Virender Sehwag Offer to Take Complete Care of The Education of The Children of Martyred CRPF Jawans
  • Home
  • Sports
  • Cricket
  • શહીદ જવાનોના બાળકોના અભ્યાસની જવાબદારી ઉઠાવશે વીરેન્દ્ર સહેવાગ

શહીદ જવાનોના બાળકોના અભ્યાસની જવાબદારી ઉઠાવશે વીરેન્દ્ર સહેવાગ

 | 5:18 pm IST

પુલવામા જિલ્લામાં થયેલા આતંકવાદી હુમલામાં શહીદ જવાનોના પરિવારજનોને મદદ કરવા માટે દેશના લોકો સામે આવી રહ્યા છે. ત્યારે ભારતીય પૂર્વ ક્રિકેટર વીરેન્દ્ર સહેવાગે આ વિશે પોતાના સત્તાવાર ટ્વીટર એકાઉન્ટ પર ટ્વીટ કરી હતી. જેમાં તેણે શહીદ જવાનના બાળકોના ભણતરની જવાબદારી ઉઠાવવાની જાહેરાત કરી છે.

આ આત્મઘાતી હુમલામાં સીઆરપીએફના 40થી પણ વધુ જવાન શહીદ થયા હતા અને કેટલાક ખૂબજ ગંભીર રીતે ઘવાયા હતા. આ શહીદોના પરિવારજનોની મદદ માટે દેશના અલગ-અલગ ક્ષેત્રના લોકો સામે આવી રહ્યા છે. ત્યારે શનિવારે ભારતીય ટીમના પૂર્વ ખેલાડી વીરેન્દ્ર સહેવાગે એક ટ્વીટ કરી હતી. જેમાં તેમણે લખ્યું હતું કે આપણે લોકો શહીદો માટે ગમે તેટલું કરીએ પરંતુ તે ઓછુ જ સાબિત થશે, પુલવામા શહીદ થયેલા જવાનોના બાળકોનો ભણતર માટે મારી શાળા પ્રવેશ આપીને તેમના ભણતરની જવાબદારી ઉઠાવીશ. આ મારું સૌભાગ્ય સાબીત થશે.

આ સીવાય ભારતીય ટીમના એક દિગ્ગજ બોક્સર વિજેન્દર સિંઘે તેનો એક મહિનાનો પગાર આ શહીદ જવાનોના પરિવારની સહાય માટે આપવાની જાહેરાત પણ કરી છે. વિજેન્દર હરિયાણા પોલીસ સાથે જોડાયેલો છે. આ વિશે વિજેન્દર જણાવે છે કે હું એક મહિનાનો પગાર પુલવામા જિલ્લામાં થયેલા આતંકવાદી હુમલામાં શહીદ થયેલા જવાનોના પરિવારની સહાય માટે આપવાની જાહેરાત કરું છું અને દેશના દરેક નાગરિકને અપીલ કરીશ કે તેમના પરિવારની સહાય કરવા માટે આગળ આવે.

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandeshની નવી મોબાઇલ એપ્લિકેશન