Redmi 5 Pro લેવાનું વિચારી રહ્યો હોય તો છોડો હવે સસ્તા ભાવમાં લૉંચ થયો આ સ્માર્ટફોન! - Sandesh
  • Home
  • Technology
  • Redmi 5 Pro લેવાનું વિચારી રહ્યો હોય તો છોડો હવે સસ્તા ભાવમાં લૉંચ થયો આ સ્માર્ટફોન!

Redmi 5 Pro લેવાનું વિચારી રહ્યો હોય તો છોડો હવે સસ્તા ભાવમાં લૉંચ થયો આ સ્માર્ટફોન!

 | 5:50 pm IST

સતત સસ્તા ભાવે દમદાર ફીચર્સ સાથેના સ્માર્ટફોન લૉંચ કરીને યૂઝર્સની વચ્ચે પસંદગી બનેલી ચાઈનીઝ મોબાઈલ નિર્માતા કંપની શાઓમી (Xiaomi) એ બજારમાં વધુ એક સ્માર્ટફોન લૉંચ કર્યો છે. આ વખતે કંપની તરફથી શાઓમી રેડમી 5 પ્રો (Xiaomi Redmi 5 Pro) લેવાની પ્લાનિંગ કરી ગ્રાહકોને મોટી ખુશખબરી આપી છે. જો તમે થોડી રાહ જોઈ શકતા હોય તો Redmi 5 Proનું અપડેટેડ વર્ઝન એટલે કે Redmi 6 Pro તમને વધારે પસંદ આવશે. કંપનીએ આ દમદાર ફીચર્સની સાથે બજારમાં રજૂ કર્યો છે

શાઓમી રેડમી 6 પ્રોની સાથે કંપનીએ એમઆઈ પેડ 4ને પણ લૉંચ કર્યું છે. શાઓમી રેડમી 6 પ્રોમાં કંપનીએ 5.84 ઈંચની ડિસ્પ્લે, ડ્યૂલ રિયર કેમેરા, ઓક્ટા-કોર સ્નેપડ્રેગન 625 પ્રોસેસર અને 4000 એમએએચની બેટરી આપી છે. યૂઝરના એક્સપીરિયંસને વધારવા માટે Xiaomi Redmi 6 Proમાં ફેસ અનલોક, વોઈસ આસિસ્ટેંટ ફીચર પણ આપ્યું છે. તેના સિવાય તેની સાથે લૉંચ કરેલા એમઆઈ પેડ4માં 6000 એમએએચની બેટરી આપવામાં આવી છે.

Xiaomi Redmi 6 Proને કંપનીએ 3 GB અને 4 GB રેમવાળા બે વેરિયંટમાં રજૂ કર્યો છે. 3 GB રેમવાળા વર્ઝનમાં 32 GB ની ઈન્ટરનલ સ્ટોરેજ આપવામાં આવ્યો છે, જ્યારે 4 GB રેમવાળા વેરિયંટમાં 64 GBની ઈંટરનલ સ્ટોરેજ આપ્યો છે. તેના 3 GBવાળા વેરિયંટની કિંમત 999 યુઆન (લગભગ 10,400 રૂપિયા) છે, જ્યારે 4 GB વેરિયંટની કિંમત 1,199 યુઆન (લગભગ 12,500 રૂપિયા) છે. અત્યારે ચાઈનામાં લૉંચ કરેલા આ ફોનની ઓનલાઈન સેલ પણ શરૂ થઈ ગયો છે. ફોન બ્લેક, બ્લૂ, ગોલ્ડ, પિંક અને લાલ કવરમાં ઉપલબ્ધ થશે.

શાઓમી રેડમી 6 પ્રો એન્ડ્રોઈડ મીયૂઆઈ 9 પર ચાલે છે. તેમાં 5.84 ઈંચની ફૂલ એચડી+ ડિસ્પ્લે આપવામાં આવી છે. તેમાં 12 મેગાપિક્સલનો રિયર અને 5 મેગાપિક્સલનો ફ્રંટ કેમેરો આપવામાં આવ્યો છે. તેના સ્ટોરેજને માઈક્રો એસડી કાર્ડથી 256 GB સુધી વધારી શકાય છે. કનેક્ટિવિટી માટે તેમાં 4G વીઓએલટીઈ, વાઈ-ફાઈ, બ્લૂટૂથ, માઈક્રો યૂએસબી અને હેડફોન જેક આપવામાં આવ્યો છે.