Sri Lanka: An Explosion went off in a Van near a Church in Colombo
  • Home
  • Featured
  • શ્રીલંકામાં વધુ એક બોમ્બ બ્લાસ્ટ, 87 ડિટોનેટર મળી આવતા સનસનાટી

શ્રીલંકામાં વધુ એક બોમ્બ બ્લાસ્ટ, 87 ડિટોનેટર મળી આવતા સનસનાટી

 | 5:33 pm IST

શ્રીલંકામાં થયેલ અત્યાર સુધીના સૌથી વિનાશક સીરિયલ બ્લાસ્ટમાં મૃતકોની સંખ્યા 290 સુધી પહોંચી છે. રવિવારે ઇસ્ટર ડે નિમિત્તે ચર્ચ અને હોટલ સહિત શ્રેણીબદ્ધ કુલ 8 બોમ્બ ધમાકા થયા હતા. આ હુમલામાં 450થી વધુ લોકો ઘાયલ થયા છે. જેમાં કેટલાકની હાલત ગંભીર છે. આ દરમિયાન શ્રીલંકાના કોલંબોના મુખ્ય બસ સ્ટેન્ડ પર 87 બોમ્બ ડિટોનેટર્સ મળ્યા છે. શ્રીલંકાના રાષ્ટ્રપતિ મૈત્રીપાલા સિરીસેના સોમવારે મધ્યરાતે સંપૂર્ણ દેશમાં ઇમરજેન્સી લાગૂ કરવાની જાહેરાત કરી શકે છે. એમ સૂત્રોએ જણાવ્યું છે.

સીરિયલ બ્લાસ્ટની તપાસ કરી રહેલી શ્રીલંકા પોલીસે અત્યાર સુધી 24 લોકોની ધરપકડ કરી છે. સોમવારે સવારે કોલંબો એરપોર્ટ નજીક એક વધુ બોમ્બ મળ્યો હતો. જેને સુરક્ષાબળે સમયસર ડિફ્યૂઝ કરી મોટી જાનહાનિ અટકાવી હતી. પરંતુ મીડિયા રિપોર્ટ મુજબ આજે કોલંબોના એક ચર્ચ નજીક વાનમાં વિસ્ફોટ થયા હોવાની માહિતી મળી છે. રિપોર્ટ મુજબ બોમ્બ સ્ક્વાડ ટીમ દ્વારા બોમ્બને ડિફ્યૂઝ કરતા સમયે આ બ્લાસ્ટ થયો. શ્રીલંકામાં થયેલ હુમલાઓમાં 4 ભારતીય નાગરિકના મોત થયા હોવાની પણ માહિતી મળી છે.

હુમલા બાદ દેશમાં ઇન્ટરનેટ સેવા પણ બંધ કરવામાં આવી હતી. ઉપરાંત સાંજે 6 વાગ્યાથી સવારના 6 વાગ્ય સુધી સંપૂર્ણ દેશમાં કર્ફ્યૂ લાગૂ કરવામાં આવ્યો હતો. જોકે તેમના પછી કર્ફ્યૂ હટાવી દેવામાં આવ્યો હતો. જોકે અત્યાર સુધી આ હુમલાની જવાબદારી કોઈ સંગઠને લીધી નથી. ત્યારે તપાસ કરી રહેલી પોલીસને એક સંગઠન પર શંકા છે.

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandeshની નવી મોબાઇલ એપ્લિકેશન