shoe size has relativites with personalities, know about it
  • Home
  • Astrology
  • પગરખાના નંબર પરથી જાણો વ્યક્તિના સ્વભાવ વિશે

પગરખાના નંબર પરથી જાણો વ્યક્તિના સ્વભાવ વિશે

 | 5:44 pm IST

સામુદ્રિક શાસ્ત્રની પાંખો ફેલાતી જાય છે. તાજેતરમાં થયેલા અવલોકનો પ્રમાણે હવે વ્યક્તિના પગરખાના નંબર પરથી તેના સ્વભાવ વિશેની જાણકારી મેળવી શકાય છે. તો આવો જાણીએ પગરખાના નંબર પરથી જાણીએ વ્યક્તિનું વ્યક્તિત્વ…

પાંચ નંબર કે તેનાથી ઓછી સાઇઝ
જે વ્યક્તિના પગરખાની સાઇઝ પાંચ કે તેનાથી ઓછી હોય તો તે વ્યક્તિનું મન ખૂબ જ મોટું હોય છે, તે દરેક વ્યક્તિને પ્રેમ કરે છે, અને પોતાની આસપાસના લોકોને ખુશ રાખવાનો પ્રયાસ કરે છે. આ વ્યક્તિ દેખાડો કરવા કરતા પોતે જેવા છે, તેવા દેખાવવામાં વધારે વિશ્વાસ કરે છે.

છ નંબર કે તેનાથી ઓછી સાઇઝ
છ નંબર ધરાવતી વ્યક્તિ લોકોનો વ્યવહાર મૈત્રીભાવવાળો હોય છે, તે બીજાને ખુશ રાખે છે. આ વ્યક્તિ ક્યાંય પણ જાય ત્યાં તે મિત્રો બનાવી લે છે. તે દરેક વ્યક્તિના મનમાં પોતાના માટે સ્થાન બનાવી લે છે. તેમનો દયાળુ સ્વભાવ અને પ્રેમાળ સ્વભાવ તેમને લોકોની વચ્ચે તેમને લોકપ્રિય બનાવે છે.

સાત નંબર
જે વ્યક્તિના પગરખાની સાઇઝ સાત નંબર હોય છે, તે વ્યક્તિ દરેક કાર્ય કરવા માટે ખૂબ જ ઉત્સુક રહે છે. તે ખૂબ જ જ્ઞાની હોય છે અને પોતાના મુલ્યને સારી રાતે જાણે છે, ત્યાં જ બીજી તરફ તેમના કામોમાં તેમને રુચિ નથી હોતી, તથા રસ વિનાના કામમાં તે શરમ સંકોચ વિના સ્પષ્ટપણે ના કહેવામાં શરમ અનુભવતા નથી.

આઠ નંબર
આઠ નંબરના પગરખા પહેરનારા લોકો બીજાને ખુશ રાખે છે, તેમને પોતાના જીવનમાં આવેલી મુશ્કેલી અને પડકારોનો સામનો કરવામાં ડર નથી લાગતો. તે પોતાના જીવનમાં આવેલી દરેક મુશ્કેલીનો સામનો કરી શકે છે. તેથી તેમનું જીવન સરળ રીતે એટલે મુશ્કેલી વિનાનું હોય તેવું તેમને પસંદ નથી.

નવ નંબર
જે વ્યક્તિના પગનો નંબર નવ હોય તે આત્મવિશ્વાસથી ભરપુર હોય છે. તેમને ખબર હોય છે, કે તેમણે જીવનમાં શું કરવાનું છે? અને તે મેળવવા માટે તેઓએ શું કરવું પડશે. તેથી લોકો કંઇપણ કહે તેમને તે વાતોથી કોઇ ફર્ક પડતો નથી. તથા તે હંમેશાં પોતાના કામથી જ કામ રાખે છે, અને બીજના કામમાં પણ કોઇ દખલગીરી કરતા નથી.

દસ નંબર
આ જાતક કોઇ અન્ય વ્યક્તિના કંટ્રોલમાં રહેવું પસંદ કરતા નથી, તે સ્વચ્છંદી સ્વભાવના હોય છે. ત્યાં અન્ય લોકોથી સલાહ લેવી પણ પસંદ કરે છે, પરંતુ આખરે તેઓ પોતાના મનનું ધારેલું જ કરે છે.

11 નંબરથી વધારે
આ નંબરના લોકો વધારે બીજાને માન આપનારા હોય છે, તેઓને પોતાની દરેક વસ્તુ વ્યવસ્થિત જ જોઇતી હોય છે. જ્યારે કોઇ મુશ્કેલી હોય ત્યારે દરેક વ્યક્તિ તેમની સલાહને યોગ્ય માને છે. આ વ્યક્તિ ઇમાનદાર હોય છે, તથા દરેકને સલાહ સૂચન તેઓ તટસ્થભાવે આપે છે.