યો છે. વીડિયો સામે આવ્યા બાદ પુત્રએ ગૃહમંત્રી નરોત્તમ મિશ્રાને તેમની ફરિયાદ કરી છે.

વાયરલ થયેલા વીડિયોમાં આઈપીએસ પુરુષોત્તમ શર્મા પોતાની પત્નીને માર મારી રહ્યા છે. બચાવમાં પત્ની પણ તેમના હાથ પર કાતર ચલાવી દે છે. તે જ સમયે ઘરના બે કર્મચારીઓ વચ્ચે પડે છે. પરંતુ પુરુષોત્તમ શર્મા પોતાની પત્નીને અબદ્ર શબ્દો બોલી રહ્યા છે. પુરુષોત્તમ શર્મા હાલમાં રાજ્યમાં સ્પેશ્યલ ડીજી પોલીસ પ્રોસીક્યુશન છે. પુત્રએ શર્માની કરતૂતોનો વીડિયો રાજ્યના ગૃહમંત્રી નરોત્તમ મિશ્રા, ડીજીપી અને અન્ય પોલીસ અધિકારીઓને મોકલ્યો છે. જો કે આ વીડિયો સામે આવ્યા બાદ પોલીસ અધિકારીઓએ મૌન સાંધી લીધું છે. તો હજી પુરષોત્તમ શર્માની તરફથી કોઈ પ્રતિક્રિયા આવી નથી.

પુરુષોત્તમ શર્માની હનીટ્રેપ કેસમાં ચર્ચા

અગાઉ પુરુષોત્તમ શર્મા એસટીએફના ડીજી રહેતા ચર્ચામાં રહ્યા હતા. હનીટ્રેપ કૌભાંડ દરમ્યાન તેમનું નામ ખૂબ ઉછળ્યું હતું. સાથો સાથ રાજ્યની બહાર એસટીએફના એક પ્લોટની પણ ખૂબ ચર્ચા થઈ હતી. આ વિવાદ એટલી હદે વધી ગયો હતો કે રાજ્યના ડીજીપી અને તેઓ સામ-સામે આવી ગયા હતા. ત્યારબાદ તત્કાલીન કમલનાથ સરકારે પુરુષોત્તમ શર્માને પદ પરથી હટાવી દીધા હતા.

મળતી માહિતી મુજબ પુરુષોત્તમ શર્માનો પુત્ર પાર્થ ગૌતમ શર્મા પણ આઈઆરએસ અધિકારી છે. ચર્ચા છે કે દીકરાએ આ વીડિયો બહાર પાડ્યો છે. તો પોલીસ બેડાના ઓફિસરનો મામલો હોવાના લીધે તમામ અધિકારીઓએ મૌન સાંધી લીધું છે. હજી સુધી પુરુષોત્તમ શર્માની તરફથી કોઈ પ્રતિક્રિયા આવી નથી.

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandeshની નવી મોબાઇલ એપ્લિકેશન