Photos Of National Museum of Indian Cinema
  • Home
  • Featured
  • Photos: અંદરથી શાનદાર છે દેશનું પહેલું સિનેમા સંગ્રહાલય, જોઇ લો આ ખાસ તસવીરો

Photos: અંદરથી શાનદાર છે દેશનું પહેલું સિનેમા સંગ્રહાલય, જોઇ લો આ ખાસ તસવીરો

 | 10:45 am IST

પ્રધાનમંત્રી નરેન્દ્ર મોદીએ મુંબઈમાં દેશનાં પ્રથમ સિનેમા સંગ્રહાલયનું ઉદ્ઘાટન કર્યું. આ સંગ્રહાલયમાં ભારતીય સિનેમાની ઝલક રજૂ કરવામાં આવી છે. આ મ્યૂઝિયમ ચાર વર્ષે લગભગ 140 કરોડ રૂપિયાનાં ખર્ચે તૈયાર થયું છે. આ મ્યૂઝિયમમાં ફિલ્મ નિર્માણ ટેકનોલોજીથી લઇને ભારતીય સિનેમાની 100 વર્ષની યાત્રા દર્શાવવામાં આવી છે. ફિલ્મકાર શ્યામ બેનેગલની અધ્યક્ષતામાં સંગ્રહાલય સમિતિ બનાવવામાં આવી હતી, જેના માર્ગદર્શનમાં આ ‘નેશનલ મ્યૂઝિયમ ઑફ ઇન્ડિયન સિનેમા’ને તૈયાર કરવામાં આવ્યું છે.

દેશનું આ પ્રકારનું આ પહેલું સંગ્રહાલય છે. આ બે ઇમારત ‘નવીન સંગ્રહાલય ભવન’ અને 19મી સદીનાં ઐતિહાસિક મહેલ ‘ગુલશન મહલ’માં આવેલું છે. આ સંગ્રહાલયમાં 4 પ્રદર્શન હૉલ છે, જેની કેટલીક ખાસિયતો છે. ગાંધી અને સિનેમા હૉલમાં લાગેલા પ્રદર્શનમાં ખાસ કરીને મહાત્મા ગાંધીનાં જીવન પર બનેલી ફિલ્મો છે. આનાં દ્વારા એ દર્શાવવાનાં પ્રયત્ન કરવામાં આવ્યા છે કે સિનેમા પર ગાંધીજીનાં જીવનનો કેવો પ્રભાવ પડ્યો છે.

બાલ ફિલ્મ સ્ટૂડિયો હૉલમાં બાળકોને ફિલ્મ પ્રોડક્શનની ટેકનિક, સાધનો અને કળા વિશે જાણવાની તક મળશે. આ હૉલમાં કેમેરા, લાઇટ, શૂટિંગ અને અભિનયથી જોડાયેલી જાણકારીઓ હશે. અહીં ભારતીય સિનેમાની 100 વર્ષની યાત્રા દર્શાવવામાં આવી છે જેને 9 ખંડોમાં વિભાજિત કરવામાં આવી છે, જેમાં ઉત્પત્તિ, ભારતમાં સિનેમાનું આગમન, ભારતીય મૂક ફિલ્મ, ધ્વનિની શરૂઆત, સ્ટૂડિયો યુગ, દ્વિતિય વિશ્વ યુદ્ધનો પ્રભાવ, રચનાત્મક જીવંતતા, ન્યૂ વેવ અને આ ઉપરાંત ક્ષેત્રીય સિનેમા સામેલ છે.

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandeshની નવી મોબાઇલ એપ્લિકેશન