પેન્શનદારોને મહિને મળશે એટલું પેન્શન જાણે પગાર - Sandesh
  • Home
  • Business
  • પેન્શનદારોને મહિને મળશે એટલું પેન્શન જાણે પગાર

પેન્શનદારોને મહિને મળશે એટલું પેન્શન જાણે પગાર

 | 5:11 pm IST

કર્મચારી પેન્શન યોજના-95 હેઠળ લઘુત્તમ પેન્શન માસિક રૂ. પાંચ હજાર કરાય તેવી શક્યતા છે અને તે વધીને રૂ. 7,500 થઈ શકે છે. શ્રમ મંત્રાલયે આપેલી હૈયાધારણાને આધારે કેટલાક સંગઠનોએ આ મુજબ જણાવ્યું છે.

એમ્પ્લોઈઝ પ્રોવિડન્ટ ફંડ ઓર્ગેનાઈઝેશન (ઈપીએફઓ) સંચાલિત એમ્પ્લોઈઝ પેન્શન સ્કીમ 1995 (ઈપીએસ-95) અંતર્ગત માસિક પેન્શન રૂ. 1000 અપાય છે. ઓલ ઈન્ડિયા ઈપીએસ-95 પેન્શન સંઘર્ષ સમિતિએ જારી કરેલા નિવેદનમાં જણાવ્યું હતું કે શ્રમ મંત્રાલય સાથે યોજાયેલી બેઠકમાં તેમના પ્રતિનિધિમંડળને આ મુજબની ખાતરી આપવામાં આવી છે.

આ બેઠક છ ડિસેમ્બર 2107એ યોજાઈ હતી. આ સંગઠને વધુમાં જણાવ્યું હતું કે લઘુત્તમ વેતન માસિક રૂ. 7,500 કરવા સહિત તેમની અન્ય માગણીઓ અંગે વડાપ્રધાન અને નાણાં મંત્રાલય સાથે ચર્ચા કરાશે.

પેન્શનદારોના સંગઠને ઈપીએસ-95 હેઠળના બધા જ 60 લાખ પેન્શનદારોને લઘુત્તમ માસિક પેનશન રૂ. 7,500 તથા વચગાળાની રાહત પેટે રૂ. 5,000 આપવાની માગણી કરી છે.

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandeshની નવી મોબાઇલ એપ્લિકેશન