Russia Has Started To Test 'Robocop'
  • Home
  • World
  • અમેરિકાની સ્પેસ ફોર્સને રશિયાનો જવાબ, બનાવ્યો ખાસ પ્રકારનો ‘આયરન મેન’

અમેરિકાની સ્પેસ ફોર્સને રશિયાનો જવાબ, બનાવ્યો ખાસ પ્રકારનો ‘આયરન મેન’

 | 4:35 pm IST

વિશ્વની બે મહાશક્તિઓ એવી રશિયા અને અમેરિકા શીતયુદ્ધ કાળમાંથી જાણે બહાર આવવાનું નામ જ નથી લઈ રહ્યાં. ભવિષ્યના યુદ્ધ માટે એક તરફ અમેરિકાએ સ્પેસ ફોર્સ બનાવી રહ્યું છે, તો તેના વળતા જવાબરૂપે રશિયા ‘રોબોકૉપ’ આર્મીની દિશામાં આગળ વધી રહ્યું છે.

રશિયાના રોબોકોપ એક્સો-સ્ટેલિટન કવચનું ટેસ્ટિંગ કરવાનું પણ શરૂ કરી દીધું છે. તાજેતરમાં પ્રદર્શીત કરવામાં આવેલા પોતાના આ સુપર સ્કેલિટનને લઈને રશિયાએ દાવો કર્યો છે કે, આ બખ્તતબંધ જેકેટને મહેરનારા કમાંડોની તકાતા સામાન્ય સૈનિકો કરતા અનેક ગણી વધી જશે.

એક હાથથી ચલાવી શકશે મશીન ગન

એક અહેવાલ પ્રમાણે પ્રથમ નજરે જોતા રશિયાનો આ સૂટ તદ્દન હોલિવૂડની ફિલ્મ ‘સ્ટાર વોર્સ’ માં દેખાડેલા સૈનિકો જેવો જ લાગે છે. આ પ્રોટોટાઈલ મિલિટરી એક્સો-સ્ટેલિટન મામલે રશિયાનું કહેવું છે કે, આનાથી જમીન પર ચાલનારા સૈનિકો એક જ હાથે મશીન ગન ચલાવી શકશે અને તેમનું નિશાન પણ કોમ્પ્યુટરની માકફ એકદમ ચોક્કસ જ હશે.

ભવિષ્યનો સોલ્જસ સૂટ

આ સૂટ પહેરીને જવાન ભારે વજન પણ ઉઠાવી શકે છે અને સામાન્ય કરતા અનેક ઘણું વધારે ઝડપે દોડી પણ શકે છે. મિલિટરી ફર્મ TsNiiTochMashએ રત્નીક-3 ‘ભવિષ્યનો સોલ્જર’ સૂટ તૈયાર કર્યો છે, જેને તાજેતરમાં જ મોસ્કોમાં આર્મી 2018 ઈન્ટરનેશનલ મિલિટરી એંડ ટેક્નિકલ ફોરમમાં પ્રદર્શિત કરવામાં આવ્યો હતો.

ગોળી અને છરાઓની પણ કોઈ જ અસર નહીં થાય

ટાઈટેનિયમ ધાતુમાંથી તૈયાર કરવામાં આવેલી આ ડિઝાઈન કંઈક એવી રીતે બનાવવામાં આવી છે કે, જેને પહેરનારની શક્તિ અને સ્ટેમિના વધી જાય છે. ખાસ વાત એ છે કે, તેને પહેરનાર કમાંડૉ પર કોઈ પ્રકારની ગોળી કે બોમ્બના છરાની કોઈ જ અસર થતી નથી. રશિયાની કંપનીનો દાવો છે કે, 2005 સુધી યુદ્ધના મેદાન માટે આ સૂટ તૈયાર થઈ જશે. હાલ બેટરીને લઈને કેટલીક સમસ્યાઓ આવી રહી છે.