Three Years Old Child Girl Raped, She Went Missing From The Morning
  • Home
  • Gujarat
  • સુરત: 3 વર્ષની માસૂમ બાળકી સાથે દુષ્કર્મ, ઘરનાં પાછળનાં ભાગે મૂકી નરાધમો ફરાર

સુરત: 3 વર્ષની માસૂમ બાળકી સાથે દુષ્કર્મ, ઘરનાં પાછળનાં ભાગે મૂકી નરાધમો ફરાર

 | 7:53 pm IST

સુરતમાં એક ધ્રુણાસ્પદ ઘટના બની છે. સુરતનાં હજીરામાંથી ગઈકાલે બપોરનાં સમયે 3 વર્ષની બાળકી ગૂમ થઈ હતી. તપાસ કરતા સાંજે આ બાળકની ઘરનાં પાછળનાં ભાગમાંથી લોહીલુહાણ સ્થિતિમાં મળી આવી હતી. બાળકી સાથે કરાયેલી આ ક્રુર ઘટનાને લઇને સમગ્ર પંથકમાં અરેરાટી વ્યાપી ગઈ છે. દુષ્કર્મની આ ઘટનાનો ભોગ બનેલી 3 વર્ષની બાળકી ગઇકાલે બપોરે ગાયબ થઈ હતી. બાળકીની શોધખોળ કરતા તે સાંજે 7 વાગ્યે ઘરનાં પાછળનાં ભાગે આવેલી ઝાડીમાંથી લોહીલુહાણ હાલતમાં મળી આવી હતી.

આ ઘટનાની જાણ થતા જ પોલીસ દોડી આવી હતી. પરપ્રાંતિય પરિવારની આ બાળકીને તાત્કાલિક હૉસ્પિટલ લઇ જવામાં આવી હતી. ડૉક્ટરોએ તપાસ કરતા જણાયું કે બાળકીનાં ગુપ્ત ભાગેથી લોહી નીકળી રહ્યું છે. પોલીસ પીડિત બાળકીનાં પરિવારની પુછપરછ કરી રહી છે. આ ઘટનાને લઇને ક્રાઇમ બ્રાન્ચ, પીસીબી અને એસઓજીની 7 ટીમોએ તપાસ શરૂ કરી દીધી છે.

આ ઘટનામાં પોલીસે 2 શકમંદોની પુછપરછ હાથ ધરી છે. જાણકારી પ્રમાણે ઘરની નજીકથી બાળકીને નરાધમ ઊઠાવી ગયો હતો અને 12-13 વર્ષનો કિશોર બાળકીને છોડીને ગયો હતો. પોલીસ હજીરા ગામમાં લાગેલા સીસીટીવીની મદદથી તપાસ કરી રહી છે. JCPએ જણાવ્યું કે, “બાળકીનાં પરીક્ષણનાં રીપોર્ટ પછી ફરિયાદ લેવામાં આવશે.”