PM narendra modi shoot and share statue of unity video on twitter
  • Home
  • Gujarat
  • PM મોદીએ જાતે જ શુટ કર્યો સ્ટેચ્યુ ઓફ યુનિટીનો વીડિયો, જોત જોતામાં થયો વાયરલ

PM મોદીએ જાતે જ શુટ કર્યો સ્ટેચ્યુ ઓફ યુનિટીનો વીડિયો, જોત જોતામાં થયો વાયરલ

 | 8:21 pm IST

હાલ દેશમાં લોકસભા ચૂંટણી ચાલી રહી છે ત્યારે વડાપ્રધાન મોદી પણ દેશમાં ઠેક ઠેકાણે સભાઓ કરવામાં વ્યસ્ત છે. વડાપ્રધાન નરેન્દ્ર મોદી રાજસ્થાન જતાં હતા ત્યારે તેઓએ હેલિકોપ્ટરમાંથી સ્ટેચ્યુ ઓફ યુનિટીનો વીડિયો શુટ કર્યો હતો અને તેમના ટ્વીટર હેન્ડલ પર પોસ્ટ કર્યો હતો. અને જોતજોતામાં 2 લાખ કરતાં વધારે લોકોએ આ વીડિયોને જોયો હતો અને 40 હજાર કરતાં વધારે લોકોએ લાઇક કર્યો હતો. પીએમ મોદીની આ ટ્વીટને 8,809 લોકોએ રી ટ્વીટ કરી હતી.

સ્ટેચ્યુ ઓફ યુનિટી વડાપ્રધાન નરેન્દ્ર મોદીનું સપનું હતુ અને તેઓએ સેવેલું સપનું આજે સાકાર થયું છે. સ્ટેચ્યુ ઓફ યુનિટીનુ ખાતમુર્હૂત પણ પીએમ મોદીએ કર્યું હતું અને તેનું લોકાર્પણ પણ તેઓએ જ કર્યું હતું. આજે સરદાર સરોવર ડેમ પાસે કેવડીયા કોલોનીના સાધુ બેટ ખાતે આવેલી દુનિયાની સૌથી મોટી પ્રતિમા એવી સ્ટેચ્યુ ઓફ યુનિટીને જોવા દેશ વિદેશથી લાખો લોકો આવે છે. આ પ્રતિમાની ઉંચાઇ 182 મીટર છે. આ સરદાર પટેલના સ્ટેચ્યુ ઓફ યુનીટીને સાત કિલોમીટર દૂરથી પણ જોઇ શકાય છે.

સ્ટેચ્યુ ઓફ યુનિટી બનાવવાની જાહેરાત 2010માં થઇ હતી અને ઓક્ટોબર 2013માં તેને બનાવવાની શરૂઆત થઇ ગઇ હતી. જેનું લોકાર્પણ સરદાર પટેલના 143મી જન્મજયંતીએ 31 ઓક્ટોબર 2018ના રોજ પીએમ મોદીના વરદ હસ્તે કરવામાં આવ્યું હતુ. 2989 કરોડના ખર્ચે બનેલા આ સ્ટેચ્યુની ડિઝાઇન રામ સુતાર દ્વારા કરવામાં આવી હતી.

 

કુલ 56 મહિનાઓના ટુંકા સમયગાળામાં આ સ્ટેચ્યુને તૈયાર કરવામાં આવી છે જેમાં 15 મહિના પ્લાનીંગમાં, 41 મહિના કન્સ્ટ્રક્શનમાં લાગ્યા હતા. અને 1 નવેમ્બર 2018ના રોજ તેને જાહેર જનતા માટે ખુલ્લુ મુકવામાં આવ્યું હતુ. ખુલ્લુ મુકાયાના 11 દિવસમાં 1,28,000 લોકોએ તેમની મુલાકાત લીધી હતી અને હાલ પણ અહીં મુલાકાતીઓનો અવિરત પ્રવાહ ચાલુ જ રહે છે.

.

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandeshની નવી મોબાઇલ એપ્લિકેશન