US House passes resolution limiting Trump's power to carry out military action against Iran
  • Home
  • Featured
  • અમેરિકાથી આવ્યા મોટા સમાચાર, ઇરાન વિરૂદ્ધ ટ્રમ્પ ઇચ્છશે તો પણ યુદ્ધ નહીં લડી શકે, કારણ કે…

અમેરિકાથી આવ્યા મોટા સમાચાર, ઇરાન વિરૂદ્ધ ટ્રમ્પ ઇચ્છશે તો પણ યુદ્ધ નહીં લડી શકે, કારણ કે…

 | 8:22 am IST

અમેરિકન કોંગ્રેસના નીચલા ગૃહમાંથી ઇરાનની વિરૂદ્ધ સૈન્ય કાર્યવાહી માટે રાષ્ટ્રપતિ ડોનાલ્ડ ટ્રમ્પના અધિકાર સીમિત કરવાનો ‘વૉર પાવર્સ’ પ્રસ્તાવ પસાર થઇ ગયો છે. ડેમોક્રેટિક સાંસદોના મેજોરિટીવાળા નીચલા ગૃહ હાઉસ ઓફ રિપ્રેઝન્ટેટિવ્સમાં પ્રસ્તાવના પક્ષમાં 194 વોટ પડ્યા. હવે આ પ્રસ્તાવને કોંગ્રેસના ઉપલા સદન સેનેટમાં રજૂ કરાશે. જ્યાં તેના ભાગ્યનો નિર્ણય થવાનો છે. જો સેનેટમાંથી પણ પ્રસ્તાવ પાસ થઇ જયા છે તો તેના પ્રભાવમાં આવવા માટે ટ્રમ્પના હસ્તાક્ષરની જરૂર પડશે નહીં. જો કે રિપબ્લિકન સાંસદોના મેજોરિટીવાળા સેનેટમાં પ્રસ્તાવને પસાર કરવો થોડોક મુશ્કેલ છે.

હાઉસ ઓફ રિપ્રેઝન્ટેટિવ્સના સ્પીકર અને ડેમોક્રેટ સાંસદ નેન્સી પેલોસીની અધ્યક્ષતામાં વૉર પાવર્સ પ્રસ્તાવ માટે વોટિંગ થયું. આ દરમ્યાન પ્રસ્તાવના પક્ષમાં 194 વોટ પડ્યા. આપને જણાવી દઇએ કે ઇરાનના સૌથી તાકાતવાર ટોચના કમાન્ડરલ જનરલ કાસિમ સુલેમાનીના અમેરિકા દ્વારા એર સ્ટ્રાઇક હુમલામાં માર્યા ગયા બાદ બંને દેશોની વચ્ચે તણાવ વધી ગયો હતો. જો કે બુધવારના રોજ ઇરાનની સાથે શાંતિની રજૂઆત કર્યા બાદ હાલ કોઇપણ પ્રકારના યુદ્ધની આશંકા ભલે ખત્મ થઇ ગયો પરંતુ ટ્રમ્પ અને યુએસ કોંગ્રેસની વચ્ચે ટેન્શન વધતું જઇ રહ્યું છે.

ડ્રોન હુમલાની અમેરિકામાં થઇ હતી આલોચના

ટ્રમ્પે આની પહેલાં સંસદને માહિતી આપ્યા વગર જ ઇરાકમાં ઇરાનના કમાન્ડર જનરલ સુલેમાની પર ડ્રોન એટેકની મંજૂરી આપી દીધી હતી. ત્યારબાદ અમેરિકન સાંસદોએ તેમના આ પગલાંની આલોચના કરી હતી. નેન્સી પેલોસીએ યુએસ સાંસદોને લેટર લખીને રાષ્ટ્રપતિની સૈન્ય કાર્યવાહીને સીમિત કરવાનો પ્રસ્તાવ મૂકયો હતો. તેના પર ટ્રમ્પે કહ્યું હતું કે સુલેમાનીને મારવાનો વિરોધ એ લોકો જ કરી રહ્યા છે જે રાષ્ટ્રપતિ ચૂંટણી જીતવા માંગે છે.

આપને જણાવી દઇએ કે પ્રસ્તાવ એવા સમય પર પાસ થયો છે જ્યારે અમેરિકા અને ઇરાનની વચ્ચે તણાવ કાયમ છે. અમેરિકાએ ગયા સપ્તાહે જ ઇરાકની રાજધાની બગદાદમાં એર સ્ટ્રાઇક દ્વારા ઇરાનના કમાન્ડર જનરલ કાસિમ સુલેમાનીને નિશાન બનાવ્યા હતા.

ઇરાને 22 મિસાઇલ છોડી હુમલો કર્યો

ત્યારબાદ મંગળવાર સવારે ઇરાને ઇરાક સ્થિત અમેરિકન સેના બેઝ પર 22 મિસાઇલો છોડી હતી. ઇરાને તેને સુલેમાનીના મોતનો બદલો ગણાવ્યો હતો. બીજીબાજુ અમેરિકાએ દાવો કર્યો હતો કે આ હુમલામાં કોઇપણ અમેરિકનનો જીવ ગયો નથી અને ત્યાં સેના બેઝમાં પણ ઓછું નુકસાન થયું છે. રાષ્ટ્રપતિ ટ્રમ્પે જાહેરાત કરી હતી કે તેઓ ઇરાનને કયારેય પરમાણુ શક્તિ બનવા દેશે નહીં અને યુદ્ધાની જગ્યાએ બીજા આર્થિક પ્રતિબંધ વધારીને ઇરાનને પાઠ ભણાવશે.

આ વીડિયો પણ જુઓ – અમેરિકા અને ઇરાન વચ્ચે યુદ્ધના સૌથી મોટા ત્રણ સમાચાર સામે આવ્યા

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandeshની નવી મોબાઇલ એપ્લિકેશન