The rain has brought good news, confused farmland will be alive
  • Home
  • Featured
  • વરસાદને લઇ આવ્યા સારા સમાચાર, મૂંરઝાતી ખેતીને મળશે જીવતદાન

વરસાદને લઇ આવ્યા સારા સમાચાર, મૂંરઝાતી ખેતીને મળશે જીવતદાન

 | 8:35 pm IST

બંગાળની ખાડીમાં લો પ્રેશર સીસ્ટમની અસરના કારણે ગુજરાત સહિત ઉત્તર ગુજરાતમાં 21 જુલાઈ પછી વરસાદ વરસે તેવી સંભાવના જોવાઈ રહી છે. ઉત્તર ગુજરામાં ભરચોમાસે આકાશમાંથી અગનગોળા વછૂટતાં 5 લાખ હેક્ટર જમીનમાં લહેરાતી ખરીફ ખેતી ઉપર સંકટ મંડરાયું છે. ગુજરાતમાં વરસાદ વરસે તેવા કોઈ અણસાર નથી ત્યાં જ છેલ્લા ર દિવસથી રાત્રિ દરમ્યાન પવન ફૂંકાય છે જેના કારણે બુઝર્ગ ખેડૂતો ચિંતામાં હતા પરંતુ બંગાળની ખાડીમાં વિશાળ લો પ્રેશર સીસ્ટમ આકાર લઈ રહી છે જેથી તા.21 જુલાઈ સુધીમાં ઉત્તર ગુજરાતમાં વરસાદની સંભાવના છે.

સરકારે છેલ્લા ર વર્ષથી સુજલામ સુફલામ જળસંચય યોજના અંતર્ગત તળાવો, ચેકડેમ ઉંડા કરવાની નોંધપાત્ર કામગીરી કરી જેના કારણે વરસાદી પાણીનો વધુ જથ્થો સંગ્રહીત થાય અને ભૂગર્ભ જળસ્ત્રોતમાં સુધારો થઈ શકે. પરંતુ ગત ચોમાસા દરમ્યાન ઓછો વરસાદ થવાથી તળાવો ખાલીખમ રહ્યા હતા. જળાશયોમાં પણ પાણીની જુજ આવક નોંધાઈ હતી. આ વર્ષે પણ અડધો જુલાઈ પસાર થઈ ગયો છતાં ઉત્તર ગુજરાતનાં જળાશયોમાં માંડ 8 થી 10 ટકા પાણીનો જથ્થો બચ્યો છે અને આકાશમાંથી ધોધમાર વરસાદ વરસવાના બદલે ઉનાળા જેવી ગરમીના કારણે વાવેતર કરેલું બિયારણ નિષ્ફળ જાય તેવી દહેશત છે.

વરસાદ ખેંચાતાં સાબરકાંઠા, અરવલ્લી, બનાસકાંઠા, પાટણ અને મહેસાણા જિલ્લામાં 5.50 લાખ હેક્ટર જમીનમાં વાવેતર ઉપર ખતરો મંડાયો છે ત્યાં જ બંગાળની ખાડીમાં સક્રીય થયેલું લો પ્રેશર ગુજરાત સહિત ઉત્તર ગુજરાત માટે તારણહાર બને તેવી સંભાવના છે.

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandeshની નવી મોબાઇલ એપ્લિકેશન