Mumbai : HDFC Bank Vp Siddharth Sanghavi Killed For Just 30,000 rs
  • Home
  • Featured
  • મુંબઈમાં HDFC બેંકના વાઈસ પ્રેસિડેંટની હત્યાનો ભેદ ઉકેલાયો, કારણ હતું કંઈક આવુ

મુંબઈમાં HDFC બેંકના વાઈસ પ્રેસિડેંટની હત્યાનો ભેદ ઉકેલાયો, કારણ હતું કંઈક આવુ

 | 11:17 am IST

HDFC બેંકના વાઈસ પ્રેસિડેંટ સિદ્ધાર્થ સંઘવીની હત્યાનું ચોકાવનારૂ તથ્ય સામે આવ્યું છે. હત્યારા સરફરાઝ શેખે માત્ર EMI ચુકવવાના નજીવા મુદ્દે સંઘવીની હત્યા કરી નાખી હતી. પોલીસના જણાવ્યા પ્રમાણે 26 વર્ષીય શેખે માત્ર 30 હજાર રૂપિયાનો EMIને લઈની સંઘીની હત્યા કરી નાખી હતી.

આરોપી શેખને મુંબઈના ભોઈવાડાના મેજિસ્ટ્રેટ સમક્ષ રજુ કરવામાં આવ્યો ત્યારે તેને શું એ કંઈ કહેવા માંગે છે? તો શેખે પોતાનો હાથ ઉંચો કરી વિટનેસ બોક્સમાં જઈને ઉભો રહી ગયો. ત્યાર બાદ શેખે હત્યાનું કારણ જણાવ્યું હતું. શેખે કહ્યું હતું કે, હા, મેં જ સંઘવીની હત્યા કરી છે. આ મારી ભયંકર ભૂલ હતી. શેખે જણાવ્યું હતું કે, તેણે મોટરસાઈકલ ખરીદવા લોન લીધી હતી. છેલ્લા 2-3 મહિનાથી તે લોન ચુકવી શકતો નહોતો, ત્યારે તેને સંઘવીને લૂંટી લેવાનો નિર્ણય કર્યો હતો, પરંતુ ઉતાવળમાં તેની હત્યા જ કરી નાખી.

શેખે પોલીસને જણાવ્યું હતું કે, તેને પૈસાની ખુબ જ જરૂર હતી. માટે તેણે લૂંટનો પ્લાન બનાવ્યો હતો. તેને હતું કે, સંઘવી પાસેથી તેને 30,000 હજાર જેટલા રૂપિયા મળી જશે.

ઉલ્લેખનીય છે કે, ગત બુધવારથી HDFCના વાઈસ પ્રેસિડેંટ સિદ્ધાર્થ સંઘવી ગાયબ હતાં. ગઈ કાલે સોમવારે કલ્યાણના હાજી મંગલ વિસ્તારમાંથી તેમનો મૃતદેહ મળી આવ્યો હતો. પોલીસે જણાવ્યું હતું કે, જ્યારે સંઘવી અને શેખ વચ્ચે પૈસાને લઈને પાર્કિંગમાં વિવાદ થયો તો સંઘવીએ એલાર્મ લવાડી દીધું હતું, જેનાથી ગભરાઈને શેખે સંઘવી પર હુમલો કરી દીધો. હત્યા બાદ શેખે સંઘવીનો મૃતદેહને કારમાં મુકી દીધો અને હાજી મંગલ નજીક જઈને ફેંકી દીધો.

શેખે પોલીસને નિવેદનો બદલી ગુંચવી

આ અગાઉ શેખે ધરપકડ બાદ પોલીસ સમક્ષ પોતાના નિવેદનો વારંવાર બદલ્યા હતાં. શેખે પહેલા પોલીસને જણાવ્યું હતું કે, તેને ત્રણ લોકોએ હત્યા માટેનો કોન્ટ્રાક્ટ આપ્યો હતો.

આખરે પોલીસે હત્યાનો ભેદ ઉકેલ્યો

કોન્ટ્રાક્ટ વર્કર શેખ સિદ્ધાર્થ સંઘવીની લોવર પરેલ ખાતે આવેલી ઓફિસના પાર્કિંગમાં સંઘવીની કારમાં જ પાછલી સીટ પર બેઠો હતો. તેને વીપીના ગળે ચાકુ ધરી દીધું હતું. જેવી સંઘવીએ માથું ફેરવ્યું તે સાથે જ તેમનું ગળું કપાઈ ગયું. ઘાયલ સંઘવી કારમાંથી નીચે ઉતર્યા અને એલાર્મ વગાડી દીધું. ડઘાઈ ગયેલા શેખે સંઘવીનો પીછો કર્યો અને તેમના પર એક પછી એક એમ ચાકુ વડે 13 વાર કર્યા અને હત્યા નિપજાવી દીધી.