Shocking Truth Revealed About Honey In Germany's Lab
1.6M
1M
1.7M
APPS
  • Home
  • Featured
  • શુદ્ધ મધ વેચવાનો દાવો કરનારી તમામ મોટી કંપનીઓની ‘ગંદકી’ સામે આવી, હકીકત અત્યંત ચોંકાવનારી

શુદ્ધ મધ વેચવાનો દાવો કરનારી તમામ મોટી કંપનીઓની ‘ગંદકી’ સામે આવી, હકીકત અત્યંત ચોંકાવનારી

 | 4:08 pm IST
  • Share

દેશની તમામ મોટી બ્રાન્ડના મધ (Honey) માં ભેળસેળ કર્યાની ચોંકાવનારી માહિતી સામે આવી છે. સેન્ટર ફોર સાયન્સ એન્ડ એન્વાયર્નમેન્ટ (CSE)એ શોધી કાઢ્યું છે કે મોટાભાગની કંપનીઓના મધમાં ચીની સુગર સીરપ એટલે કે ખાંડની ચાસણી ભેળવવામાં આવે છે. સીએસઇએ 13 કંપનીઓના મધના નમૂનાની તપાસ કરાવી, જેમાંથી 77 ટકામાં ભેળસેળ કરવામાં આવી હતી. સીએસઈએ મધના સેમ્પલની તપાસ પહેલા ગુજરાતના રાષ્ટ્રીય ડેરી વિકાસ બોર્ડ (NDDB)ના સેન્ટર ફૉર એનાલિસિસ એન્ડ લર્નિંગ ઇન લાઇવસ્ટોક એન્ડ ફૂડ (CALF)માં કરાવી.

પરીક્ષણમાં તમામ મોટી-નાની બ્રાન્ડ નિષ્ફળ 

અહીં તમામ મોટી કંપનીઓના સેમ્પલો પાસ થઈ થયા હતા, જ્યારે કેટલીક નાની કંપનીઓના સેમ્પલ નિષ્ફળ ગયા હતા. જ્યારે આ જ નમૂનાઓને જર્મની સ્થિત લેબમાં આંતરરાષ્ટ્રીય સ્તર પર માન્ય ન્યૂક્લિયર મેગ્નેટિક રેજોનેંસ (NMR) પરીક્ષણ માટે મોકલવામાં આવ્યા હતા, ત્યારે લગભગ મોટાભાગની તમામ મોટી-નાની બ્રાન્ડ નિષ્ફળ ગઈ હતી. પરીક્ષણમાં સમાવિષ્ટ 13 બ્રાન્ડ્સમાંથી ફક્ત ત્રણ જ અહીં પરીક્ષણમાં સફળ રહી હતી. સીએસઈના ડાયરેક્ટર જનરલ સુનિતા નારાયણે બુધવારે દિલ્હીના ઈન્ડિયા હેબિટેટ સેન્ટરમાં જણાવ્યું હતું કે, આ ભેળસેળ મધની શુદ્ધતા તપાસવા માટે નિર્ધારિત ભારતીય ધોરણો દ્વારા પકડી શકાય તેમ નથી, કેમ કે ચીની કંપનીઓ ખાંડની ચાસણી તૈયાર કરે છે, જે ભારતીય પરીક્ષણના ધોરણોમાં સરળતાથી ખરા ઉતરી જાય છે.

ડાબર અને પતંજલિએ સીએસઈના દાવાને ફગાવ્યો

સંસ્થાનો દાવો છે કે ચાઇનામાં ઘણાં વ્યવસાયિક વેબ પોર્ટલ કાર્યરત છે કે જેઓ તપાસમાં પકડાય નહીં તેવી ખાંડની ચાસણી વેચવાનો દાવો કરે છે. આવી દાવા કરતી કંપનીઓ પણ તેમના ઉત્પાદનો ભારતમાં નિકાસ કરી રહી છે. આ દરમિયાન ડાબર (Dabur) અને પતંજલિ (Patanjali) એ સીએસઈના દાવાઓને નકારી દીધા છે. કંપનીઓનું કહેવું છે કે તે કુદરતી રીતે મધની ખેતી કરે છે. તેમને લાગે છે કે આ અહેવાલ તેની બ્રાંડની છબીને દૂષિત કરવાનો ઇરાદાપૂર્વકનો પ્રયાસ લાગે છે.

વેપાર માટે કોડ વર્ડનો ઉપયોગ

ગયા વર્ષે, ફૂડ સેફ્ટી એન્ડ સ્ટાન્ડર્ડ્સ ઑથોરિટીઑફ ઇન્ડિયા (FSSAI)એ આયાતકારો અને રાજ્યના ફૂડ કમિશનરોને કહ્યું હતું કે, દેશમાં આયાત કરવામાં આવતી ગોલ્ડન સિરપ, ઇન્વર્ટ શુગર સિરપ અને રાઇસ સિરપનો ઉપયોગ મધમાં ભેળસેળ માટે કરવામાં આવી રહ્યો છે. જ્યારે સીએસઈની ટીમે તેની તપાસ કરી ત્યારે જાણવા મળ્યું કે એફએસએસઆઈ દ્વારા જે ઉત્પાદનોના ભેળસળની વાત કરવામાં આવી હતી તે નામ હેઠળ ઉત્પાદનો આયાત કરવામાં આવતા નથી. ચીની કંપનીઓ આ ચાસણીને ફ્રેક્ટોઝના રૂપમાં મોકલે છે. આના વેપાર માટે કોડ વર્ડનો ઉપયોગ કરવામાં આવે છે. ચીન સાથેના સંબંધો બગડતાં કંપનીઓ ચતૂરાઈથી આ સિરપ હોંગકોંગ દ્વારા ભારત મોકલી રહી છે.

આ વિડીયો પણ જુઓ: નવસારી કલેક્ટર કચેરીએ પ્રદર્શન

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandesh ની નવી મોબાઇલ એપ્લિકેશન