TikTok star Sonu Nayak films video on bridge in Ahmedabad amid lockdown; arrested
  • Home
  • Ahmedabad
  • ‘બ્રિજ છે કોરેકોરો, મોદીજી લોકડાઉન ખોલો’, ફ્રેમ ટિકટોક સ્ટાર્સ સોનુંની અંતે ધરપકડ, જાણો તેના વિવાદિત વીડિયો વિશે…

‘બ્રિજ છે કોરેકોરો, મોદીજી લોકડાઉન ખોલો’, ફ્રેમ ટિકટોક સ્ટાર્સ સોનુંની અંતે ધરપકડ, જાણો તેના વિવાદિત વીડિયો વિશે…

 | 12:04 pm IST

અમદાવાદમાં કડક લોકડાઉનના પાલન વચ્ચે ઈસનપુર પુલ પર એક ટીકટોક વીડિયો રેકોર્ડ કરવાના ગુનામાં શહેરની એક ટિકટોક સ્ટાર્સની ધરપકડ કરવામાં આવી છે. સોનું નાયકના રૂપમાં જાણીતી ટિકટોક સ્ટાર અમદાવાદના ઈસનપુરના કુંડલિયાવાસ વિસ્તારની રહેવાસી છે. સોનું નાયકે ટિકટોક પર આ વિવાદિત વીડિયો અપલોડ કરવાના ગુનામાં તેની ધરપકડ કરવામાં આવી છે, જેણે લોકડાઉન વચ્ચે ઈસનપુર પુલ પર મોદીજીને ઉદ્દેશીને બનાવ્યો હતો. આ વીડિયો સોમવારે રાત્રે લગભગ 9 વાગ્યાની આસપાસ બનાવ્યો હતો.

આ ઘટનામાં મળતી માહિતી પ્રમાણે, ધરપકડ થયા પછી સોનું નાયકને જામીન પર છોડી મૂકવામાં આવી હતી. સોનું નાયક દ્વારા અપલોડ કરવામાં આવેલો વીડિયો સોશિયલ મીડિયા પર ધૂમ વાયરલ થયા બાદ પોલીસ હરકતમાં આવી ગઈ હતી અને સોનું નાયકને ટિકટોકનો ખોટો ઉપયોગ કરવાના ગુનામાં ધરપકડ કરી હતી.

સોનું નાયકના ઈતિહાસ વિશે જાણીએ તો, સોનું નાયક એક ખાનગી હોસ્પિટલમાં નર્સના રૂપમાં કામ કરે છે. ઈસનપુર પોલીસ સ્ટેશનના ઈન્સ્પેક્ટર જેએમ સોલંકીના મતે, સોનું નાયક સોમવારે રાત્રે ઈસનપુર પુલ પર ગઈ હતી અને આ વિવાદિત વીડિયો બનાવીને તેને પોસ્ટ કર્યો હતો. વીડિયોમાં સોનું જણાવી રહી છે કે આ અમારો ઈસનપુર બ્રિજ છે. મોદીજી લોકડાઉન ખોલો અને બીજા વીડિયોમાં લોકડાઉન ખુલ્યા બાદ પુલ પર સૂઈને બતાવજો તેવું નિવેદન આપી રહી છે.

સોનું નાયકના આ વિવાદિત વીડિયો પોલીસ પાસે પહોંચતા જ પોલીસે નાયકને શોધી હતી અને બુધવારે તેની ભાળ મળી હતી. ત્યારબાદ પોલીસે 21 વર્ષીય નર્સની ધરપકડ કરી હતી. જો કે, નાયકને બાદમાં જામીન પર છોડી મૂકવામાં આવી હતી કારણ કે આ પ્રકારના ગુના માટે સજા સાત વર્ષથી ઓછી છે.

અત્રે ઉલ્લેખનીય છે કે, લોકડાઉન ભંગ કરી ટિકટોક સ્ટાર્સ યુવતીએ બે વીડિયો ઈસનપુર બ્રિજ પર બનાવ્યા હતા. પ્રાથમિક તબક્કે ઈસનપુર બ્રિજ પરનો વીડિયો હોવાનું અનુમાન લગાવાયું હતું. ત્યારબાદ સ્પષ્ટતા પણ થઈ ગઈ હતી. હવે કડક લોકડાઉનમાં યુવતીએ રાત્રિના સમયે વીડિયો વાઇરલ કર્યો તે મોટો પ્રશ્ન છે અને પોલીસ પર મોટા સવાલો ઉઠ્યા હતા.

સોનું નાયકે બનાવેલા વીડિયો વિશે..

અમદાવાદના ઇસનપુર બ્રિજ પર યુવતીએ લોકડાઉનનો ભંગ કરી સોશિયલ મીડિયા એપ ટિકટોક વીડિયો બનાવીને જણાવી રહી છે કે, ‘બ્રિજ છે કોરે કોરો, મોદીજી લોકડાઉન ખોલો, મોદીજી લૉકડાઉન ખોલો કહી હસી રહી છે’ હવે આ મામલે પોલીસ કાર્યવાહી કરે છે કે કેમ તે જોવાનું રહેશે.

જ્યારે અન્ય એક બીજા વીડિયોમાં યુવતી રસ્તા પર સુઈ જાય છે. આ સિવાય અન્ય એક વીડિયોમાં તે યુવતી બ્રિજ પર ઊંઘી જાય છે અને બોલે છે કે, ‘લોકડાઉન પતે’ને એટલે આવી રીતે સૂઈને બતાવજો, બરાબર. મેં તો બતાવી દીધું તમે સૂઈને બતાવજો.’ એક તરફ પોલીસ લોકડાઉનનો કડક અમલ કરાવતી હતી, ત્યારે આ યુવતીએ ઇસનપુરબ્રિજ પર વીડિયો બનાવતા અનેક સવાલો ઉભા થયા છે.

અત્રે ઉલ્લેખનીય છે કે, એક તરફ રાજ્યના પોલીસ વડા શિવાનંદ ઝા અને અમદાવાદ પોલીસ કમિશનર આશિષ ભાટિયા સમગ્ર શહેરમાં લોકડાઉનનો કડક અમલ થતો હોય તેવી વાતો કરી રહ્યાં છે, જ્યારે બીજી તરફ કેટલાક ટિકટોક રશિયાઓ લોકડાઉનમાં પણ ટિકટોક બનાવવા માટે જાહેરનામાનો ભંગ કરી રહ્યાં છે. લોકડાઉનનો ભંગ કરી ટિકટોકર્સ રસ્તા પર નીકળી વીડિયો બનાવી રહ્યાં છે.

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandeshની નવી મોબાઇલ એપ્લિકેશન