Revenue records available online digitally from today in Gujarat
  • Home
  • Ahmedabad
  • મહેસૂલી રેકોર્ડ આજથી ઓનલાઇન ડિજિટલી સાઈન્ડ,QR કોડ સાથે મળશે

મહેસૂલી રેકોર્ડ આજથી ઓનલાઇન ડિજિટલી સાઈન્ડ,QR કોડ સાથે મળશે

 | 7:45 am IST
  • Share

  • ઊઇ કોડથી અધિકૃતતાની ખાતરી કોઈ પણ સંસ્થા કરી શકશે

  • 7-12, 8-અની નકલ વગેરે ઓનલાઇન મેળવી શકશો

ગુજરાતના નાગરિકોને દેવ દિવાળીથી મહેસૂલી રેકોર્ડના નમૂના નં.6, 7-12, 8-એ હવે ઓન લાઈન ઉપલબ્ધ થશે, ડીજીટલી સાઈન્ડ નકલ, અથવા ,QR પોર્ટલ પરથી મેળવી શકાશે નકલ પર ક્યુઆર કોડ ઉપલબ્ધ હશે, જેથી અધિકૃતતાની ખાતરી ઓન લાઈન કોઈ પણ વ્યક્તિ-સંસ્થા કરી શકશે, તેમ રાજ્યના મહેસૂલ મંત્રી રાજેન્દ્ર ત્રિવેદીએ ગુરુવારે જણાવ્યું હતું.

રાજ્યના મહેસૂલ મંત્રીએ જણાવ્યું હતું કે, મહેસૂલી રેકોર્ડના નમૂના નં.6, 7-12, 8-અ હવે ઓનલાઈન ઉપલબ્ધ થશે, રાજ્ય સરકારના સાયન્સ એન્ડ ટેક્નોલોજી વિભાગની ગાઈડ લાઈન મુજબ સિટિઝન સેન્ટ્રિક સર્વિસ ક્ષેત્રે ઈ સીલનો ઉપયોગ સૌ પ્રથમ વાર મહેસૂલ વિભાગે શરૂ કર્યો છે, નાગરિકોના જરૂરી મહેસૂલી દસ્તાવેજો સરળતાથી ઉપલબ્ધ બને તે માટે આ મહત્ત્વનો નિર્ણય કરાયો છે.

જમીન માટેનું મહત્ત્વનું રેકોર્ડ ગામ નમૂના નં.6, 7-12, 8-અની અધિકૃત નકલો હાલ જે તાલુકા ઈ-ધરા કેન્દ્રો, ઈ-ગ્રામ્ય કક્ષાએથી ઉપલબ્ધ થાય છે તે હવે કોઈ પણ વ્યક્તિ ડિજિટલી સાઈન્ડ નકલ ઓન લાઈન મેળવી શકશે તથા આ નકલ ઉપયોગ માટે અધિકૃત ગણાશે. આ માટે ભરપાઈ કરવાની થતી નકલ ફી પણ ઓનલાઈન ભરવાની રહેશે, આ નકલ પર ક્યૂઆર કોડ ઉપલબ્ધ હશે જેથી તેની અધિકૃતતાની ખાતરી ઓન લાઈન કોઈ પણ વ્યક્તિ કે સંસ્થા કરી શકશે. મહેસૂલી સેવાઓના દસ્તાવેજો નાગરિકોને સરળતાથી અને પારદર્શીતાપૂર્વક મળી રહે એ માટે રાજ્ય સરકારે પોર્ટલ સહિતની વ્યવસ્થા કરી છે.

નીચે આપેલી લિંક્સ પર ક્લિક કરીને સંદેશ ન્યૂઝ સાથે જોડાઓ.

તમે અમને પર ફોલો કરીને સમાચાર મેળવી શકો છો.

તમારા ફોન પર લેટેસ્ટ ન્યૂઝ અપડેટ્સ સૌથી પહેલા મેળવવા માટે હમણાં જ Sandesh ની મોબાઇલ એપ્લિકેશન ડાઉનલોડ કરો