MP Election : BJP Has Edge As Cong Fails To Forge Pact With SP, BSP
  • Home
  • Featured
  • મધ્ય પ્રદેશમાં કોંગ્રેસનું ‘પરાણે’ એકલા ચલો રે… BJPને થઈ શકે છે લાભ

મધ્ય પ્રદેશમાં કોંગ્રેસનું ‘પરાણે’ એકલા ચલો રે… BJPને થઈ શકે છે લાભ

 | 4:54 pm IST

મધ્ય પ્રદેશ વિધાનસભાની ચૂંટણીમાં કોંગ્રેસ એસપી, બીએસપી સહિત અન્ય ક્ષેત્રીય દળોને સાથે લેવામાં નિષ્ફળ રહી છે. કોંગ્રેસની આ ચૂક ભાજપ માટે લાભદાયક સાબિત થઈ શકે છે. ક્ષેત્રીય રાજકીય પક્ષોએ મધ્ય પ્રદેશ વિધાનસભાની તમામ 230 બેઠકો પર ચૂંટણી લડવાની પણ જાહેરાત કરી દીધી છે.

મહાગઠબંધન બને તે ભાજપ માટે માથાના દુખાવા સમાન છે. એકજુથ વિપક્ષની સ્થિતિમાં કોંગ્રેસને જ તેનો લાભ થાય તેવી શક્યતા છે. 2013ની વિધાનસભાની ચૂંટણી પરિણામો પર નજર કરવામાં આવે તો કંઈક આવુ જ ચિત્ર સ્પષ્ટ થાય છે.

ક્ષેત્રીય રાજકીય પક્ષોએ મધ્ય પ્રદેશ વિધાનસભાની તમામ 230 બેઠકો પર ચૂંટણી લડવાની પણ જાહેરાત કરી દીધી છે.

તે સમયે જો બીએસપી, એસપી અને ગોંદવાના ગણતંત્ર પાર્ટી (GGP)ને કોંગ્રેસ પોતાની સાથે લાવી શકી હોત તો તેનો વોટ શેર ભાજપ કરવા વધારે હોત. આ વખતે ભાજપના સૂત્રોનું કહેવું છે કે, ગઠબંધનને લઈને કોંગ્રેસની અનિશ્ચિતતાથી પાર્ટીને વિશ્વાસ સ્થાપિત કરવામાં મદદ મળી છે. સાથે જ પોતાની નબળાઓને ઢાંકવામાં પણ સરળતા રહેશે.

જોકે કોંગ્રેસના નેતાઓ એ વાત પર ભાર આપી રહ્યાં છે કે, વિધાનસભામાં ગઠબંધન રચવાના પ્રયાસો નિષ્ફળ થવાનો અર્થ એ નથી કે 2019માં મહાગઠબંધન નહીં રચાય. તો બીજી બાજુ મધ્ય પ્રદેશમાં તાજેતરમાં હાથ ધરવામાં આવેલા સર્વે રાજ્યમાં ખરાખરીની ટક્કર થવા તરફ ઈશારો કરી રહ્યાં છે. ઓગષ્ટમાં હાથ ધરવામાં આવેલા સર્વેમાં કોંગ્રેસ આગળ હતી પરંતુ ઓક્ટોબર આવતા આવતા કોંગ્રેસ થોડી પાછી રહી ગઈ હતી. જેનો લાભ ભાજપને મળતો જણાય છે.

ભાજપના રાજ્યસભા સાંસદ પ્રભાત ઝાનું કહેવું છે કે, મધ્ય પ્રદેશમાં ભાજપ ખુબ જ મજબુત છે. કોંગ્રેસના ગઠબંધનના પ્રયાસ સફળ નથી થયા, ક્ષેત્રીય દળોએ તેને ફગાવી દીધી છે. તેમણે કહ્યું છે કે, રાહુલ ગાંધી અને કોંગ્રેસના ‘સોફ્ટ હિન્દુત્વ’ ના નાટકથી કોઈ જ લાભ થશે નહીં.