Turkish President Erdogan rakes up Kashmir issue in Pakistan parliament
  • Home
  • World
  • પાકિસ્તાનની જેમ તુર્કી માટે પણ કાશ્મીર મહત્ત્વનું : એર્દોગાન

પાકિસ્તાનની જેમ તુર્કી માટે પણ કાશ્મીર મહત્ત્વનું : એર્દોગાન

 | 5:41 am IST

। નવી દિલ્હી ।

તુર્કીના પ્રમુખ રિસેપ તૈયપ એર્દોગાને કાશ્મીર મુદ્દે હસ્તક્ષેપ કર્યો છે. પાકિસ્તાની સંસદના બંને ગૃહોને સંબોધન કરતાં તેમણે એવું નિવેદન આપી દીધું કે ભારત સાથેના સંબંધો ખરાબ થઇ જાય. એર્દોગાને કહ્યું કે કાશ્મીરમાં જુલમ થઇ રહ્યો છે અને તેઓ ચૂપ નહીં રહે. તેમણે પાકિસ્તાનના વડા પ્રધાન ઇમરાન ખાનને બિનશરતી સમર્થન આપવાનું વચન આપી દીધું. એર્દોગાનનું સમગ્ર ભાષણ ઇસ્લામ અને મુસ્લિમોની આસપાસ જ ઘૂમતું રહ્યું. મુસ્તુફા કમાલ પાશા ઉર્ફ અતાતુર્કના ધર્મનિરપેક્ષ સાંસ્કૃતિક વારસાથી વિપરીતપણે એર્દોગાન જાણે કે વિશ્વભરના મુસ્લિમોના તારણહાર બનવા પ્રયાસ કરી રહ્યા હતા. તેમણે કહ્યું કે જમીન પર ખેંચેલા કોઇ સીમાડા ઇસ્લામને માનનારાઓમાં ભાગલા નહીં પાડી શકે.

એર્દોગાને અમેરિકી પ્રમુખ ડોનાલ્ડ ટ્રમ્પને પણ આડેહાથ લીધા હતા. તેમણે કહ્યું કે મધ્ય-પૂર્વમાં અમેરિકી પીસ પ્લાન હકીકતે આક્રમણ કરવાનો ઇરાદો ધરાવે છે. મુસ્લિમો જ્યાં પણ હણાઇ રહ્યા હોય ત્યાં મુસ્લિમોએ એકજૂટ થવાની જરૂર છે. એર્દોગાને પાકિસ્તાની સંસદને સંબોધિત કરતાં બધાને ખુશખુશાલ કરી દીધા હતા.

તમારું દર્દ મારું દર્દ છે : એર્દોગાન 

આતંકવાદના જનક પાકિસ્તાન વિષે એર્દોગાને કહ્યું કે પાકિસ્તાન પોતે જ આતંકવાદનો સામનો કરી રહ્યું છે. સાંસદોની તાલીઓના ગડગડાટ વચ્ચે તેમણે કહ્યું કે ફાઇનાન્શિયલ એક્શન ટાસ્ક ફોર્સની બેઠકમાં પણ તુર્કી પાકિસ્તાનને બિનશરતી સમર્થન આપશે. પાકિસ્તાનને પોતાનું ઘર કહીને એર્દોગાને ઇમરાનને ખુશ કરી દીધા. એર્દોગાને કહ્યું કે, ‘તમારું દર્દ મારું દર્દ છે. આપણી દોસ્તી પ્રેમ અને સન્માન પર આધારિત છે. તુર્કી પાકિસ્તાનના વિકાસમાં સહયોગ કરતું રહેશે.’ એર્દોગાન આ પહેલાં ૨૦૧૬માં પણ પાકિસ્તાની સંસદને સંબોધી ચૂક્યા છે.

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandeshની નવી મોબાઇલ એપ્લિકેશન