Pakistan Could Emerge As World 5th Largest Nuclear Weapons
  • Home
  • Featured
  • ભારત માટે ખતરાની ઘંટડી, પાકિસ્તાનના પરમાણુ હથિયારનો આંકડો જાણી ચોંકી ના જતા

ભારત માટે ખતરાની ઘંટડી, પાકિસ્તાનના પરમાણુ હથિયારનો આંકડો જાણી ચોંકી ના જતા

 | 1:00 pm IST

પાકિસ્તાન ભારતથી પરમાણુ હથિયાર બનાવાની રેસમાં આગળ નીકળી ચૂકયું છે. કેટલાંય મીડિયા રિપોર્ટના મતે જ્યાં ભારત વિશ્વમાં પરમાણુ હથિયારના મામલામાં સાતમા નંબર પર છે તો પાકિસ્તાન છઠ્ઠા નંબર છે. જો કે ભારત માટે મોટો ખતરો બની શકે છે.

પાકિસ્તાન ઝડપથી પરમાણુ હથિયાર વિકસિત કરી રહ્યું છે. કેટલીય એજન્સીઓના દાવા પ્રમાણે અત્યારે તેની પાસે 140થી 150 પરમાણુ હથિયાર અને ભંડાર છે. દુનિયાભરમાં એટમી રેસ પર નજર રાખનાર એજન્સી ફેડરેશન ઓફ અમેરિકન સાયન્ટિસ્ટ (એફએએસ-જેને પહેલાં ફેડરેશન ઓફ એટોમિક સાયન્ટિસ્ટના નામથી ઓળખાતું હતું) એ પોતાના રિપોર્ટમાં ચોંકાવનારો ખુલાસો કર્યો છે.

આ રિપોર્ટના મતે 2025 સુધીમાં પાકિસ્તાનના પરમાણુ હથિયારોનો આંકડા 220 થી 250 સુધી પહોંચવાની ધારણા છે. એવામાં આટલી પરમાણુ તાકતની સાથે તેઓ દુનિયામાં આ બાબતમાં પાંચમી સૌથી મોટી તાકત બની શકે છે. આપને જણાવી દઇએ કે અમેરિકા, રૂસ, ફ્રાન્સ, યુકે જેવા દેશ પોતાના પરમાણુ જખીરાને વધારવા પર ઓછું ધ્યાન આપી રહ્યાં છે. જો કે ભારતથી દુશ્મની લેવા માટે પાકિસ્તાન આ રેસમાં ઘણું આગળ નીકળી રહ્યું છે.

‘Pakistani nuclear forces 2018’ નામના આ રિપોર્ટને હંસ એમ ક્રિસ્ટનેસન, રોબર્ટ એસ નોરિસ, અને જુલિયા ડાયમંડે તૈયાર કર્યો છે. આ રિપોર્ટમાં એમ પણ દાવો કરાયો છે કે અંદાજે આવતા દસ વર્ષમાં પાકિસ્તાન 350 પરમાણુ હથિયારોની સાથે દુનિયામાં ત્રીજા નંબરની સૌથી મોટી એટમી તાકત બની શકે છે.

આપને જણાવી દઇએ કે આ રિપોર્ટે અમેરિકાના આ દાવાની પોલ ખોલી દેવાઇ છે, જેમાં અમેરિકન રક્ષા સૂત્રોએ 1999મા દાવો કર્યો હતો કે 2020 સુધીમાં પાકિસ્તાનની પાસે 60 થી 80 એટમી હથિયાર હશે. આ રિપોર્ટ માટે પાકિસ્તાનના સૈન્ય અડ્ડાઓ અને એરફોર્સના ઠેકાણાઓની સેટેલાઇટ તસવીરોનો અભ્યાસ કરાયો છે. તેના પરથી સાબિત થયું કે પાકિસ્તાનમાં સતત પરમાણુ હથિયારોનો ભંડાર વધારવાની તૈયારીઓ ચાલી રહી છે. આ તૈયારી અંડરગ્રાઉન્ડ અડ્ડામાં થઇ રહી છે.

રિપોર્ટમાં એમ પણ કહ્યું છે કે પાકિસ્તાન પરમાણુ હથિયારોથી લેસ ઓછી અંતરની મિસાઇલોના વિકાસ પર વધુ ધ્યાન આપી રહી છે. એવામાં માનવામાં આવી રહ્યું છે કે તે માત્ર ભારતની સાથે પરમાણુ યુદ્ધની તૈયારી કરી રહ્યું છે. સાથો સાથ તે માત્ર બચવા માટે નહીં પરંતુ ભારતની સાથે રણનીતિક રીતે આગળ નીકળવા માટે આ પરમાણુ હથિયારોને તૈયાર કરી રહ્યું છે.

પાકિસ્તાનના આ પગલાંએ દુનિયાના કેટલાંય દેશોને ચિંતામાં મૂકી દીધા છે. ખાસ કરીને અમેરિકા તેનાથી ખૂબ જ ચિંતિત છે. અમેરિકાને ચિંતા છે કે તેનાથી ભારત અને પાકિસ્તાનની વચ્ચે સૈન્યા કાર્યવાહી દરમ્યાન પરમાણુ હથિયારોના ઉપયોગ દ્વારા ખુલી શકે છે. એટલું જ નહીં અમેરિકા પાકિસ્તાન અને ચીનની નજીક હોવાથી વાકેફ છે. આપને જણાવી દઇએ કે થોડાંક દિવસ પહેલાં જ રિપોર્ટ આવ્યો હતો કે પાકિસ્તાનને નાના અંતરની ન્યુક્લિઅર મિસાઇલ બનાવાની ટેકનોલોજી પ્રાપ્ત કરવામાં ચીને મદદ કરી હતી અને તેઓ સતત તેની પરમાણુ ક્ષમતા વધારવામાં મદદ કરી રહ્યાં છે.