રાજેશ ખન્ના-નસિરુદ્દીન કોન્ટ્રોવર્સી પર અક્ષયે તોડ્યુ મૌન, પ્રથમવાર ખુલીને આવ્યો સામે - Sandesh
  • Home
  • Entertainment
  • Bollywood
  • રાજેશ ખન્ના-નસિરુદ્દીન કોન્ટ્રોવર્સી પર અક્ષયે તોડ્યુ મૌન, પ્રથમવાર ખુલીને આવ્યો સામે

રાજેશ ખન્ના-નસિરુદ્દીન કોન્ટ્રોવર્સી પર અક્ષયે તોડ્યુ મૌન, પ્રથમવાર ખુલીને આવ્યો સામે

 | 9:54 am IST

બોલિવૂડ અભિનેતા અક્ષય કુમારનું કહેવુ  છે કે, નસિરુદ્દીન શાહે તેમના દિવંગત સસરા રાજેશ ખન્ના વિશે શું કહ્યું છે, તેના પર તે કોઇ ટિપ્પણી કરશે નહી. કારણ કે આ મામલામાં તેમણે પહેલા જ માફી માંગી લીધી છે.

તમને જણાવી દઇએ કે, કેટલાક દિવસો પહેલા દિવંગત અભિનેતા રાજેશ ખન્ના પર નસિરુદ્દીન દ્વારા ટિપ્પ્ણી કરવામાં આવી હતી. આ વિશે અક્ષયને એક ઇન્ટરવ્યૂમાં સવાલ કરવામાં આવ્યો હતો. જેના જવાબમાં અક્ષયે કહ્યું હતું કે, “આ મામલો સમાપ્ત થઇ ગયો છે. હવે બધુ જ સમાપ્ત થઇ ગયું છે. તેમણે (નસિરુદ્દીન)એ માફી માંગી લીઘી છે. આપણે આગળ વધવું જોઇએ”. અક્કીએ વધુમાં કહ્યુ, “આ મામલમાં હવે તમે મારાથી કંઇ જ બોલોવીને તમે (મિડિયા) લખી શકો તેમ નથી, કારણ કે તેમણે માફી માંગી લીધી છે”. જો કે અક્ષયે આ મામલાને વધારે તુલ ન આપવાનું કહ્યું હતું અને અક્કી અનુસાર, “ફિલ્મ જગતને એકસાથે ચાલવુ જોઇએ.. જ્યારે કોઇ માફી માંગે ત્યારે તેને આપણે એક સારા વ્યક્તિ તરીકે તે મામલાને ત્યાં જ સમાપ્ત કરી દેવો જોઇએ”.

નોંધનિય છે કે, થોડા દિવસો પહેલા નસિરુદ્દીન શાહે એક મુલાકાત દરમિયાન નિવેદન આપ્યુ હતું કે, ”૧૯૭૦ના દાયકામાં હિંદી ફિલ્મોમાં સાધારણ અને એવરેજ કવોલિટી આવી ગઈ હતી. આ સમયમાં રાજેશ ખન્નાએ અભિનેતા તરીકેની કારકિર્દી શરુ કરી હતી. રાજેશ ખન્ના સફળ હોવા છતાં તેઓ એક સીમિત કલાકાર હતા, તેઓ એક ખરાબ કલાકાર હતા”. નસિરુદ્દીનની આ ટિપ્પણથી રોષે ભરાયેલી રાજેશ ખન્નાની મોટી દિકરી ટ્વિંકલે માઇક્રોબ્લોગિંગ વેબસાઇટ ટ્વિટર પર ટ્વિટ કરી પોતાની નારાજગી વ્યક્ત કરી હતી.