Sonia Gandhi Quetions On Lockdown, Shah And Nadda Gave Solid Answer
  • Home
  • Corona live
  • સોનિયા ગાંધીએ લૉકડાઉન પર ઉઠાવ્યો પ્રશ્ન, તો ભડકેલા અમિત શાહે આપ્યો સણસણતો જવાબ

સોનિયા ગાંધીએ લૉકડાઉન પર ઉઠાવ્યો પ્રશ્ન, તો ભડકેલા અમિત શાહે આપ્યો સણસણતો જવાબ

 | 10:37 pm IST

કોરોના સંકટ અને લોકડાઉનનાં કારણે કૉંગ્રેસ વર્કિંગ કમિટીની બેઠક ગુરુવારનાં વિડીયો કોન્ફરન્સ દ્વારા થઈ. આ દરમિયાન કૉંગ્રેસનાં વચગાળાનાં અધ્યક્ષ સોનિયા ગાંધીએ મોદી સરકાર પર જોરદાર પ્રહાર કર્યા. સોનિયા ગાંધીએ કહ્યું કે 21 દિવસનું લોકડાઉન જરૂરી હતુ, પરંતુ આને અનિયોજિત રીતે લાગુ કરવામાં આવ્યું. લોકડાઉનનાં કારણે લાખો પ્રવાસીનો શોષણ થયું. સોનિયા ગાંધીનાં આ નિવેદન પર અનેક બીજેપી નેતાઓ અને કેન્દ્રિય મંત્રીઓએ વળતો પ્રહાર કર્યો છે.

ભારતનાં પ્રયત્નોની વિશ્વ સ્તરે પ્રશંસા

કેન્દ્રિય ગૃહમંત્રી અમિત શાહે સોનિયા ગાંધીનાં નિવેદન પર પ્રતિક્રિયા આપતા ટ્વીટ કર્યું હતુ. પોતાના ટ્વીટમાં શાહે કહ્યું કે, ‘પીએમ નરેન્દ્ર મોદીનાં નેતૃત્વમાં કોરોના વાયરસથી લડવાનાં ભારતનાં પ્રયત્નોની પ્રશંસા દેશમાં જ નહીં વિશ્વ સ્તર પર પ્રમુખ રીતે કરવામાં આવી રહી છે. કોવિડ-19ને હરાવવા માટે 130 કરોડ ભારતીય એક છે. તેમ છતા કૉંગ્રેસ ગંદી રાજનીતિ કરી રહી છે. આ એવો સમય છે જ્યારે તેમણે પહેલા રાષ્ટ્રહિત વિશે વિચારવું જોઇએ અને લોકોને ગુમરાહ કરવાનું બંધ કરવું જોઇએ.’

કૉંગ્રેસ જવાબદાર રાજકીય દળ તરીકે કામ કરે

બીજેપીનાં રાષ્ટ્રિય અધ્યક્ષ જેપી નડ્ડાએ સોનિયા ગાંધીની વાત પર ટિપ્પણી કરતા એક ટ્વીટ કર્યું છે. પોતાના ટ્વીટમાં તેમણે કહ્યું કે, ‘સંપૂર્ણ વિશ્વમાં પ્રધાનમંત્રી નરેન્દ્ર મોદીજીનાં નેતૃત્વવાળી ભારત સરકારનાં પ્રયત્નોની પ્રશંસા થઈ રહી છે. પ્રધાનમંત્રી તમામ રાજ્ય સરકારોને સાથે લઇને ટીમ ઇન્ડિયાનાં રૂપમાં આ લડાઈ લડી રહ્યા છે. મુશ્કેલ સમયમાં કૉંગ્રેસે એક જવાબદાર રાજકીય દળ તરીકે કામ કરવું જોઇએ.’

સોનિયા ગાંધીનું નિવેદન અશોભનીય

પોતાના બીજા ટ્વીટમાં કૉંગ્રેસ પર નિશાન સાધતા નડ્ડાએ લખ્યું કે, ‘આજે જ્યારે સંપૂર્ણ દેશ એક થઇને પ્રધાનમંત્રી નરેન્દ્ર મોદીજીનાં નેતૃત્વમાં કોવિડ-19ની વિરુદ્ધ લડાઈ લડી રહ્યો છે, તે સમયે કૉંગ્રેસનાં અધ્યક્ષ સોનિયા ગાંધી દ્વારા આપવામાં આવેલું નિવેદન સંવેદનહીન અને અશોભનીય છે. આ રાજનીતિ કરવાનો નહીં, દેશની સેવા કરવાનો સમય છે. આપણે એક થઇને લડવાનું છે.”

આ વિડીયો પણ જુઓ: બોટાદ શહેરના 4 લોકો તબલિગી જમાત ગયા હતા

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandeshની નવી મોબાઇલ એપ્લિકેશન