Festivals Date and Time: કરવા ચોથથી લઇને દિપાવલી શુભ તહેવારોની યાદી

નવરાત્રિની ઉજવણી સમાપ્ત થતાની સાથે જ ફરી એકવાર લોકો આતુરતાથી દિપાવલીના શુભ અવસરની કાગડોળે રાહ જોઇ રહ્યા છે. દિવાળી એટલે સાવ સામાન્ય માણસથી લઇને મોટા ગજાનો માણસ પણ આ પર્વની ઉલ્લાસભેર ઉજવણી કરશે. આ તહેવાર સળંગ 5 દિવસનો હોવાથી જીવનમાં રોશનીની ઝમગમ અને આનંદ ઉલ્લાસ ભરી દેનાર છે. લોકો નવા કપડા ખરીદે, મીઠાઇ આપે અને લે તેમજ ફટાકડાઓ ફોડે છે. પોતપોતાની ક્ષમતા મુજબ સૌ કોઇ આ તહેવારને ઉજવે છે.

આપણે ઓક્ટોબર અને નવેમ્બરમાં આવતા તહેવારોની યાદી નોંધી લઇએ.

20 ઓક્ટોબર- રવિવાર- કરવા ચોથ

21મી ઓક્ટોબર, સોમવાર- રોહિણી વ્રત

24 ઓક્ટોબર, ગુરુવાર - અહોઈ અષ્ટમી

28 ઓક્ટોબર, સોમવાર- રમા એકાદશી

29 ઓક્ટોબર- મંગળવાર- ધનતેરસ, પ્રદોષ વ્રત

30 ઓક્ટોબર બુધવાર-કાળી ચૌદસ

31 ઓક્ટોબર- ગુરુવાર- દિવાળી

1 નવેમ્બર શુક્રવાર-પડતર દિવસ (ધોકો)

02 નવેમ્બર- ​​શનિવાર- ગોવર્ધન પૂજા, અન્નકૂટ, બેસતું વર્ષ

3 નવેમ્બર રવિવાર ભાઇબીજ

07 નવેમ્બર- ​​ગુરુવાર- છઠ પૂજા

09 નવેમ્બર, શનિવાર- દુર્ગાષ્ટમી વ્રત, ગોપાષ્ટમી

10મી નવેમ્બર, રવિવાર- અક્ષય નવમી

12 નવેમ્બર, મંગળવાર- પ્રબોધિની એકાદશી

13 નવેમ્બર- ​​બુધવાર- પ્રદોષ વ્રત, તુલસી વિવાહ

15 નવેમ્બર- ​​શુક્રવાર- કાર્તિક પૂર્ણિમા વ્રત, ગુરુ નાનક જયંતિ

લક્ષ્મી પૂજાનો શુભ સમય

દિવાળીના દિવસે દેવી લક્ષ્મી અને ભગવાન ગણેશની પૂજા વિધિપૂર્વક કરવામાં આવે છે. આ વખતે લક્ષ્મી પૂજાનો શુભ સમય 31 ઓક્ટોબર 2024 ના રોજ સાંજે 5 થી 10:30 સુધીનો છે. ધાર્મિક માન્યતાઓ અનુસાર, કારતક મહિનાના કૃષ્ણ પક્ષની અમાસના દિવસે સમુદ્ર મંથન દરમિયાન દેવી લક્ષ્મીનો જન્મ થયો હતો. આ દિવસે લક્ષ્મી પૂજાનું વિશેષ મહત્વ છે. દેવી લક્ષ્મી દરેક ઘરમાં પધારે છે અને તેમના ભક્તોને સુખ, સમૃદ્ધિ અને સંપત્તિ માટે આશીર્વાદ આપે છે.