today ik-jadeja-s-statement-on-attack-on-non-gujarati
  • Home
  • Featured
  • પરપ્રાંતિય કામદારોને લઇ I. K. જાડેજાએ આપ્યું મહત્વપૂર્ણ નિવેદન, હાર્દિકને લીધો ભરડામાં

પરપ્રાંતિય કામદારોને લઇ I. K. જાડેજાએ આપ્યું મહત્વપૂર્ણ નિવેદન, હાર્દિકને લીધો ભરડામાં

 | 7:44 pm IST

સાબરકાંઠામાં બાળકી પર દુષ્કર્મ આચર્યા બાગ સમગ્ર રાજ્યમાં તેના ઘેરા પડઘા પડ્યા છે. રાજ્યમાં હાલ પરપ્રાંતીય કામદારોમાં ફફડાટ ફેલાયેલો છે, અને તેમને ટાર્ગેટ બનાવીને તેમને માર મારવાની અને ધમકીઓની ઘટના બની છે. ત્યારબાદ પોલીસ હરકતમાં આવી ગઇ છે. આ મુદ્દે રાજકારણમાં પણ રાજનીતિ થઇ રહી હોવાનું નેતાઓ જણાવી રહ્યા છે. હાલ ગુજરાતના ઉપાધ્યક્ષ આઈ.કે.જાડેજાએ આ મામલે એક મહત્વપૂર્ણ નિવેદન આપ્યું છે.

જાડેજાએ કહ્યું કે, ગુજરાતમાં રહેનારા તમામ પરપ્રાંતિયોને ગુજરાતમાં જ રહેવા અપીલ કરી હતી અને સરકાર તમારી સાથે છે તેવું આશ્વસન આપ્યું હતું. ત્યારબાદ જાડેજાએ કોંગ્રેસને ટાર્ગેટ કરતા કહ્યું કે, ગુજરાત શાંતિ ઇચ્છે છે. કોંગ્રેસ આ ઘટના દ્વારા અશાંતિ ઉભી કરી રહી છે. પરપ્રાંતિઓ પર જ્યાં હુમલો થાય તે ઘટનાને ભાજપ વખોડે છે.

વધુમાં તેમણે કહ્યું કે, અલ્પેશ ઠાકોરના ઉપવાસ આંદોલન કોંગ્રેસ પ્રેરિત છે. એક ઉપવાસ પુરા થયા તો બીજા ઉપવાસ શરૂ કરાવ્યા હોવાનો આક્ષેપ કર્યો હતો. જાડેજાએ આડકતરી રીતે હાર્દિક પટેલ ઉપર પણ પ્રહારો કર્યા હતા. ગુજરાતના વિકાસમાં બધાનું હિત છે. અન્ય રાજ્યોના લોકોની પણ વિકાસમાં કામગીરી છે. કોંગ્રેસ માત્ર અશાંતિ ઉભી થાય તેવુ ઇચ્છે છે. હિંમતનગરની ઘટનામાં આરોપીની ધરપકડ કરી કાર્યવાહી થઇ રહી છે. રાજ્ય સરકાર તમામ ગુનેગારો પર કાર્યવાહી કરી રહી છે. ગુજરાતના વિકાસમાં પરપ્રાંતિય લોકો પણ ભાગીદાર છે.

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandeshની નવી મોબાઇલ એપ્લિકેશન