NIFTY 10,322.25 +56.60  |  SENSEX 33,455.79 +205.49  |  USD 64.3600 -0.09
1.6M
1M
1.7M
APPS
  • Home
  • Gujarat
  • PM મોદીએ કહ્યું ત્રણ વર્ષના શાસનમાં 14 હજાર કરોડ રૂપિયા પ્રજાને આપ્યા, જાણો કેવી રીતે

PM મોદીએ કહ્યું ત્રણ વર્ષના શાસનમાં 14 હજાર કરોડ રૂપિયા પ્રજાને આપ્યા, જાણો કેવી રીતે

 | 11:28 pm IST

જામનગરમાં પીએમ મોદીએ સભાન સંબોધતા એક તબક્કે એવું કહ્યું હતું કે તેમણે 14 હજાર કરોડ લોકોના ખાતામાં આપ્યા. તેમણે આગળ કહ્યું હતું કે કેવી રીતે ?જાણો છો કોંગ્રેસ એક LED બલ્વ 350 રૂપિયામાં આપતી હતી. અમે એ બલ્બ રૂપિયા 50માં મળતો કર્યો છે. અમને એવું લાગ્યું કે આમા ગોલમાલ છે. અમે તરત જ લાગતા વળગતા કંપની સત્તાવાળાઓને બોલાવ્યા. કહ્યું કે ભાઈ આમાં તમારો ખર્ચ કેટલો અને નફો કેટલો. અમે એવી ગોઠવણ કરી કે વીજળીની બચત થાય અને લોકોને સારી લાઈટ મળે. અમે LED બલ્બ લોકોને સસ્તા દરે મળે એવી વ્યવસ્થા કરી. આજે લોકોને 50 રૂપિયામાં બલ્બ મળે છે. આ રીતે અમે જે રૂપિયા બચાવ્યા એ આપ્યા કહેવાય કે ન કહેવાય. પીએમ મોદીએ જામનગરમાં કોંગ્રેસ પર ભારે પ્રહારો કર્યાં હતા. લોકોએ ગુજરાતમાંથી કોંગ્રેસને જાકારો આપી દીધો છે. દેશના લોકોને જે અત્યારે સમજાયું તે ગુજરાતને 25 વર્ષ પહેલાં સમજાઈ ગયું છે. ગુજરાતમાં કોંગ્રેસ ક્યારેય નહિં આવે. ભાજપ 150+ સીટોથી જીતશે તેવી વાત પીએમ મોદીએ કરી હતી.

જામનગર સભાને સંબોધતા પીએમ મોદીએ કોંગ્રેસ પર તેજાબી પ્રહારો કરતાં કહ્યું હતું કે 26/11 મુંબઈ હુમલામાં આતંકીઓએ લોકોને મોતને ઘાટ ઉતાર્યા ત્યારે ભારતીય સેનાના પ્રમુખ તત્કાલીન PM પાસે ગયા હતા. કોંગ્રેસની સરકારે સર્જીકલ સ્ટ્રાઈકની મંજૂરી આપી ન હતી. ઉરી હુમલામાં શહીદ થયેલા 17 જવાનોનો અમે બદલો લીધો. આપણા જવાનોએ સર્જીકલ સ્ટ્રાઈક કરી. આતંકીઓના મડદા ટ્રકોમાં લઈ જવા પડ્યા. કોંગ્રેસ સર્જીકલ સ્ટ્રાઈક પર સવાલો ઉઠાવે છે. અમરનાથ યાત્રીઓ પર હુમલો કરનારા આતંકીઓને વીણી વીણીને માર્યા. દેશની રક્ષા કરનાર જવાનોને છુટો દોર આપવામાં આવ્યો છે.

પીએમ મોદીએ વધુંમાં કહ્યું હતું કે ગુજરાતમાં છાસવારે હુલ્લડો થતા હતા. ગુજરાતમાં શાંતિ આવી. આવી કે ના આવી ? 50 વર્ષથી ગુજરાત કોઈ કાળે કોંગ્રેસને સ્વીકારવા તૈયાર નથી. ગુજરાતના લોકોએ કોંગ્રેસને ક્યારની દફનાવી દીધી છે. ગુજરાતનું નામ આવે એટલે કોંગ્રેસને વાંકુ પડે. ગુજરાતના સંસ્કાર અને કોંગ્રેસને કોઈ સંબધ નથી. દેશની પ્રજા કોંગ્રેસને પેસવા દેવા તૈયાર નથી. દેશને અત્યારે સમજાયું તે ગુજરાતને વર્ષઓ પહેલાં સમજાઈ ચૂક્યું છે. કોંગ્રેસે સરદાર પટેલને જ અન્યાય કર્યો તેમ નથી. શ્યામજી કૃષ્ણ વર્માના અસ્થિ પણ કોંગ્રેસ સરકાર ના લાવી. હું ખભે ઉપાડીને આપણા કચ્છના શ્યામજી કૃષ્ણ વર્માના અસ્થિને ભારત લઈ આવ્યો. કચ્છમાં આજે પણ લોકો તેમના અસ્થિ સ્થળને જોવા જાય છે. ગુજરાત પ્રત્યે ઓરમાયુ વર્તન કોંગ્રેસનો સ્વભાવ છે.

પીએમ મોદીએ વધુંમાં કહ્યું હતું કે જામનગરમાં ચક્રવાત આવ્યો ત્યાંરે કોંગ્રેસ દેખાઈ ન હતી. ઓખી વાવાઝોડા સામે રાજ્ય અને કેન્દ્ર સરકાર તૈયાર છે. ધરતીકંપ હોય કે કોઈ પણ હોનારત હોય કામ કરીએ છીએ. મહારાષ્ટ્રમાં લાતુરની આજે સ્થિતિ જુઓ અને કચ્છની સ્થિતિ જુઓ. અમે પ્રજાની સાથે કામ કરીએ છીએ.

LED બલ્બના અભિયાનથી અમે પ્રજાના 14 હજાર કરોડ રૂપિયા બચાવ્યા. તેમણે દ્રષ્ટાંત ટાંક્યું હતું.

જૂનાગઢમાં કૃષિ યુનિર્વિસટીના કેમ્પસમાં વિશાળ જનમેદનીને સંબોધતા વડાપ્રધાન નરેન્દ્ર મોદીએ જણાવ્યું હતું કે ગુજરાતને દુનિયાના નકશામાં અદનું સ્થાન આપવામાં દિલ્લીમાં બેઠેલો તમારો જણ સખત કામ કરતો હોય ત્યારે ગણતરીબાજ ગુજરાતીઓ કયારેય ભુલ ન કરે એવો મને દ્રઢ વિશ્વાસ છે. ગુજરાતી પ્રજાજનો ભા.જ.પ.ને એવો વિજય અપાવશે કે આ દેશને એક નવીજ દિશામાં લઈ જવામાં મને સતત અને એકધારી ઉર્જા એ વિકાસપથ માંથી મળશે.

જૂનાગઢ, કેશોદ, માણાવદર, વિસાવદર, માંગરોળ અને ઉપલેટા (ધોરાજી) મત વિસ્તારમાંથી આવેલા હજારોની મેદનીને સંબોધતા પ્રધાનમંત્રીએ ઉમેર્યુ હતું કે સરદાર વલ્લભભાઈ પટેલ પ્રત્યે કોંગ્રેસને ખબર નહીં શું અણગમો હતો કે જૂનાગઢની આઝાદીમાં કે સોમનાથ મંદિરના નિર્માણમાં સરદાર પટેલની મહત્વની ભુમિકા હોવાથી આઝાદી પછીનીકોંગ્રેસી સરકારોએ જૂનાગઢ અને સોમનાથ મંદિરની સતત ઉપેક્ષા જ કરી. વર્ષ 2018ની 9મી નવેમ્બરે જૂનાગઢ આઝાદી દિનના રોજ એશિયાના સૌથી મોટા રોપ-વે માંનો એક ગિરનાર રોપ-વે નું ઉદધાટન કરવામાં આવશે તેવી જાહેરાત કરી હતી.