PDP Leader Mehbooba Mufti Criticism PM Modi Statement Regarding Pakistan
  • Home
  • Election 2019
  • પરમાણું બોમ્બ પર PM મોદી પર પલટવાર કરતા મહેબૂબાનો છલકાયો PAK પ્રેમ

પરમાણું બોમ્બ પર PM મોદી પર પલટવાર કરતા મહેબૂબાનો છલકાયો PAK પ્રેમ

 | 6:36 pm IST

જમ્મુ-કાશ્મીરના પૂર્વ મુખ્યમંત્રી અને પીડીપી પ્રમુખ મહેબૂબા મુફ્તીએ પીએમ નરેન્દ્ર મોદીના એ નિવેદનની ટીકા કરી છે જેમાં તેમને પાકિસ્તાનને ચેતવણી આપતા કહ્યું છે કે અમે દિવાળી માટે પરમાણુ બોમ્બ નથી રાખ્યા. પીએમ મોદીના આ નિવેદન પર પલટવાર કરતા મુફ્તીએ કહ્યું કે ભારતે જો પરમાણુ બોમ્બ દિવાળી માટે નથી રાખ્યા તો પાકિસ્તાને પણ તેને ઈદ માટે નથી રાખ્યા. આ દરમિયાન મહેબૂબાએ પીએમ મોદીના ચૂંટણી ભાષણોના સ્તર સામે નારાજગી દર્શાવી છે.

તમને જણાવી દઈએ કે રાજસ્થાનના બાડમેર ખાતે ચૂંટણી રેલી દરમિયાન પીએમ મોદીએ પડોશી દેશને ચેતવણી આપતા કહ્યું હતું કે,‘ભારતે પાકિસ્તાનની ધમકીથી ડરવાની નીતિ છોડી દીધી છે. નહીંતર પાકિસ્તાન સતત પરમાણુ બોમ્બની ધમકી આપતો હતો. તેઓ કહે છે કે તેમની પાસે ન્યૂક્લિયર બટન છે. તો ભારત પાસે શું છે? આ પરમાણુ બોમ્બ અમે દિવાળી માટે રાખ્યો છે શું?’ આ સાથે વિપક્ષ પર નિશાન સાધતા તેમને કહ્યું કે આપણે ઘરમાં ઘુસીને આતંકવાદીઓને માર્યા. ઇજા ત્યાં થઈ અને દુઃખ અહીં થયું.

જ્યારે હવે પીએમ મોદીના આ નિવેદનની ટીકા કરતા મહેબૂબા મુફ્તીએ ટ્વિટ કરતા કહ્યું કે,‘જો ભારતે દિવાળી માટે પરમાણુ બોમ્બ નથી રાખ્યા તો પછી આ પણ સ્પષ્ટ છે કે પાકિસ્તાને ઈદ માટે પરમાણુ બોમ્બ નથી રાખ્યા.’ આ દરમિયાન મહેબૂબા મુફ્તીએ પીએમ પર આરોપ લગાવ્યો કે તેઓ રાજનીતિક ચર્ચાના સ્તરને નીચે પાડવાની કોશિશ કરી રહ્યા છે.

ઉલ્લેખનીય છે બાડમેરમાં ચૂંટણી સભા સંભોધતા પીએમ મોદીએ વિપક્ષી પાર્ટિઓ પર નિશાન સાધ્યો હતો. તેમને આરોપ લગાવતા કહ્યું કે 1971ની લડાઈમાં જમ્મુ-કાશ્મીરની સમસ્યાનો ઉકેલ આવી ગયો હોત પરંતુ આ સારી તક કોંગ્રેસે ગુમાવી હતી. આ રેલી દરમિયાન પીએમ મોદીએ કોંગ્રેસ પાર્ટી પર આકરા પ્રહાર કર્યા હતા.

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandeshની નવી મોબાઇલ એપ્લિકેશન