Trump Resign WorldWide Celebrations: Fake Washington Edition
  • Home
  • Featured
  • ‘અમેરિકાના રાષ્ટ્રપતિ ડોનાલ્ડ ટ્રમ્પે રાજીનામું’ આપતા ખળભળાટ, દુનિયાભરમાં જશ્નનો માહોલ!

‘અમેરિકાના રાષ્ટ્રપતિ ડોનાલ્ડ ટ્રમ્પે રાજીનામું’ આપતા ખળભળાટ, દુનિયાભરમાં જશ્નનો માહોલ!

 | 2:06 pm IST

દુનિયાભરમાં બુધવારના રોજ લોકો જશ્ન મનાવામાં લાગ્યા જ્યારે સમાચાર સામે આવ્યા કે ડોનાલ્ડ ટ્રમ્પે અમેરિકન રાષ્ટ્રપતિ પદ પરથી રાજીનામું આપી દીધું છે. આ સમાચાર અમેરિકન ન્યૂઝ પેપર વોશિંગ્ટન પોસ્ટમાં છપાયા હતા. જો કે ન્યૂઝ પેપર વોશિંગ્ટન પોસ્ટે તેને નકલી એડિશન ગણાવી હતી.

દુનિયાભરમાં બુધવારના રોજ અમેરિકાના રાષ્ટ્રપતિ ડોનાલ્ડ ટ્રમ્પનું રાજીનામું નકલી હોવાના સમાચાર ફેલાઇ ગયા. તેને લઇ અમેરિકા સહિત દુનિયાભરમાં ટ્રમ્પ વિરોધી લોકો જશ્ન મનાવા લાગ્યા. જો કે બુધવારના રોજ અમેરિકામાં વોશિંગ્ટન પોસ્ટ ન્યૂઝ પેપરની નકલી એડિશન વ્હાઇટ હાઉસની આસપાસ અને વોશિંગ્ટન વિસ્તારમાં ખુલ્લેઆમ વહેંચાઇ હતી. તેમાં દાવો કરાયો કે અમેરિકાના રાષ્ટ્રપતિ ડોનાલ્ડ ટ્રમ્પે રાજીનામું આપી દીધું છે. મૂળ ન્યૂઝ પેપરની એડિશનની જેમ વેચાયું. તેમાં 6 કોલમમાં મોટું હેડિંગ હતું- ‘અપ્રત્યાશિત: ટ્રમ્પ વ્હાઇટ હાઉસમાંથી વિદાય, સંકટ ખત્મ’ (‘UNPRESIDENTED Trump hastily departs White House, ending crisis’).

આ લીડ ન્યૂઝમાં 4 કોલમમાં અમેરિકન રાષ્ટ્રપતિ ડોનાલ્ડ ટ્રમ્પની તસવીર છે, જેમાં તે માથું ઝૂકાવીને પરેશાન દેખાઇ રહ્યા છે.

આ સમગ્ર મામલો સામે આવ્યા બાદ ‘વોશિંગ્ટન પોસ્ટ’એ ટ્વીટ કરી સ્પષ્ટીકરણ કર્યું. વોશિંગ્ટન પોસ્ટે કહ્યું કે ટ્રમ્પના રાજીનામાના નકલી ન્યૂઝવાળા અખબારની એડિશનમાં છપાયા છે. આ નકલી ન્યૂઝ પેપર સાથે વોશિંગ્ટન પોસ્ટને કોઇ લેવાદેવા નથી. આ ઘટનાની તપાસ કરાઇ રહી છે. જો કે હજુ તેના પર અમેરિકન રાષ્ટ્રપતિ ડોનાલ્ડ ટ્રમ્પ અને વ્હાઇટ હાઉસની તરફથી કોઇ પ્રતિક્રિયા આવી નથી.

આપને જણાવી દઇએ કે અમેરિકામાં મેક્સિકોની દિવાલને લઇ વિવાદ વધ્યો છે. અમેરિકન રાષ્ટ્રપતિ ડોનાલ્ડ ટ્રમ્પ મેક્સિકોની દિવાલ બનાવા માટે સંસદ એટલે કે કૉંગ્રેસ સાથે ફંડની મંજૂરી આપવાની માંગણી કરી રહ્યાં છે. જ્યારે ડેમોક્રેટ્સ સાંસદ તેના પક્ષમાં નથી. અમેરિકન સંસદના નીચલા ગૃહમાં પ્રતિનિધિ સભામાં ડેમોક્રેટિક પાર્ટીનું વર્ચસ્વ યથાવત છે અને ટ્રમ્પની રિપબ્લિકન પાર્ટી અલ્પમતમાં છે. બંનેની વચ્ચે ચાલી રહેખી ખેંચતાણના લીધે અમેરિકાના વર્કર્સને હાલાકી પહોંચી રહી છે.