NIFTY 10,186.60 -38.35  |  SENSEX 32,941.87 +-91.69  |  USD 65.4150 -0.01
1.6M
1M
1.7M
APPS
  • Home
  • Technology
  • મોટો X4 ભારતમાં થયો લોન્ચ, જાણો ફોનની કિંમત અને સ્પેસિફિકેશન

મોટો X4 ભારતમાં થયો લોન્ચ, જાણો ફોનની કિંમત અને સ્પેસિફિકેશન

 | 5:02 pm IST

મોટોરોલાએ પોતાનો લેટેસ્ટ સ્માર્ટફોન મોટો X4 આખરે ભારતમાં લોન્ચ કરી દીધો છે. આ ફોનની લાંબા સમયથી રાહ જોવાઈ રહી હતી. લેનોવોના આ બ્રાંડનો ટ્રેક રેકોર્ડ ઓછા પૈસામાં સારો ફોન આપવાનો રહ્યો છે. પરંતુ મોટો X4 મોટોરોલાની આ રેપ્યુટેશન સાથે ન્યાય કરતો દેખાતો નથી. જુઓ મોટો X4ની ખામીઓ.

મોટો X4 રેમ અને મેમરીના મામલે 3GB/32GB અને 4GB/64GB વેરિયંટ્સમાં આવી રહ્યો છે. મોટો X4 એન્ડ્રોઈડ 7.1 નૂગા પર રન કરે છે, તેમાં ક્વોલકોમ સ્નેપડ્રેગન 630 પ્રોસેસર આપ્યું છે. આ ફોનથી સસ્તો મોટોરોલાનો જ G5S છે જેમાં આ ફોનના જેવો જ પ્રોસેસર છે. મોટો G5S પ્લસની કિંમત માત્ર 15,999 રૂ. છે અને સ્નેપડ્રેગન 625 પ્રોસેસર અને 4GB રેમ સાથે આવે છે.

મોટો X4 ઓછામાં ઓછા સ્પેસિફિકેશનવાળા ડેટા મામલે બીજા સ્માર્ટફોન્સ જેવો જ લાગી રહ્યો છે. જ્યારે સ્માર્ટફોન મેકર સારા સેલ્ફી કેમેરા, સારી બેટરી લાઈફ જેવા ફીચર્સ પર આધારિત ફોન્સ બનાવી રહ્યા છે. મોટોરોલાનો X4માં કંઈ જ નવું નથી. બીજી તરફ ઓપો અને વીવો જેવી પ્રતિદ્વંદ્વિ કંપનીઓ સારા ફોન્સ લઈને આવી રહી છે. 2017 પુરૂં થવા આવ્યું પરંતુ મોટો હજુ સુધી ડ્યુઅલ કેમેરા ફોર્મેટ પર જ રોકાયેલો છે. જે હવે લગભગ દરેક કંપનીના ફોન્સમાં જોવા મળી રહ્યું છે. જણાવી દઈએ કે X4નો ફ્રંટ કેમેરા 16MP છે પરંતુ તે ફોનને કોઈ ખાસ USP નથી આપી શકતું.

જો તમે પોતાના ફોન પર 23 કે 21 હજાર રૂપિયા ખર્ચ કરી રહ્યા છો તો તમે ઈચ્છશો કે તેની બેટરી લાઈફ તે કંપનીના સસ્તા ફોન્સ કરતા સારી હોય. પરંતુ મોટો X4માં G5S પ્લસ બરોબર એટલે કે 3000mAhની બેટરી છે અને બન્ને ફોન ટર્બો ચાર્જિંગને સપોર્ટ કરે છે. પોતાના સમકક્ષ બીજા ફોન્સ કરતા પણ મોટો X4ની બેટરી લાઈફ ઝાંખી પડે છે. ઓનર અને શાઓમી જેવા બ્રાન્ડ્સ આ જ પ્રાઈઝ રેંજમાં સારી બેટરી લાઈફવાળા ફોન્સ આપી રહ્યા છે.

મોટોરોલા G5S પ્લસ મોટો X4નો સારો વિકલ્પ છે. તેનો ફ્રંટ કેમેરા થોડો ઉતરતી કક્ષાનો છે, પરંતુ બેક કેમેરા અને બેટરી તેની સમકક્ષ જ છે અને અન્ય સ્પેસિફિકેશન્સ પણ એક જેવા જ છે. ઓનર 9iની કિંમત 17,999 રૂ. છે પરંતુ તેની બેટરી, ફ્રંટ અને બેકમાં ડ્યુઅલ કેમેરા, મોટી સ્ક્રીન અને X4ની સરખામણીએ ડિસપ્લે સ્ક્રીન સારી છે. મોટો X4ની કિંમત આ ફોનના સેલ્સ પર ઘણી ખરાબ અસર નાખી શકે છે.

ડિઝાઈનની વાત કરીએ તો, મોટોરોલા હંમેશા સેફ સાઈડ પર પહેલા ધ્યાન આપે છે. સ્માર્ટફોન્સની ડિઝાઈનમાં થોડા-ઘણા ચેન્જ કરે છે. મોટો X4નું કેમેરા સેટઅપ થોડું અલગ છે અને તે ગ્લાસ બોડી સાથે આવે છે. આ સિવાય ફોન અન્ય ફોન્સ જેવો જ દેખાય છે. જો કોઈ વ્યક્તિ ફોન પર 20,000 રૂ. કરતા વધારે ખર્ચ કરી રહ્યો હોય તો નિશ્ચિત છે કે તે ઈચ્છશે કે તેનો મોબાઈલ બીજા ફોન્સ કરતા અલગ દેખાય.

આ ફોનમાં 3GB રેમવાળા વેરિયંટની કિંમત 20,999 રૂ. અને 4GB રેમવાળા વેરિયંટની કિંમત 22,999 રૂ. રાખવામાં આવી છે.