Wow! Midair Surprise for Air India Pilots As Karachi ATC 'Opens Skies'
  • Home
  • Featured
  • પાકિસ્તાને ભારતીય પાયલટને હવામાં જ મોટી સરપ્રાઇઝ આપતા થઇ ગયો સ્તબ્ધ

પાકિસ્તાને ભારતીય પાયલટને હવામાં જ મોટી સરપ્રાઇઝ આપતા થઇ ગયો સ્તબ્ધ

 | 10:37 am IST

કેપ્ટન વાસદેવ સિંહ જસરોતિયા મંગળવારની સવારે એર ઇન્ડિયાનું વિમાન AI 184 ઉડાડી રહ્યા હતા, ત્યારે કોકપિટમાં કરાચી એર ટ્રાફિક કંટ્રોલ (ATS)નો અવાજ ગૂંજ્યો. કરાચી એટીસીએ કહ્યું કે પાકિસ્તાન એર સ્પેસ ખુલી છે. દુનિયાની સૌથી લાંબા અંતરની નોન-સ્ટોપ ફ્લાઇટસમાં એક સાન ફ્રાંસિસ્કો થી દિલ્હી આવતા કેપ્ટન અને તેમના કો-પાયલટ આદિત્ય યાદવને આ અવજા સંભળાતા સુખદ આશ્ચર્ય થયું કારણ કે તેમને 14.50 વાગ્યે સેન ફ્રાન્સિસ્કોથી ઉડાન ભરતા સમયે આ માહિતી નહોતી.

એ સમયે બોઇંગ 777-200 ઇરાનના ગ્રાઉન્ડ એર સ્પેસમાં હતા અને પાકિસ્તાનના એરસ્પેસમાં પ્રવેશ કર્યા વગર લાંબા રસ્તા તરફ વળવાના જ હતા. તેમને ખબર નહોતી કે પાકિસ્તાનની સરકારે મંગળવારના રોજ ભારતીય સમયાનુસાર 12.41 વાગ્યે પોતાની એર સ્પેસ ખોલી દીધી. કેપ્ટન જસરોતિયાએ એક ઇન્ટરવ્યુમાં કહ્યું કે મેં અવાજ સાંભળીને કરાચી એટીસીને કેટલીય વખત પૂછયું અને જ્યારે તેમણે પુષ્ટિ કરી દીધી તો અમારી ફ્લાઇટ પાકિસ્તાનના એરસ્પેસમાં ઘૂસી ગઇ.

એક કલાક પહેલાં દિલ્હી પહોંચ્યું વિમાન
બાલાકોટ એરસ્ટ્રાઇક બાદ બંધ પડેલા પાક એરસ્પેસને ફરીથી ખોલતા ફ્લાઇટ AI 184 પહેલું ભારતીય વિમાન હતું જે દિલ્હી આવતા સમયે પાકિસ્તાની એરસ્પેસમાંથી થઇને પસાર થયું. જો કે ક્રૂ એ ફ્લાઇટમાં તેની જાહેરાત કરી નહોતી કારણ કે પેસેન્જર ચિંતામાં પડી શકતા હતા. આ વિમાનમાં 235 પેસેન્જર અને 12 કેબિન ક્રૂની સાથો સાથ ચાર પાયલટ્સ હતા. આ તમામ ચોક્કસ સમયથી એક કલાક પહેલાં જ દિલ્હી પહોંચી ગયા.

1 કલાક વિમાન ઓછું ઉડતા 5.7 ટન ફ્યુઅલ બચ્યું
જસરોતિયા એ કહ્યું કે અમારી ફ્લાઇટની 18 કલાકની મુસાફરી કરીને લેન્ડ થઇ, જે સમય કરતાં એક કલાક પહેલાં લેન્ડ થઇ ગઇ. અમારા વિમાનમાં 5.7 ટન ફ્યુઅલ બચી ગયું. જ્યારે અમે જાહેરાત કરી કે અમે નક્કી સમય કરતાં પહેલાં જ દિલ્હી પહોંચી રહ્યા છીએ તો પેસેન્જર ખૂબ ખુશ થઇ ગયા. એર ઇન્ડિયાના એક વરિષ્ઠ અધિકારીએ કહ્યું કે અમારી બીજી ફ્લાઇટ પણ મંગળવારના રોજ સૈન્ફ્રાંસિસ્કોથી દિલ્હી 4.30 વાગ્યે જ પહોંચી ગઇ જેને 6.30 વાગ્યે પહોંચવાનું હતું. ધીમે-ધીમે તમામ ઉડાનો 27 ફેબ્રુઆરીની પહેલાંની જેમ આ રૂટ પરથી એટલે કે પાકિસ્તાન થઇને જશે.

આ વીડિયો પણ જુઓ – સ્કૂલ બસ અકસ્માતનો વીડિયો વાયરલ

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandeshની નવી મોબાઇલ એપ્લિકેશન