We Warned Accused Before Firing They Snatched Police Weapon And Fire On Us : Police
  • Home
  • Featured
  • 4 આરોપી, 30 મીનીટ, અંધારી રાતે અને ખેલાયો ખેલ, ખુદ પોલીસે જણાવી એન્કાઉન્ટરની કહાની

4 આરોપી, 30 મીનીટ, અંધારી રાતે અને ખેલાયો ખેલ, ખુદ પોલીસે જણાવી એન્કાઉન્ટરની કહાની

 | 4:16 pm IST

હૈદરાબાદ ગેંગરેપના ચારેય આરોપીઓને આજે પોલીસે એન્કાઉન્ટરમાં ઠાર માર્યા હતાં. પોલીસ ડિપાર્ટમેન્ટ તરફથી સાયબરાબાદના કમિશ્નર વીસી સજ્જનારે એન્કાઉન્ટ વાળી જગ્યા પરથી જ પ્રેસ કોન્ફરન્સ કરીને તમામ જાણકારી આપી હતી. પોલીસના જણાવ્યા પ્રમાણે આરોપીઓએ પોલીસ પાસેથી હથિયારો આંચકીને નાસી છુટવાનો પ્રયાસ કર્યો હતો. ઘટનાસ્થળ પર હાજર અધીકારીઓએ તેમને ચેતવણી પણ આપી હતી, પણ તેને આરોપીએ નજરઅંદાજ કરી હતી. ત્યાર બાદ પોલીસે મજબુરીવર આ એન્કાઉન્ટર કરવુ પડ્યું હતું. આ એન્કાઉન્ટરમાં 2 પોલીસકર્મીઓ પણ ઘાયલ થયા છે.

30 મીનીટ ચાલ્યુ હતું એન્કાઉન્ટર

પોલીસના જણાવ્યા પ્રમાણે અમે વૈજ્ઞાનિક ઢબે તેની તપાસ કરી હતી અને ત્યાર બાદ જ ચારેય આરોપીઓની ધરપકડ કરવામાં આવી હતી. પોલીસના જણાવ્યા પ્રમાણે પર્યાપ્ત પુરાવાઓના આધારે ધરપકડ કરવામાં આવી અને તેને અંતર્ગત જ કોર્ટે તમામને 10 દિવસની જ્યુડિશિયલ કસ્ટડીમાં મોકલવામાં આવ્યા હતાં. 4 અને 5 ડિસેમ્બરે આરોપીઓની પુછપરછ કરવામાં આવી. આજે સવારે સીન રીક્રિએશન માટે અમે ચારેય આરોપીઓને લઈને ગયા હતાં. જ્યાં આરોપી આરિફ અને ચિંતાકુટાએ પોલીસના હથિયારો છીનવ્યા હતાં. આરોપીઓએ લાઠી અને પથ્થરવડે પોલીસકર્મીઓ પર હુમલો કર્યો અને નાસી છુટવાનો પ્રયાસ કર્યો. 2 આરોપીઓએ પોલીસ પર ગોળીબાર કર્યો હતો. આ ઘટના 5.45 થી 6.15 વાગ્યાની વચ્ચે ઘટી હતી.

આરોપીઓ પાસે 2 હથિયાર જપ્ત, 2 પોલીસકર્મીઓ ઘાયલ

કમિશ્નર સજ્જનારે જણાવ્યું હતું કે, આરોપીઓ પાસેથી 2 હથિયારો મળી આવ્યા છે. પોલીસે જણાવ્યું હતું કે, અમે આરોપીઓ પર ગોળીઓ ચલાવી તે અગાઉ તેમને સરેન્ડર કરવા અનેકવાર કહ્યું હતું, પરંતુ તેમને પોલીસ ઉપર જ હુમલો કર્યો હતો. અમારા પોલીસકર્મીઓને પણ ગોળીઓ વાગી જેમાં તેઓ ઘાયલ થયા. મૃતક આરોપીઓના શબને કબજામાં લઈ તેને સ્થાનિક હોસ્પિટલમાં મેડિકલ તપાસ માટે મોકલવામાં આવ્યા હતાં. અમારા બે પોલીસ અધિકારીઓ પણ ઘાયલ થયા છે જેમાંથી એકની સ્થિતિ ગંભીર છે. 

સવારે 3 થી 5 વાગ્યા વચ્ચે થયુ એન્કાઉન્ટર

પોલીસ ચારેય આરોપીઓ મોહમ્મદ આરિફ, નવીન, શિવા અને ચેન્નાકેશવુલુને લઈને ઘટનાસ્થળે સીનના રીકંસ્ટ્રક્શન માટે પહોંચી હતી. પોલીસનો હેતુ સીનન્નું રીકંસ્ટ્રક્શન કરી ઘટનાની તમામ કડીઓ એકત્ર કરવાની હતી જેથી કરીને આખો કેસ ઉકેલવામાં મદદ મળે. પરંતુ આ દરમિયાન એન્કાઉન્ટર થયું અને ચારે આરોપીઓ માર્યા ગયા.

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandeshની નવી મોબાઇલ એપ્લિકેશન