સિક્યુરિટી સર્ટિફિકેટ એરર આવે ત્યારે શું કરવું? - Sandesh
  • Home
  • Kids Corner
  • સિક્યુરિટી સર્ટિફિકેટ એરર આવે ત્યારે શું કરવું?

સિક્યુરિટી સર્ટિફિકેટ એરર આવે ત્યારે શું કરવું?

 | 2:59 pm IST

દરરોજ તમારું કામ સરળતાથી અને કોઈ મુશ્કેલી વગર થઈ રહ્યું હોય, પરંતુ કોઈ એક દિવસ જ્યારે તમે ખૂબ જ ઉપયોગી સાઇટ ઓપન કરી રહ્યા હો અથવા જરૂરી ઈ-મેઇલ એકાઉન્ટમાં સાઇન-ઇન કરી રહ્યાં હો અને તે ઓપન ન થાય પણ તેને બદલે એરર આવી જાય તો!

આવા સમયે તમે ઇન્ટરનેટના કનેક્શનથી માંડીને કમ્પ્યુટર સુધી બધું જ તપાસી લેશો, પરંતુ આ એરર જે-તે સાઇટ કે ઈ-મેઇલ એકાઉન્ટ ઓપન કરતી વખતે ફરીથી આવી જશે. વાસ્તવમાં આ એરર સિક્યુરિટી સર્ટિફિકેટની છે. જે બધી વેબસાઇટ ઓપન કરતી વખતે આવતી નથી, પરંતુ કેટલીક સાઇટ કે ઈ-મેઇલ એકાઉન્ટમાં સાઇન-ઇન કરતી વખતે ચોક્કસ આવે છે. બીજાના કમ્પ્યુટરમાં તમારું ઇ-મેઇલ એકાઉન્ટ ઓપન કરો તો થાય, પરંતુ તમારા કમ્પ્યુટરમાં જ તે ઓપન ન થાય અને પાછી સિક્યુરિટી સર્ટિફિકેટની એરર આવી જાય છે. આ સમસ્યાનો ઇલાજ ખૂબ જ સરળ છે.

ઇન્ટરનેટ સર્ફ કરવા માટે કમ્પ્યુટર યુઝર્સ વિવિધ બ્રાઉઝરનો ઉપયોગ કરતાં હોય છે, પરંતુ જો આ એરર એક બ્રાઉઝરમાં આવતી હોય તો અન્યમાં પણ આવવાની જ છે. માત્ર તેનો દેખાવ અલગ હોય છે.

શું છે આ સર્ટિફિકેટ એરર?

સર્ટિફિકેટ એરર બ્રાઉઝરનો પ્રોબ્લેમ નથી, પરંતુ તમે જે સાઇટનો ઉપયોગ કરો છો તેનો પ્રોબ્લેમ છે. દરેક સાઇટનું વેલિડ સર્ટિફિકેટ હોય છે. તેનો અર્થ એ છે કે, આ સાઇટ સુરક્ષિત છે. જો કોઈ પણ કારણસર સાઇટનું સર્ટિફિકેટ વેલિડ ન હોય તો તેને ઓપન કરતાં એરર આવે છે. બ્રાઉઝરમાં આવતી એરરો આ પ્રમાણે છે.

Microsoft IE-There is a problem with this web site Security Certificate.

Mozilla Firefox-Secure Connection Failed.

Google Chrome-The server’s Security. Certficate is not yet valid.

એરર આવવાનાં મુખ્ય ૩ કારણો

  • જે તે સાઇટનું સિક્યોરિટી સર્ટિફિકેટ એક્સપાયર્ડ થઈ ગયું હોય.
  • વેબસાઇટ તમારા કમ્પ્યુટર માટે વિશ્વાસપાત્ર ન હોય.
  • કમ્પ્યુટરમાં ડેટ અને ટાઇમ ખોટાં હોય.
  • મોટા ભાગના લોકોને આ એરર કમ્પ્યુટરની ખોટી ડેટ અને ટાઇમના કારણે જ આવતી હોય છે. તે માટે નીચેના સ્ટેપ્સને અનુસરો.

સ્ટેપ-૧

ટાસ્કબારમાં જમણી બાજુએ જ્યાં સમય લખેલો હોય તેમાં ડબલ ક્લિક કરતાં ડેટ એન્ડ ટાઇમ પ્રોપર્ટી ઓપન થશે.

સ્ટેપ-૨

ડેટ એન્ડ ટાઇમ ટેબ પર ક્લિક કરો. ડેટના બોક્ષમાં કેલેન્ડર હશે તેમાંથી યોગ્ય તારીખ સિલેક્ટ કરો અને ટાઇમના બોક્સમાં લખીને અથવા અપ-ડાઉન બટન દ્વારા ટાઇમ સેટ કરો. ચેન્જીસને સેવ કરવા ઓકે બટન પર ક્લિક કરો.

સ્ટેપ-૩

જો વારંવાર કમ્પ્યુટરની ડેટ અને ટાઇમ સેટ કરવા છતાં તે ફરી જતી હોય તો તે ષ્ઠર્દ્બજ બેટરીની સમસ્યા છે, તેથી બેટરી જલદીથી બદલાવી નાંખવી. કોઈ કારણસર બેટરી ન બદલાઈ હોય અને ઈ-મેઇલ ઓપન કરવા હોય તો ડેટ અને ટાઇમ સેટ કરવો.

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandeshની નવી મોબાઇલ એપ્લિકેશન