Wholesalers strike: Jamalpur APMC vegetable market will remain closed till July 15
  • Home
  • Ahmedabad
  • આખા અમદાવાદને શાકભાજી પુરું પાડતું જમાલપુર APMC શાકમાર્કેટ આ તારીખ સુધી બંધ, કારણ કોરોના નથી પણ…

આખા અમદાવાદને શાકભાજી પુરું પાડતું જમાલપુર APMC શાકમાર્કેટ આ તારીખ સુધી બંધ, કારણ કોરોના નથી પણ…

 | 7:36 am IST

જમાલપુર APMC શાકમાર્કેટ તા. ૧૫ જુલાઈ સુધી બંધ રહેશે. પોલીસે મંજૂરી નહીં આપતાં જમાલપુર APMC શાકમાર્કેટના હોલસેલના વેપારીઓ હડતાલ પર ઊતરી ગયા છે અને આગામી તા. ૧૫ જુલાઈ સુધી શાકમાર્કેટ બંધ રાખવાનું નક્કી કર્યું છે.

આમ, શાકમાર્કેટ બંધ રહેવાને કારણે લગભગ એક પખવાડિયું શહેરીજનોને શાકભાજી સરળતાથી ઉપલબ્ધ નહીં થાય. જમાલપુર APMC શાકમાર્કેટ શાકભાજીની આવક ઘટવાને પગલે જુદા જુદા વિસ્તારોમાં શાકભાજીનો સપ્લાય ઘટવાને કારણે શાકભાજીના ભાવ વધશે. સોમવારે ટામેટાંના કિલોના ભાવ વધીને રૂ. ૧૦૦ થઈ ગયા છે.

તેમજ રીંગણ, દૂધી, ચોળી, ગવાર, પરવર, ભીંડા, કારેલાં, વગેરે શાકભાજીના ભાવ વધી કિલોદીઠ રૂ. ૮૦થી રૂ. ૯૦ થઈ ગયા છે. કોરોનાનો રોગચાળો વકરતો અટકાવવા જમાલપુર APMC શાકમાર્કેટ બંધ કરાયું હતું અને તે જેતલપુર ખસેડાયું હતું અને ત્યાપછી ફરી પાછા શાકભાજીના હોલસેલના વેપારીઓ જમાલપુર APMC શાકમાર્કેટ ખાતે કામકાજ શરૂ કરવાનું નક્કી કર્યું હતું.

પરંતુ પોલીસે ફક્ત ૩૩ ટકા એટલે કે ૧૫૯ વેપારીઓ પૈકી ફક્ત ૫૩ વેપારીઓને દર ત્રણ દિવસે વારાફરતી એક ગાડી- ટ્રક ભરીને શાકભાજી લાવવાનો નિયમ કરવાના વિરોધમાં જમાલપુર APMC શાકમાર્કેટના વેપારીઓએ તા. ૨૯ જૂનથી હડતાળ પર ઊતરી ગયા છે.

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandeshની નવી મોબાઇલ એપ્લિકેશન