Need To Stop Distortions Of The Word 'Hindu:' Vice President Venkaiah Naidu
  • Home
  • Featured
  • હિન્દુ શબ્દને અછૂત બનાવામાં જ લાગ્યા છે કેટલાંક લોકો: વેંકૈયા નાયડુ

હિન્દુ શબ્દને અછૂત બનાવામાં જ લાગ્યા છે કેટલાંક લોકો: વેંકૈયા નાયડુ

 | 8:59 am IST

અમેરિકાના શિકાગોમાં આયોજીત વિશ્વ હિન્દુ કૉંગ્રેસને સંબોધિત કરતાં સમયે ઉપરાષ્ટ્રપતિ એમ વેંકૈયા નાયડુએ રવિવારના રોજ કહ્યું કે કેટલાંક લોકો હિન્દુ શબ્દને ‘અછૂત’ અને ‘અસહનીય’ બનાવાની કોશિષ કરી રહ્યાં છે. તેમણે હિન્દુ ધર્મના સાચા મૂલ્યોના સંરક્ષણની જરૂરિયાત પર જોર આપ્યું જેથી કરીને આવા વિચારો અને પ્રકૃતિને બદલી શકાય જે ‘ખોટી સૂચનાઓ’ પર આધારિત છે. શિકાગોમાં સ્વામી વિવેકાનંદના 11 સપ્ટેમ્બર 1893ના રોજ આપવામાં આવેલા ચર્ચિત ભાષણને 125 વર્ષ પૂરા થવા પર વિશ્વ હિન્દુ કૉંગ્રેસનું આયોજન કરાયું છે.

બીજી વિશ્વ હિન્દુ કૉંગ્રેસને સંબોધિત કરતાં ઉપરાષ્ટ્રપતિ નાયડુએ કહ્યું કે ભારત સાર્વભૌમિક સહનશીલતામાં વિશ્વાસ કરે છે અને તમામ ધર્મોને સાચા માને છે. હિન્દુ ધર્મની અગત્યની બાબતોને રેખાંકિત કરતાં તેમણે કહ્યું કે ‘શેર કરવું’ અને ‘ધ્યાન રાખવું’ હિન્દુ દર્શનના મૂળ તત્વ છે.

નાયડુએ અફસોસ વ્યકત કર્યો કે (હિન્દુ ધર્મ અંગે) ઘણી ખોટી માહિતીઓ ફેલાવી રહ્યાં છે. તેમણે કહ્યું કે કેટલાંક લોકો હિન્દુ શબ્દને અછૂત અને અસહનીય બનાવાની કોશિષ કરી રહ્યાં છે. તે દ્રષ્ટિથી વ્યક્તિને વિચારોને યોગ્ય પરિપ્રેક્ષ્યમાં જોઇ પ્રસ્તુત કરવા જોઇએ જેથી કરીને દુનિયાની સામે સૌથી પ્રામાણિક પરિપ્રેક્ષ્ય રજૂ થઇ શકે.

આની પહેલાં રાષ્ટ્રીય સ્વયંસેવક સંઘના સરસંઘચાલક મોહન ભાગવતે પણ શુક્રવારના રોજ વિશ્વ હિન્દુ કૉંગ્રેસને સંબોધિત કરી હતી. પોતાના સંબોધનમાં ભાગવતે કહ્યું હતું કે હિન્દુ કોઇનો વિરોધ કરવા માટે જીવતા નથી, પરંતુ કેટલાંક લોકો એવા પણ હોઇ શકે કે જે હિન્દુઓનો વિરોધ કરે છે. સંઘ પ્રમુખે હિન્દુ સમુદાયને એકજૂથ થઇ માનવ કલ્યાણ માટે કામ કરવાની પણ અપીલ કરી હતી. પરંતુ તેમના વિશ્વ હિન્દુ કૉંગ્રેસમાં આપવામાં આવેલા એક નિવેદનને લઇ દેશમાં ઘણા વિવાદ પણ થયા હતા.