Shahid Kapoor And Mira Rajput Kapoor Blessed Baby Boy
  • Home
  • Entertainment
  • Bollywood
  • શાહિદ કપૂર ફરી પપ્પા બન્યો, મીરા રાજપૂતે આપ્યો દીકરાને જન્મ

શાહિદ કપૂર ફરી પપ્પા બન્યો, મીરા રાજપૂતે આપ્યો દીકરાને જન્મ

 | 8:37 am IST

બોલિવુડ સ્ટાર શાહિદ કપૂર ફરી એક વખત પિતા બની ગયો છે. તેમની પત્ની મીરા રાજપૂતે 5 સપ્ટેમ્બરના રોજ મુંબઇની હિન્દુજા હોસ્પિટલમાં દીકરાને જન્મ આપ્યો. શાહિદ પહેલેથી એક દીકરીનો પિતા છે, તેનું નામ મીશા છે. મીરાના સમાચાર મળતા જ શાહિદનો ભાઇ ઇશાન ખટ્ટર પોતાની માતા નીલિમા અજીમ સાથે હોસ્પિટલ પહોંચ્યો હતો.

મીરાને બુધવારના રોજ હોસ્પિટલમાં દાખલ કરાઇ હતી. મીરાએ આની પહેલાં 26મી ઑગસ્ટ 2016ના રોજ દીકરીને જન્મ આપ્યો હતો. શાહિદે 7 જુલાઇ 2015ના રોજ દિલ્હીની રહેવાસી મીરા રાજપૂત સાથે લગ્ન કર્યા હતા.

મળતી માહિતી પ્રમાણે દીકરો અને માતા બંને સ્વસ્થ છે. મીરા અને શાહિદ પોતાના બીજા બાળકને લઇ ખૂબ જ ઉત્સાહિત હતા. મીરા એ એક ઇન્ટરવ્યુમાં કહ્યું હતું કે તેમના ઘરે દીકરો આવે કે દીકરી કોઇ ફરક પડતો નથી. મીરાએ પોતાની દીકરીનું નામ પોતાના અને શાહિદના નામના પહેલાં અક્ષરને મેળવી રાખ્યો હતો. શાહિદ અને મીરાને બોલિવુડમાંથી અભિનંદન મળવાનો સિલસિલો શરૂ થઇ ગયો છે.

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandeshની નવી મોબાઇલ એપ્લિકેશન