Union Home Minister Amit Shah Chennai Visit
1.6M
1M
1.7M
APPS
  • Home
  • Featured
  • ભાજપનું મિશન તામિલનાડુ: ‘ચાણક્ય’ અમિત શાહ બે દિવસના પ્રવાસ પર ચેન્નઈ પહોંચ્યા, રાજનીતિમાં ગરમાવો

ભાજપનું મિશન તામિલનાડુ: ‘ચાણક્ય’ અમિત શાહ બે દિવસના પ્રવાસ પર ચેન્નઈ પહોંચ્યા, રાજનીતિમાં ગરમાવો

 | 4:34 pm IST
  • Share

કેન્દ્રીય ગૃહ પ્રધાન અમિત શાહ (Amit Shah) શનિવારે દક્ષિણ રાજ્ય તામિલનાડુની રાજધાનીની બે દિવસીય મુલાકાત માટે ચેન્નાઈ પહોંચ્યા હતા. શાહ અહીં અનેક વિકાસલક્ષી પ્રોજેક્ટ્સનું ઉદ્ઘાટન કરશે અને તામિલનાડુ ભાજપ એકમના પ્રતિનિધિઓ અને સહયોગી AIADMKના વરિષ્ઠ પ્રતિનિધિઓને મળશે. શાહની મુલાકાત પણ મહત્વની છે કારણ કે રાજ્યમાં આવતા વર્ષે મેમાં વિધાનસભાની ચૂંટણી યોજાવાની છે. જ્યારે પણ શાહ કોઈ રાજ્યમાં જાય છે, ત્યાંના રાજકારણમાં હલચલ મચી જાય છે.

એમ.અલગિરીને મળશે

અમિત શાહ પૂર્વ મુખ્યમંત્રી એમ કરુણાનિધિના પુત્ર અને ડીએમકે અધ્યક્ષ એમ.કે. સ્ટાલિનના મોટા ભાઈ એમ અલગિરીને ચેન્નઈની મુલાકાત દરમિયાન મળશે. આ બેઠક ખૂબ જ મહત્વપૂર્ણ માનવામાં આવી રહી છે, કારણ કે એવું માનવામાં આવે છે કે ભાજપ આગામી વિધાનસભાની ચૂંટણીમાં અલગિરીની સંભવિત પાર્ટી કેડીએમકે સાથે લડી શકે છે. અલગિરીની વાત કરીએ તો ડીએમકેમાં તેમની મોટાપાયે અવગણના કરવામાં આવી છે.

અલગીરીના નજીકના સાથીઓ ભાજપમાં સામેલ

અલગિરીની નજીકના કેપી રામલિંગમ શનિવારે ભાજપમાં જોડાયા હતા. ભાજપમાં સામેલ થયા પછી તેમણે કહ્યું હતું કે, ‘હું એમ કે અલગિરી (ડીએમકે ચીફ એમ કે સ્ટાલિનના ભાઈ) સાથે નજીકના સંબંધો રાખું છું. હું તેમને ભારતીય જનતા પાર્ટીમાં લાવવાનો પ્રયત્ન કરીશ. રામલિંગમ ડીએમકેના સસ્પેન્ડ નેતા છે. તેઓ પૂર્વ સંસદ સભ્ય પણ રહી ચૂક્યા છે.

AIADMK સાથે સંબંધોમાં ખટાશ

રાજ્યમાં સત્તાધારી એઆઈએડીએમકે પાર્ટી સાથે ભાજપનું જોડાણ છે. તાજેતરના સમયમાં બંને પક્ષો વચ્ચે હરીફાઈ ચાલી રહી છે. જયલલિતાના અવસાન પછી, પાર્ટીની નજીકના ઘણા ઉદ્યોગપતિઓ પર દરોડા અને બળવાખોર નેતાઓ નીરસેલ્વમ અને પાર્ટીના વિભાજનમાં ભાજપનો હાથ હોવાનું માનવામાં આવે છે. એવું કહેવામાં આવે છે કે એઆઈએડીએમકેના ટોચની નેતાગીરીમાં ભાજપની આવી આક્રમક રાજકીય નીતિઓ સાથે કામ કરવામાં યોગ્યતા નહોતી.

આ વીડિયો પણ જુઓઃ પાટણ – 3 દિવસમાં માસ્ક વગર ફરતા 100 લોકોને દંડ

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandesh ની નવી મોબાઇલ એપ્લિકેશન