Raj Babbar and Mohammad Azharuddin pitch for LS seats from Mumbai
  • Home
  • Featured
  • ભારત-ચીનની મિત્રતાથી પાકિસ્તાનના પેટમાં તેલ રેડાયું, ખોલ્યો નવો દાવ

ભારત-ચીનની મિત્રતાથી પાકિસ્તાનના પેટમાં તેલ રેડાયું, ખોલ્યો નવો દાવ

 | 8:48 pm IST

આતંકવાદીના હમદર્દ બની ચુકેલા પાકિસ્તાને હવે ભારત વિરૂદ્ધ એક નવી જ ચાલ ચાલી છે. પોતાના મદદગાર ચીનને ભારત વિરૂદ્ધ ભડકાવવા માટે પાકિસ્તાને એક નવુ જ અભિયાન છેડ્યું છે. પાકિસ્તાને દાવો કર્યો છે કે, કરાંચીમાં સ્થિત ચીનના વાણિજ્ય દૂતાવાસ પર તાજેતરમાં જે હુમલો થયો તેની પાછળ ભારતનો હાથ છે. આ પ્રકારની નીચલી કક્ષાની હરકતથી પાકિસ્તાન ચીનને ભારત વિરૂદ્ધ ભડકાવવા ધારે છે.

આતંકવાદ પર બેવડા વલણના કારણે અમેરિકાએ ભાવ આપવાનું બંધ કરતા પાકિસ્તાન હવે ચીનની સોડમાં ભરાઈ રહ્યું છે. બીજી બાજુ, સરહદી વિવાદ અને ડોકલામ જેવા પ્રકરણ બાદ પણ ચીન ભારત સાથે સારાસારી રાખી રહ્યું છે.

વડાપ્રધાન નરેન્દ્ર મોદી અની ચીનના રાષ્ટ્રપતિ શી જિનપિંગ બંને નેતાઓએ દ્વિપક્ષીય વાર્તાલાપને એક નવી જ ઉંચાઈએ પહોંચાડવાનો પ્રયાસ કર્યો છે. કદાચ આ સંબંધો પાકિસ્તાનને આંખના કણાની જેમ ખુંચી રહ્યાં છે અને માટે જ તેણે આ નવી ચાલ ખેલી છે.

પાકિસ્તાન મીડિયાના અહેવાલ પ્રમાણે શુક્રવારે કરાચી પોલીસ ચીફ ડૉ, અમીર અહમદ શેખે જાણકારી આપતા કહ્યું હતું કે, કરાચી સ્થિત ચીની મિશન પર થયેલા હુમલાનું ષડયંત્ર અફઘાનિસ્તાનમાં રચવામાં આવ્યું હતું અને તેમાં ભારતની ગુપ્તચર એજંસી રિસર્ચ એંડ એનાલિસિસ વિંગ (RAW)એ મદદ કરી હતી.

ઉલ્લેખનીય છે કે, ગત વર્ષે સપ્ટેમ્બરમાં આધુનિક હથિયારોથી સજ્જ ત્રણ આતંકવાદીઓએ ચીની કોંસુલેટમાં ઘુસવાનો પ્રયાસ કર્યો હતો. ચીનનું આ કોંસુલેટ ખુબ જ સુરક્ષીત જગ્યાએ આવેલું છે તેમ છતાં આતંકીઓ અહીં પહોંચવામાં સફળ કેવી રીતે રહ્યાં. જેનો પાકિસ્તાન જવાબ નથી આપી રહ્યું. પાકિસ્તાની સુરક્ષાબળો સાથે થયેલા એન્કાઉંટરમાં ત્રણેય આતંકીઓ ઠાર મરાયા હતાં. જોકે આ ગોળીબારમાં બે પોલીસકર્મીઓ અને બે વીઝા આવદકોના પણ મોત નિપજ્યા હતાં. વિદેશી મિશનમાં તૈનાત એક પ્રાઈવેટ ગાર્ડ પણ આ હુમલામાં ઘાયલ થયો હતો. પ્રતિબંધિત બલૂચિસ્તાન લિબરેશન આર્મીએ આ હુમલાની જવાબદારી સ્વિકારી હતી.

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ ફોલો કરી શકો છો.