NIFTY 10,127.75 +5.95  |  SENSEX 32,869.72 +36.78  |  USD 64.3700 -0.09
1.6M
1M
1.7M
APPS
  • Home
  • India
  • કાજીગુંડ સરહદે સેનાનાં એન્કાઉન્ટરમાં બે ત્રાસવાદી ઠાર, એક જવાન શહીદ

કાજીગુંડ સરહદે સેનાનાં એન્કાઉન્ટરમાં બે ત્રાસવાદી ઠાર, એક જવાન શહીદ

 | 10:22 pm IST

જમ્મુ- કાશ્મીરના કુલગામમાં શ્રીનગર-જમ્મુ રાષ્ટ્રીય ધોરીમાર્ગ પર ત્રાસવાદીઓએ સૈન્યના કાફલા પર હુમલો કરતાં સામસામે ચાલેલા ગોળીબારમાં બે ત્રાસવાદી ઠાર મરાયા હતા તો સુરક્ષા દળના ત્રણ જવાનો ઘાયલ થયા હતા. હુમલા પછી ધોરીમાર્ગ પર વાહનવ્યવહાર અટકાવી દેવામાં આવ્યો છે. આતંકીઓ સાથેની અથડામણમાં એક સૈનિકનાં શહીદ થવાના પણ સમાચાર છે. જ્યારે અન્ય એક જવાનનાં ઇજાગ્રસ્ત બતાવવમાં આવી રહ્યો છે.

હુમલાખોરો ભાગવા લાગ્યા હતા પરંતુ સૈન્યે તેમનો પીછો કરીને ઘેરી લીધા હતા. સૈન્ય ટુકડી પર થયેલા હુમલાની જવાબદારી લશ્કર- એ -તોયબાએ જવાબદારી લીધી છે. ત્રાસવાદી સંગઠને જણાવ્યું હતું કે કમાન્ડર બશીર લશ્કરીના નામે તૈયાર થયેલી ટુકડીએ હુમલાને પાર પાડયો હતો.

ઉલ્લેખનીય છે કે બારામુલામાં પોલીસ મથક પર ગ્રેનેડ હુમલો થયાના ૨૪ કલાક પછી રવિવારે હંદવાડામાં પણ પોલીસ મથક પર હુમલો થયો હતો. તે હુમલામાં કોઈ નુકસાન નહોતું થયું. ત્રાસવાદીઓએ કરાલગુંડ પોલીસ મથક પર ગ્રેનેડ તો ઝીંક્યો હતો પરંતુ તેથી કોઈ નુકસાન નહોતું થયું. પોલીસ મથકની બહારની દીવાલ સાથે ટકરાઈને જ ગ્રેનેડ ફાટી ગયો હતો. તે હુમલા પછી પણ સુરક્ષાદળોએ વિસ્તારને ઘેરી લઈને તપાસ અભિયાન ચલાવ્યું હતું.