સાઉદી અરબે ભારતને આપ્યો મોટો ઝાટકો, સાથે ચોખ્ખે ચોખ્ખું કહી દીધું- અમને કોઈ જ ફરક નહીં પડે – Sandesh
1.6M
1M
1.7M
APPS
  • Home
  • Featured
  • સાઉદી અરબે ભારતને આપ્યો મોટો ઝાટકો, સાથે ચોખ્ખે ચોખ્ખું કહી દીધું- અમને કોઈ જ ફરક નહીં પડે

સાઉદી અરબે ભારતને આપ્યો મોટો ઝાટકો, સાથે ચોખ્ખે ચોખ્ખું કહી દીધું- અમને કોઈ જ ફરક નહીં પડે

 | 5:06 pm IST
  • Share

સાઉદી અરબે મેમાં એશિયા માટે મોકલવામાં આવનારા ક્રુડ ઓઇલના ભાવ વધારી દીધા છે, જ્યારે યૂરોપ માટે ઈંધણના ભાવોમાં કોઈ વધારો નથી કર્યો. સાઉદી અરબે રવિવારના સત્તાવાર રીતે આની જાહેરાત કરી છે. આ જાહેરાત સાથે જ દુનિયાના સૌથી મોટા ઈંધણ સપ્લાયરે સ્પષ્ટ કરી દીધું છે કે સાઉદી અરબથી ઇંધણ આયાતમાં કાપ મુકવાના ભારતના નિર્ણયથી તેના પર કોઈ ફરક પડવાનો નથી. રિપોર્ટ પ્રમાણે, સાઉદી અરબે ક્રુડ ઓઇલના ભાવોમાં એટલે કે સત્તાવાર વેચાણ કિંમત (OSP)માં 20-30 ટકાનો વધારો કર્યો છે.

સાઉદી અરબથી આયાત પર કાપ મુકવા ભારતે કહ્યું

સાઉદી અરબની સરકારી કંપની સાઉદી અરામકો કરાર અંતર્ગત દર મહિને ઈંધણના ભાવો નક્કી કરે છે. જો કે અન્ય પશ્ચિમી એશિયાઈ દેશોએ પોતાના ઈંધણની કિંમતોને ઓછી કરવાના સંકેત આપ્યા છે. સાઉદી અરામકોએ ભાવોમાં એ સમયે વધારો કર્યો જ્યારે ભારતે પોતાના દેશની રિફાઇનરીઓથી સાઉદી અરબથી આયાતમાં કાપ કરવા અને ઈંધણના પ્રોડક્શનને વધારવા કહ્યું છે. ઈંધણની કિંમતોને ઓછી કરવાના ભારતના અનુરોધને નજરંઅંદાજ કરીને સાઉદી અરબે ભાવ વધારી દીધા છે.

સાઉદીએ કહ્યું- ભારત પહેલા સ્ટ્રેટેજિક તેલ રિઝર્વનો ઉપયોગ કરે 

આના પર ભારતના કેન્દ્રીય પેટ્રોલિય મંત્રી ધર્મેન્દ્ર પ્રધાને નિરાશા વ્યક્ત કરી હતી અને રિફાઇનરીઓને તેલની આયાતમાં કાપ મુકવાનું પગલું ઉઠાવવા કહ્યું હતુ. ભારતના આ પગલાને સાઉદી અરબના નિર્ણયની સામે લેવામાં આવેલા પગલા તરીકે જોવામાં આવી રહ્યું છે. ઉલ્લેખનીય છે કે ભારતે ક્રુડ ઓઇલના ભાવ ઓછા કરવા માટે સાઉદી અરબને અપીલ કરી હતી, પરંતુ ત્યાંના મંત્રી અબ્દુલ અજીઝ બિન સલમાન અલ સઉદનું કહેવું હતુ કે, ભારત પોતાના એ સ્ટ્રેટેજિક તેલ રિઝર્વનો ઉપયોગ કરે જે તેણે ગત વર્ષે તેલના ઘટતા ભાવો દરમિયાન ખરીદીને જમા કર્યું છે.

ફેબ્રુઆરીમાં અધિકારીઓએ ભારતની જીતનો દાવો કર્યો હતો

ત્યારબાદ ધર્મેન્દ્ર પ્રધાને અબ્દુલ અજીઝ બિન સલમાન અલ સઉદના નિવેદન પર વાંધો ઉઠાવ્યો હતો. આ વિરોધાભાસ જ છે કે અધિકારીઓએ ફેબ્રુઆરીમાં ભારતની જીતનો દાવો કર્યો હતો, જ્યારે સાઉદી અરામકોએ એશિયા માટે માર્ચની કિંમતોમાં કોઈ બદલાવ નહોતો કર્યો, પરંતુ યૂરોપ માટે ક્રુડ ઓઇલના ભાવોમાં વધારો કરી દીધો હતો.

આ વિડીયો પણ જુઓ: મોરબીના હળવદમાં પોલીસકર્મીને કોરોના

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandesh ની નવી મોબાઇલ એપ્લિકેશન