- 9 દિવસ આદિ શક્તિ મા દુર્ગાની પૂજા કરવાની પરંપરા
- આ વખતે નવરાત્રિ 9 એપ્રિલથી શરૂ થઈ છે
- અષ્ટમી તિથિ 16 એપ્રિલે ઉજવવામાં આવી રહી છે
ચૈત્ર નવરાત્રિ દરમિયાન સંપૂર્ણ 9 દિવસ આદિ શક્તિ મા દુર્ગાની પૂજા કરવાની પરંપરા છે. આ વખતે નવરાત્રિ 9 એપ્રિલથી શરૂ થઈ છે અને તે 17 એપ્રિલના રોજ સમાપ્ત થશે. આ વર્ષે અષ્ટમી તિથિ 16 એપ્રિલે ઉજવવામાં આવશે. જે લોકો નવરાત્રિ કરે છે તે અષ્ટમી અને નવમી પર ઉપવાસ તોડે છે. આ પહેલા કન્યા પૂજા કરવામાં આવે છે અને હવન વગેરે પછી વ્રત તોડવામાં આવે છે. કેટલીક જગ્યાએ નવમીની પૂજા કરવાની પરંપરા છે તો કેટલીક જગ્યાએ અષ્ટમીની પૂજા કરવામાં આવે છે. તેમજ દુર્ગા અષ્ટમી અને મહાનવમીની પૂજા માટે તમારે હવન સામગ્રી અને વિશેષ વસ્તુઓની જરૂર છે. તેનો ઉપયોગ કર્યા પછી જ પૂજા પૂર્ણ માનવામાં આવે છે. ચાલો જાણીએ પૂજા સામગ્રી અને પૂજા પદ્ધતિ...
ચૈત્ર નવરાત્રિ 2024 અષ્ટમી તિથિ
તિથિ- ચૈત્ર નવરાત્રિની અષ્ટમી તિથિ 16 એપ્રિલે છે.
અષ્ટમી તિથિ 15 એપ્રિલે બપોરે 12.11 કલાકે શરૂ થઈ રહી છે.
અષ્ટમી તિથિ સમાપ્ત થાય છે - તેમજ તે 16મી એપ્રિલે બપોરે 1:21 વાગ્યે સમાપ્ત થઈ રહી છે.
પૂજા સામગ્રીની સંપૂર્ણ યાદી
- લાલ ચુંદડી, લાલ સ્થાપન, મૌલી,સોળ શણગારની વસ્તુઓ, દીપક, ઘી-તેલ, ધૂપ, પંચ પલ્લવ- કેરી, પીપળાના પાન, આસોપાલવના પાન, કપૂર, લવિંગ, ઘી, એલચી, નારિયેળ, ચોખા, કુમકુમ, ફૂલો, દેવીની મૂર્તિ અથવા ફોટો સોપારી, લવિંગ, એલચી, પતાશા અથવા સાકર, કપૂર, ફળ-મીઠાઈ, પાન નાડાછડી, શ્રીયંત્ર, હવન કુંડ, સામગ્રી
ગોરણીની વિધિવત પૂજા કરી ભોજન કરાવો
માતાજીને ગોરણીઓ જમાડો તે ખુબજ ગમે છે આથી માતાજીની પૂજામાં ગોરણીઓને જમાડી તેનુ શાસ્ત્રોક્ત પૂજન કરી ભાવ સાથે જમાવડી જોઇએ. તમે એકી સંખ્યામાં ગોરણીઓને જમાડી શકો છો તમારી યથાશકિત પ્રમાણે ગોરણીઓને જમાડો. સોળ-શણગારની વસ્તુઓ ભેટમાં આપો.
દુર્ગા અષ્ટમી પૂજા પદ્ધતિ
દુર્ગાષ્ટમીના દિવસે સવારે વહેલા ઉઠો, સ્નાન કરો અને સ્વચ્છ વસ્ત્રો પહેરો. મા દુર્ગાની જે મૂર્તિ કે પ્રતિમા તમે સ્થાપિત કરી છે. ત્યાં શુદ્ધ ઘીનો દીવો પ્રગટાવો. મા દુર્ગાને લાલ રંગની ચંદડી અને શણગારની વસ્તુઓ અર્પણ કરો. આ પછી કુમકુમ, અક્ષત, મૌલી, લાલ ફૂલ, લવિંગ, કપૂર વગેરે ચઢાવો અને નિર્ધારિત રીતે પૂજા કરો. અર્થાત્ ષોડશોપચારની પૂજા કરો. માતાને સોપારી, એલચી, ફળ અને મીઠાઈઓ પણ અર્પણ કરો. અંતમાં દુર્ગા ચાલીસા, આરતી અને દુર્ગા સપ્તશતીનો પાઠ કરો. પૂજા પછી કન્યાનું પૂજન કરો.
